|
لو سمحتم ممكن تجابوني بصراجة هاي كيفكم حابة استشيركم بموضوع وبدي رائيكم بكل صراحة لاني محتارة كتير وماني عرفانة شو اعمل هلأ لو كنتي بتحبي شخص واجا هالشخص على بيتكم ليطلب ايدك من باباكي وباباكي طلب مهر 5000 دينار ومتل ما هو معروف انه هادا المهر صار طبيعي ومعظم الناس بتطلبه هلأ لو حبيبك رفض قيمة المهر وباباكي صمم عليه دون نقصان وصل الامر للعناد وكل طرف تمسك برائيه وما حد تنازل وكل واحد راح بطريقة وتفركشت الخطوبة ومات الحب الي كانله سنين هلأ انا مو مبدأي الفلوس وما الها قيمة عندي بس هيك العادات وهيك الاهل وهيك المهور وما طلع بايدي شيء وما فيني اوقف بوجه بابا واحكيله انا بدي الشاب هلأ السؤال لو كنتي مكاني فيكي تزعلي من حبيبك الي باعك وفرط فيكي ولا راح تلتمسيله العذر انا مش عارفة بجد حاسة حالي بدوامة ومش مستوعبة يلي صار وبصراحة انا كرهانة الاتنين هلأ وما جابة اطلع بخلئة حد ممكن تعطوني رائيكم بالموضوع بصراحة ولو كنتم بهيك موقف شو راح تعملو |
بصراحة ما عنا مهر بهيك مبلغ الا ازا كان مع غرفة النوم وتوابعها فهاد الشي طبيعي الفين للغرفة وتلاتة معجل وازا الشب بيعرف هالاشيا ليش ليعند على رايه عارف انه الخطبة بتكلف يستنى شوي ويدفع كرمال انه بحبك اما ازا شغلة انه ما بدو يدفع هالمبلغ ف اسمحيلي احكيلك لا تاخديه اهلك هم ادرى بالعادات والتقاليد حتى لو اجى غيرو رح يطلبو متل الناس حسب الاصول هادا رايي الله يبعتلك ايام حلوة |
لو كان معو وبيبخل عليي وفرط فيي بزعل لكن لو مو معو م بزعل ممنونتك |
في البداية يجب أن تسألي نفسك سؤال هل الشخص الذى تقدم لخطبتك يملك هذا المهر؟ ربما يكون قد جهز نفسه على أيسر حال وجمع مهر أقل من 5000 دينار لأنه لا يملك 5000 دينار فهنا الشاب معذور ولا حيلة له الأمر الآخر كل منطقة أو مكان أو حتى عائلة لها مهر معين لبناتها ولكن أنا بوجهة نظري هذا المهر كثير جداً الشاب المقبل على الزواج لا تكون العقبة التى أمامه فقط المهر هناك عقبات كثيرة متوالية تابعة لمشروع الزواج والإستقرار ربما يملك هذا المبلغ لكن لا يملك غيره ويحتاجه في أمور وحاجيات كثيرة آخرى ومهمة ووالد الفتاة يجب أن يُراعي أيضاً ويكون يسيراً لاسيما إن كان الشاب أخلاق ومتدين وإبن عائلة كريمة ومحترمة لأن مسألة المهر وما يتبعه شكليات ، شخصية الشاب وأخلاقه وإلتزامه هي الأهم وهي الأبقى والرسول صل الله عليه وسلم يقول أقلكن مهراً أكثركن بركة ويقول أيضاً من جائكم ترتضون دينه وخلقه فزوجوه الآن بخصوص رأيي إن كنت لا أملك هذا المبلع فأنا لا ذنب لي وقد قمت بواجبي وطرقت البيت من بابه ووالدها رفضني لظروف أكبر مني وإن كنت أملك هذا المبلغ وتقدمت لخطبة فتاة ولم يكن بيني وبينها قصة حب ، زواج تقليدي على سبيل المثال ووالد الفتاة طالب بهذا المبلغ فأنا لن أقبل حتى وإن كنت أملك المبلغ إما إن كنت أملكه وتقدمت لخطبة الفتاة التى بيني وبينها قصة حب ووالدها طلب هذا المهر فـ /سأوافق لأني أريدها وأحبها ونقطة أخيرة لا تلومي الشاب حتى وإن كنتِ تعلمي أنه يملك هذا المهر ربما أهله ضغطوا عليه ورفضوا هذا المهر لاسيما أن كان أحدهم قد ساعده بالمهر او دفعه له وربما يملكه ولكن يحتاجه في امور تابعة آخرى مهمة لا يمكن الإستغناء عنها أنتِ لا تدري ما ظروفه تقبلِ مروري |
انا عن نفسي مابعطيه عذر المصاري بدبره من أي مكان مش قصة تنتهي عشانها قصة حب لها سنين لو بحبني جد وأهلي عندو معه بدبر من تحت الارض المبلغ وبياخدني وبعد هيك له حرية التصرف معي ومع أهلي وبالاول والاخر المصاري كلها راجعة له سواء اواعي او ذهب يعني الحب والزواج مابدهم عناد وكبرة راس و5000 ديناررمبلغ عادي جدا بهالايام الذهب غالي واللبس غالي واغلب بنات اليوم متعلمات فحرام ينحط فيهم أقل من هيك انا هذا رأيي وهاي نظرتي احترامي حبوبة |
هو هادا المهر الطبيعي عنا حالياً لكن لو ما معو شو يعمل يسرق عشان يرضي الاب كمان الاب لازم يقدر انه الشب صادق ويحكيله احنا الفلوس عنا مش مهمه احنا بهمنا الرجال لكن شو تحكي على عقول متحجره عكل حال رأيي الشخصي كنت املك ولا ما املك رح وافق لو كنت بحب البنت مهو كله بطلعهم من رقبته بس بصراحه وبدون زعل لما اخد البنت وتصير عندي رح اخليه يحكي مع حاله الله يعين الشباب منين ومنين رح يجيبو كل هاي الفلوس لا يروح يتزوج وحده من روسيا او الصين اشرف وخلي بنته مرميه بوجهه لييجي واحد غني ياخدها وهي ما بتحبه وتطلق بعد شهرين |
يلي ما بيقدر يأمن هيك مهر ما في داعي يتزوج ولا يفتح بيت بظن انو اهلك مستوعبين هالشي و عناد الأهل مو عالفاضي يعطيكي العافية :136: |
اناُ ما اعرفُ عاداتُ وتقاليدُ تبعتكمُ بسُ الليُ اعرفةُ ان بمآ انُ الشخصً المتقدمُ صاحبُ خلقُ ودينُ ومتربيُ وابنُ عيلةةُ هذآ الشئً بيكفىُ .. امآ المهرُ ( المصاريً ) فصدقنيُ بيرووحُ مابيظلُ اهلكُ غلطانينُ المفرووضُ يساعدوونهُ ..ً المهرُ موُ كلُ اشيً ..ُ راحتُ البنتُ معُ شخصً تحبهُ ويخافُ عليهآ ويحافظً عليهآآ اهمُ منُ مصاريً الدنياُ كلهآآ الله يسعدكُ يُ انيقةةُ واللهً ويلينُ قلبُ اهلكُ وحبيبكُُ |
:69: |
اممم هو بصراحة التنين غلط يعني الشاب لما اتئدملك المفروض مستعد لهيك خطوة والاب المفروض راعى ظروف الشاب برايي ازعلي وما تحككي مع الاتنين لحتى واحد فيهم يتنازل هههه مش عارفة لو مكانك شو ممكن اعمل بصراحة تحياتي لالك |
| الساعة الآن 03:41 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.