|
مشغولين قآل ! يا عمي خدو مني الصافي !! اللي بدو يسأل عنك بسأل .. حتى لو شو مـ صار معو !! قصة مشغول هاي انسولي ياها .. مسج الكلمتين ما بتأثر على الانشغال .. حتى لو انو مشغول بـ مُفاعل نووي !! مشان هيك تضلكوش تستنو من حدا يسأل .. و تضلكوش تبعتولو مسجات .. وترنوش كثير .. إبعت مسج مره او مرتين .. و رن عليه رنه أو رنتين !! غير هيك انسو .. اكيد رح يشوف موبايلو .. فش حدا بنشغل عن موبايلو .. اذا شاف رنتك ( وبدو يرنلك ) برنلك .. و بسأل و بقدر انك فاقدو !! غير هيك لأ .. و اذا بعد شهر شهرين .. شاف حالو فاضي .. ورجع بعتلك .. مش تنهبل و ترد عليه عادي!!! بالعكس .. اخزق عينو وما ترد !! صار فش اسهل من كلمة ( والله مشغول هالكم يوم ) ولك مشغول بشو يا مقمل ؟! ولك رئيس الوزرا فاضي !! هو السؤال أو المكالمه بدها وقت ؟! دقيقة بالكثير مستحيل تعطلك عن اجزاء الذرة اللي بتحلل فيها يا نيوتن المشغول !! الحجج الفارطه هاي عالفاضي : 1- والله عندي امتحانات .. ( عادي ابعت مسج وانساه ,, منتا مقضيها فيسبوك .. و اعظم فترة امتحانات شهر ) 2- دار عمي عنا جايين من اميركا .. ( خف علينا يا ابو العيله .. حسستني انو اذا عمك شافك رديت ع موبايلك بدو يتبرى من ابوك ) 3- معجوق بالشغل !! .. ( ماشي يا وزير .. يا مدير .. يا بروفيسور .. يا استاذ الجامعه .. اما تنشغل عالموبايل ب نصاص الليالي عادي ) 4- حابب اكون لحالي شوي هالفتره !! ( خف علينا يا دراما ,, يا نفسية .. يا انطوائي ,, يا شسمو ) المختصر المفيد .. القصة مش انشغال .. القصة اولويات .. يعني اذا في حدا اهم منك .. انتا بتصير بآخر القائمة .. انا اللي شايفو انو الناس صارو يزهقو من بعض !! صحبة او علاقة قديمه صارت تزهقهم .. صارو يدورو ع شغلات اهم .. وناس احسن !! خفو علينا يا مشغولين |
للأمانة انا اكتر وحدة بعمل شغلات زي هيك وعارفة انها حجج فارطة مشكورة ع طرحك غلاتي عجبني |
ههههههه خفي علينا انتي فضحتي كل مبرراتنا ههههههههه طرح رووعه يسلمو ماستنا ^^ |
4- حابب اكون لحالي شوي هالفتره !! ( خف علينا يا دراما ,, يا نفسية .. يا انطوائي ,, يا شسمو ) مشكوره كثير ماسه علي طرحك كثير بتصير وبتحصل مع كل انسان فينا |
انا صراحة اللي بسألش عني بسألش عنو بأي شكل من الأشكالُ ، ببادر بالسؤال كم مرة بس بضلش المبادر , وبطنش ع الآخير بالنهايةة , |
فعلا هيك صارو البشر بطل في وفاء واهتمام والخلاصة يلي بهتمش فيك تهتمش فيه وزي مفي ناسي هيك في ناس حاطيتنا باولوياتها يسلموو ع الطرح |
اقتباس:
ومشكورة ع مرورك نووورتي |
اقتباس:
منورة كبشات ملوووكتنا بحب تواجدك ^^ |
أكثر وآحد بطنش بآلدنيآ أنآ فمشآن هيك بديش أرد ورح أعمل حآلي مطنش ومش شآيف آلموضوع :p يسلموآ إيديكِ يآ رب كوني بخير ! |
اقتباس:
نورت پجد ^^ |
| الساعة الآن 10:25 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.