ما بين 2015 وال 2016م
 

صباحكم جوري كأرواحكم النقية


كم يوم باقي ل2015

رح نودعها بكل ما فيها من افراح واتراح
ايام عشناها بحلوها ومرها

ايام صار فيها اشيا كتيرة ما ممكن ننساها
يمكن تكون حلوة للبعض
وممكن تكون مؤلمة للبعض الآخر


** كيف كانت هالسنة عليك /ي ؟؟

** احلى يوم فيها شو كان ؟؟

** ابشع يوم فيها شو كان الك ؟؟

** شو الذكرى اللي حملتلك ياها هالسنة
ومستحيل تقدر تنساها ؟؟

** بتتوقع بالسنة جديدة تفاؤل اكتر ولا متل اي سنة ؟؟؟

** اكتر حدث آلمك بهالسنة ؟

**ممكن تحكيلنا كم مناسبة عشتها بهالسنة ؟؟

** شو حابب تعمل بالسنة الجديدة ؟؟

** امنياتك هل تحققت بالسنة الحالية ولا لا؟؟؟

** هل فقدت عزيز ؟؟

** هل مررت بظروف قاسية فيها ؟؟؟

** هل كسبت اصدقاء جدد بحياتك ؟؟

** هل جددت شي بحياتك ؟؟؟

** شو امانيك الخاصة للسنة الجديدة؟؟

**خبر ازعجك ؟؟

** خبر فرحك؟؟

بتمنالكم سنة حلوة
وايام تكون احلى من اللي قبلها


كل الحب

يعطيك العافيه ملاك
ان شاء الله تكون السنه لجديده خير علينا بفلسطين ويندحر الاحتلال
وعلي المسلمين جميغاً

لي عوده للاجابه

كل الشكر لالك

ملاك مسا الخير ..

** كيف كانت هالسنة عليك /ي ؟؟
هيك وهيك، كان فيها الحلو وكان فيها المُر ..

** احلى يوم فيها شو كان ؟؟
بشهر 4 لمن التقيت بصديق ..

** ابشع يوم فيها شو كان الك ؟؟
آخر شهر 10 صارت معي مشكله شخصيه بس انحلت بوقت قصير الحمد لله ..

** شو الذكرى اللي حملتلك ياها هالسنة
ومستحيل تقدر تنساها ؟؟
يوم عرس اختي كان بأول شهر 7، كتير انبسطنا لمن فوتنا بهالمناسبه تقريبا كان اكتر عرس مميز بالعيله حتى نزلت صور العرس بقسم عدسة المبدعين ..

** بتتوقع بالسنة جديدة تفاؤل اكتر ولا متل اي سنة ؟؟؟
بقدرش اعرف شو مخبيلي بهالسنه بس حلو الانسان يتقبل كل اشي، يعني شو ما طلعلي بهالسنه بكون هيك الله كاتبلي والواحد بيرضى فالمكتوب ..

** اكتر حدث آلمك بهالسنة ؟ ذكرت فوق ..

**ممكن تحكيلنا كم مناسبة عشتها بهالسنة ؟؟
تقريبا كتير، اولون الاعراس، كان في كتير عراس بالعيله مش بس عرس اختي،وغير يوم عيدي عملولي عيد فالبيت وفي اكم شغله نجحت فيهون ..

** شو حابب تعمل بالسنة الجديدة ؟؟
مفش اشي محدد بس حاليا عم بركز عالرخصه اهم من كل اشي، من بعدها بفكر بباقي الاشياء ..

** امنياتك هل تحققت بالسنة الحالية ولا لا؟؟؟ هيك وهيك ..

** هل فقدت عزيز ؟؟ لأ الحمد لله ..

** هل مررت بظروف قاسية فيها ؟؟؟ كتير ..

** هل كسبت اصدقاء جدد بحياتك ؟؟ فيني اقول "معارف" مش اكتر ..

** هل جددت شي بحياتك ؟؟؟ دايما بجدد فيها، حتى ابسط الاشياء دايما بفكر كيف اغير فيهون ..

** شو امانيك الخاصة للسنة الجديدة؟؟ تكون سنه خير علي وع اهلي وع جميع المقربين ..

**خبر ازعجك ؟؟ شغلات شخصيه، الواحد مش دايما بيقدر يكون واضح ويحكي كل اشي عن حياته الشخصيه ..

** خبر فرحك؟؟ لدرجه إنو واو؟ مصادفتش الصراحه ..

شكرا ع الاسئله ملاك ..

