يوم لا ينسى
 

في 27/12/2008

في

3ﺩﻗﺎﺋﻖ

و

ب

60 ﻃﺎﺋﺮﺓ


ﺃﻛﺜﺮ ﻣﻦ500 ﺷﻬﻴﺪ ﻭ700 ﺟﺮﻳﺢ



ﻫﻲ ﺣﺼﻴﻠﺔ ﺍﻟﻀﺮﺑﺔ ﺍﻷ‌ﻭﻟﻰ ﻓﻘﻂ ﻣﻦ ﺣﺮﺏ 2008 م

ﺍﻟﺬﻛﺮﻯ ﺍﻟﺴﺎﺑﻌﺔ ﻟلحرب

تمر علينا اليوم

ذكريات للوهلة الاولى للحرب كيف حكايتك وقصتك معهااا ؟؟؟

والله يا خالد مر علينا الألعن منها حرب عام 2014 أو الــ 51 يوم
مش عارف شو اقول
الله يرحم الشهداء ويتقلهم
ويكون في عون الناس المهدمة بيوتهم

تحياتي لك

كنت توجيهي ب وقتها

وبحمد ربي م كان عنا كهربا نشوف شي




بس كانت صعبةة خاصةة كان اجتياح بري عني ب المنطقة


كانت الاشتباكات تصير قدام الدار بمدرستي كان في مقاومة انضربت صاروخ ب صف بالطابق التالت بعدها طلعت عليها القناصة


خمس جوامع بمطقتي راحوا غير البيوت


بس احلا شي فيها والي مكان محسسني بامان كانت المقاومة ع باب الدار ع طول والسلاح كان ينحط عنا وقت يصلوا




ابشع شي صار بالنسبة الي كنت واقفة ع السطح وفجأة نزل صاروخ زنانة على مقاوم خلاه اشلاء ع الحيطان وبتذكر اشلائه وصلت عنا عالسطح


الله لا يعيدها من ايام

اممم بالــ 2008 مآ كنت بعد حآلي وآعية لهيك اشياآ

مآ كنت أهتم لشي اسموو حرب


لهيك مش متذكرتهاآ أبداً


الله يكون بعون النآس اللي مرؤوو بهيك ظروف
و ربي يرحم الشهدآء أجمعين




تحيآتي لك .~

كننآ بالحصة السادسة ..
حصة تعبير كانت .
بتذكر الشي تماما .


كنت بمدرسة صلاح الدين .
كنت ب أول اعدادي او تاني اعدادي .


بين الساعة 11 و 12 صار الشي .
قبل ما تخلص الحصة الاخيرة ب عشر دقايق .


بتذكر يومها بالفسحة لفتني عدد "الزنانات" بالسما قديه كتير بشكل مش معقول .


بين ال 12 و ال 11
صآرت سلسلة الانفجارات بشكل فجآئي .
صارت ضجة كتير بالمدرسة و سلسلة الانفجارات مستمرة .
نزلونا على ساحة المدرسة .
يومها ما بنسآ هداك المشهد .


محيط المدرسة كله اعمدة دخآن .
السما مليانة طيارات
والطلاب كلهم خايفين
الاساتذة مو عارفين شو يعملو .
و كانت الامور بتزداد حدة كل لحظة .


كانو حابسيننا جوا المدرسة لحتى ينتهي الشي .
لكنه طول .
ف اتطرو يفتحو الباب ويطلعونا .
كان معي اخويا الصغير .


اعمدة الدخان كانت كتير و بكل محيط المكان .
طلعت من المدرسة مع اخويا .


ك أخ .
كنت مو عارف شو اعمل .
أروح لاختي ع المدرسة واخدها .
ولا اروح البيت .
اتحيرت لانو كان موعد تررويح البنات وقت الضربة
جنون سرعة السيارات كىن كفيل باني ما اقرب على الشارع يومها .
رحت مع اخويا ماشيين جنب بعض .
مقربين على مركز الشرطة . :/
مكان اقوى ضربة .
لكن من حسن حظي تراجعت و قلت خليني اروح البيت مع اخويا .
يمكن ابويا ياخدها او السواق .
لانهم كانو مروحين قبلنا بشوي .


