منتديات بنات فلسطين - لكك دخلك انت ذاكر شي من زمآان ، »

بتعرف شو كآنت قاعدة وعم فكر ..

ما بعرف لشو خطرت ببالي وكيف هيك صورتك قدامي ...

لك شو بدي قلك لأقلكك ...

هيك فجأة رجعت على بالي ايام زمآان وقت كنت نآديك حبيبي وتقلي يا عمري ...

تذكرت وقت كنا نلعب سوا بالميا غرقك وتجري بدك تمسكني وقال عامل حالك معصب وبس تمسكني تضمني وتقلي بحبك يا مجنونة ...

بدي قلك اشتقت لهديك الايام ولكل ذكرى كانت معك ، لكل لحظة جمعتنا انا وانت ، شو كنا نحلم ببيت وصغار .. كنت تقلي بدي بنوتةة متلك بعيونك وضحكتك ووجهك بدي اياها نسخةة منكك ، وانا قلك لا بدي ولد متلك زلمة وقد حاله وكل البنات يجنوا ليحاكوه ، وكنا نتخانق وبالاخر نموت ضحك على حالنا ، لك دخلك ذاكر لحظة من هاللحظات ولا اانا لحالي بتذكر...

ذاكر هداك اليوم لما جيتك ببكي كيف انت غلي الدم بعروقك وكنت هتضرب اخي مشانه خلاني ابكي ، هلأ دخلك فارقةة معكك اني عم ببكي بسببك كل يوم ، فارقةة معك وقت رحت وكسرت قلبي ، هالقلب الي حكتلي بيوم انه الك ، هالقلب الي بيوم كنت تعشقه ،

يلا على حكيك كلها ايام وبنسى ، بس دخلك عدت شي سنةة وما نسيت ولساتني كل يوم عم فكر فيك وحبك واشتقتلك ، فكرك يعني راح بنسى متلك .. !!

لك نفسي فوت على قلبك اعرف لشو هالقد قاسي ، معقول نسيت كل شي ولا عم تكابر على حالك متل ما انا عم كابر وبخبئ عنك اني بشتقتلك ..

دخلك عم تعمل متل ما اعمل بتعاملني عادي بس من جواتك لساتك بتحبني... !!

# تخبيصةة ههههه