:137:

على العموم


هي السنة والحمد لله
سنة كئيبة وما فيها يوم حلوو وخاصة اخرتها


بدل ما تفرقنا بريجة طيبة بتفرقنا بزنخة كريهة


ان شاء الله 2016 يكون سنة حلوة وهادا اللي بتمنى


شكرا ملاك

** احلى يوم فيها شو كان ؟؟
22-10-2015...


** ابشع يوم فيها شو كان الك ؟؟
24-11-
2015
** شو الذكرى اللي حملتلك ياها هالسنة
ومستحيل تقدر تنساها ؟؟
تسجيلي هونا بالمنتدى.ههههه


** بتتوقع بالسنة جديدة تفاؤل اكتر ولا متل اي سنة ؟؟؟
ان شاء الله خير


** اكتر حدث آلمك بهالسنة ؟
مرض ستي ووفاتها


**ممكن تحكيلنا كم مناسبة عشتها بهالسنة ؟؟
كانت مليانة احداث .بصراحة


** شو حابب تعمل بالسنة الجديدة ؟؟
عم اسعى بشكل جدي لالاقي شغل
ولو برة البلد بكون احسن.




** امنياتك هل تحققت بالسنة الحالية ولا لا؟؟؟
الحمد لله
ربنا اكرمنا وحققلنا الي ولعيلتي اغلى امانينا
بعد انتظار لهالفرحة مدة 6 سنوات


** هل فقدت عزيز ؟؟
ستي -الله يرحمها-
كانت من اغلى الأشخاص على قلبي بهالحياة


** هل مررت بظروف قاسية فيها ؟؟؟
ايه اكيد ما بتخلى


** هل كسبت اصدقاء جدد بحياتك ؟؟
هلا بحياتي العادية عندي ابن خالو.واخوي فيني اعتبرهم اصدقاء
عالنت.وبالمنتدى بالاخص بسعي لهالشي
في اشخاص بحسهم انهم بنحطوا عالجرح ببرا.ونفسي اتعرف عليهم اكثر


** هل جددت شي بحياتك ؟؟؟
على ما هي عليه


**خبر ازعجك ؟؟
وفاة ستي بردو


** خبر فرحك؟؟
كتب كتاب اخوي الكبير


حلو الموضوع حبيته
ان شاء الله تكون السنة الجاي حلوة علينا جميعا
وعلى أهلنا بفلسطين والامة الإسلامية

ححلوين الآسسئلةة ')
تومورو بججآوب اوكـآإ ☺ '))
ورده

** كيف كانت هالسنة عليك /ي ؟؟
سنة حآفلة لاتنسى ابدا ..

** احلى يوم فيها شو كان ؟؟
فيكي تقولي أيىمي الحالية و ما قبل اشهر قريبة بدات احلى فترة بالسنة.

** ابشع يوم فيها شو كان الك ؟؟
يوم وفآة زوج خالتي .كآن انسان محبوب من الجميع .
مآت بمتل هادي الايام تقريبا .
الله يرحمه
موته كان صدمة على العيلة كاملة .

** شو الذكرى اللي حملتلك ياها هالسنة
ومستحيل تقدر تنساها ؟؟
تحول شخصيتي بشكل مختلف جدآ ..

** بتتوقع بالسنة جديدة تفاؤل اكتر ولا متل اي سنة ؟؟؟
أكيد فيها أمور سيئة جدآ
واكيد فيها أيام لا توصف من جمالها .
بدنا نتحمل .!

** اكتر حدث آلمك بهالسنة ؟
موت جوز خالتي ..

**ممكن تحكيلنا كم مناسبة عشتها بهالسنة ؟؟
أعيآد ميلاد افرآد العآئلة .
الجوال الجديد I phone 6 , لانه اجا بعد عناء طويل ف كانت فرحة عارمة جدا لما جبته .
مقآبلتي لآشخآص مهمين جدا بحياتي وجه لوجه .
تفتح عقلي و انتقآلي نعو الافكآر العلمية الفيزيائية الفلسفية و اصابتي ب ما يسمى"شهوة العلم" .

** شو حابب تعمل بالسنة الجديدة ؟؟
أتطور .,

** امنياتك هل تحققت بالسنة الحالية ولا لا؟؟؟
جآئت احلام اجمل من الي حلمتها .
وامور خربت أحلام كنت احلمها ..

** هل فقدت عزيز ؟؟
اي فقدت .
جوز خالتي ..

** هل مررت بظروف قاسية فيها ؟؟؟
قاسية قاهرة جدآ ..

** هل كسبت اصدقاء جدد بحياتك ؟؟
تقريبآ تعرفت على ما يقل عن 15 شخص .
5 منهم صارو مقربين .

** هل جددت شي بحياتك ؟؟؟
طريقة تفكيري كلها ..

** شو امانيك الخاصة للسنة الجديدة؟؟
تكون أخف من السنة هاي ..

**خبر ازعجك ؟؟
كتيير أخبار ..

** خبر فرحك؟؟
كتير كمان ..

مسالورد اشتقنالك

بتمنالك سنة جديدة عليكي سمرة
وفعلا عرس اختك متل ما شفنا كان مميز واله رونق خاص

ويبعد عنك كل مشاكل واحزان

نورتي من جديد

هي فعلا سنة كئيبة بالاحداث اللي عم بنعيشها هلأ
بس الحمد لله على كل شيء
وربنا يحسن الاحوال للافضل
شكرا الك خالد عالمشاركة