رحت مروح مشي مع اخويا .
مرينا بشارع الشفا .
و النصر .
وكنا نشوف سيارات محملة "شقف" اشخاص .
نشوف ناس بدون روس وبدون اجساد .
و السيارات مسرعة جدآ .


مشينا و خطواتنا كلها خوف .
كل شارع افوته اخآف من انه ينقصف فيه شي .


اصوآت الصواريخ تمر من فوقنا .
و تطلع من حوالينا .
مرقنا عن اماكن وقائية و اماكن كتير خطيرة .
بفضل الله كانت طريقنا ميسرة
والقصف ما هدي أبدآ .


كنت امشي و كلي خوف ع اهلي و اخويا .
و خوف من كل محيطي .
ب أي لحظة ممكن اتحول ل قطع ممزقة .


لحد ما وصلت باب البيت .


وقتها بتزكر انهيآر امي وقلق أبويا .


امي ما وقفت دموعها .
كانت متوقعة اننا رحنا ..


كانت ب حال انهيار كامل ..
والحمد لله يومها الجميع وصل بسلام .


و كانت ايام صعبة .


واخر أيام الحرب .
كانت اليهود عند ابراج الكرامة .
نصبو المدافع هناك .
لو قعدو ليلة وحدة زيادة .
كآن اجتياحهم وصل لبيتنا ..


الحمد لله ع كل شيء .


و عدت علينا حرب ال 2014 و ال 51 يوم ..


ومازلنا احياء .


و قلوبنا تحجرت وبطلت تعرف معنى لخوف "الحروب"

فعلا ذكرى لا تنسى

اما عن نفسي


كنت بقدم امتحانين تكنولوجيا و مادة تانية وانا بالصف الاول ثانوي


سمعنا اصوات الانفجارات في الامتحان الاول


صحيح ارتعبنا لكن الامتحان ولا اللي بصير بره


قدمنا الامتحان الاول واما خلونا ناخد استراحة واعطونا الامتحان التاني


اللي مذكره انه اللي ابن عم في الصف اكل كتل من الاستاذ لانه بغش مني


انا بفتح الورقة قدامه وعادي لكن الاستاذ ما بده


المهم


روحنا وابن عمي قلبه ناقزه حكالي انه اخوه راح على شغله وموجود بالموقع


وحكالي انه اليوم ما علي اشي ..اجازة بس راح اليوم مش عارف ليه


حكيتله اكيد الحين في البيت
المهم ويحنا بنمشي بنسأل شو صاير


بقولوا اليهود ضاربين


وبحكوا عدد الشهدا 50


بنمشي بنسأل بحكوا عدد الشهداا صاروا 100


وبنمشي كمان شويه صاروا 150


المهم وصلنا البيت العدد وصل ل 250







لقيت والدي واخواني واعمامي متجمعين عند بيت عمي


الكل بتصل عليه ما بجاوووب


بقينا لبعد العصر ببنتظر


الا واجا خبر انه ابن عمي استشهد ومعه واحد من جيرانااا


الله يرحمهم ويحسن اليهم




يوم بألف يوم






شكرا لتعليقاتكم اخواني


بارك الله فيكم لمروركم الطيب

بصراحة مش متزكرة الحرب هاي كتير
اللي بتزكرو اكتر شي 2014 ما بنساها ابدا
كان شهر رمضان بشع كتير وقتها بالاحداث اللي كانت

الله لا يجيب هيك ايام صعبة لا عالقطاع ولا عالضفة

كنت بصف سادس باخد حصة مراجعة لامتحان العربي و فجأة ضربوا اول صاروخ

صارت المعلمة تحكيلنا يا تفريغ هوا تفريغ هوا ما تخافوا


بس احلى اشي ما قدمنا امتحانات ههه


الله لا يعيدها من ايام