|
ممكن نكون جريئين ولو للحزة ؟؟ وما نجامل !! يسعد مسااكم حابه احكي شي وبتمنى تتحملوني الي سنه ونص تقريبا هون وكنت مفكرة انو الي بيصير بين الاعضاء مجرد سوء فهم واختلاف بالاراء بس الي اكتشفتو انو الموضوع اتعدا سوء الفهم وفعلا في حقدوكراهيه بشكل مش طبيعي برايكم شو الاسباب؟؟؟ وهالشي ما بيخلئ ردة فعل بانو نكره المكان ؟؟؟ طيب كون صريح : في عضو بتكرهو ؟؟؟ وبالمقابل في عضو بيكرهك؟؟؟ طيب والحل؟؟ فيك تروح للعضو الي ازيتو وتعتزرلو ولو العضو الي آزاك طلب مسامحتك بتسامحو ؟؟! صدقا هالموضوع مزعجني لدرجه انو صايرة فوت واطلع وما شارك فيك هلا وع العام تحكي لعضو آسف وسامحني؟؟ بتمنى نفتح ئلوبنا لبعض بانتظاركم ^^ |
اعتقد مره نزلت موضوع عن تصافي القلوب نسيت اي وقت واي قسم شوفي يا ملك كمان انا الي زمان هون وقبلك الي انا ملاحظه في هون كره غيره حسد تدخل بشؤون الاخرين ليش انت عملت هيك يعني اعضاء بتحسسك هي وليه امرك واعضاء بتفكر حالها لما وزعو العقول هي فازت باحسن عقل طبعا الكلام للشب والبنت المهم اكيد في اعضاء ما بتدخلو ولا الهم صوت ولا حتى بتحس فيهم طيبين محترمين فهمانين وقله قليله جدااااااااا ما بنعدو على اصابع يدك من الي احنا مفكرينهم عاملين شوشره وحقد الحل ما حدا احسن من حدا انت الزم حدك واعرف انه عشان تٌحترم إحترم وما تدخل بالشي بعنيكيش كل واحد عنده عقله وهو حر بنفسه ما تعمل حالك وصي عالجميع فلان تغير فلان بحب فلانه فلان برسم عفلانه سيبكم من التخيلات والاوهام والحسد والحقد والغيره والله كلكم مهمين وكلكم فهمانين وكل واحد فيكم اله مكانته ووضعه واحترامه بس صفو قلوبكم ونياتكم وكل شي بكون تمام يسعدك ملك روحي والله الموضوع لازم الكل يحكي فيه |
ملخص الموضوع بآلنسبة إلي مآ حد يسمع حكي أول شي ثآني شي صفو نيتكم مع بعض وغير هيك مآ عندي شي أحكيه وبالنسبة لأنه لو حد إعتذر مني بسآمحه ربنآ يلي بسآمح مش أنآ أمآ بآلنسبة للكره بكرهش حد أكيد كـ محمد ولكن إلي عتب وكبير على شخص هون وكلآم مؤيد مية مية حبيته بجد كونو بخير حبي للجميع ♥ ! |
راح بحكي عن نفسي اول م فتت هون لاقيت كتير ناس بتغار مني وبتكرهني مع انو بحياتي م عرفتها ولا حكيت معها م عارفة هاد طبع ولا حقد ولا غيرةة المهم انا لما سجلت هون وشفت انو البعض ماخد جانب مع انو ما الي يوم ولا يومين يعني م لحقت اعرف حد ولا احتك حاولت احكي واعرف ولكن م لاقيت تجاوب ف صرت عامل بنفس المعاملة بعد م كنت طنش هون وبحكي بكل صراحة ف اشخاص مهمتها تحكي بشرف البنات سواء شب ولا بنت وبعرف كم شخص انحظر لهيك شي بس لسه في منهم صارت مشاكل كتير بيني وبين ناس هون لنفس حكي مؤيد انو الكل كان يدخل فيا وكل م كتبت كلمة كان الكل يفسر ويحلل ع كيفه ويلمح بحكي بشع واجت عليا فترة هون كرهت الكل بسبب انو ناس اجت الي تحكي هاد حكى وهاد حكى والمشكلة الاكبر هما كانوا يحكوا معهم بس خلص صارت مشكلة بفضحوا بعض عن نفسي ك وتين بعرفش اسكت ولا اضحك بوجه حدا حكى عني بشرفي ولا مسني بكرامتي ، ومستحيل سامح ب هالشي وبتذكر صارت مشاكل بيني انا واربع شباب ع هاد الموضوع انو بحكوا بدون م بحسوا انهم بحكوا ع بنت بعد فترة اغلبهم اعتذر لكن اكيد مستحيل اثق فيهم ابدا انا بالوقت الحالي م بكره شخص ل ذاته بكره تصرفاته زي م حكى مؤيد ف ناس هون بتخليك تحس انها هي المدير وبتحكي بصيغة الأمر وهيك نوعية م بقدر اتحملها انا م بكرهها لكن خلص بكره اتعامل معهم وكمان الناس المغرورة |
اقتباس:
اولاً وأخيراً احنا في منتدى وفي عالم افتراضي وهمي يعني اللي انت حاقد عليه او كارهه ما قطع راس أبوك مثل ما بيقولوا كلها بتكون أشياء بسيطة وربما تافهة بتتطور بعد هيك لما هو أكبر وأولاً واخيراً إحنا في مكان كبير وواسع بيضم عقليات مختلفة وكل عضو عقليته بتختلف عن الآخر ومنظوره للامور بيختلف عن الآخر لا الشئ هذا ما له علاقة بكره المكان يعني هل منطق إذا في عضو بيكرهني او عضوين أقوم أترك 30 عضو آخرين بيحبوني وبحبهم أكيد هذا مش منطق ومش حل ولا يصح أيضاً لا ما في عضو بكرهه أنا ما بعرف أكره لا في النت ولا في الواقع وكلمة كره بحس فيها شئ من الضعف أو قلة الحيلة ممكن انزعج من عضو اتجاهله او أتجنبه لكن هذا ما بيعني إني بكرهه ما أظن إن في حد بيكرهني ما عملت شئ في أحد حتى يوصل الأمر للكره ممكن اكون قسيت في كلامي مع البعض أو كنت حاد شوية مع البعض في كلامي لكن ما عملت شئ أنهم يكرهوني فيه لا ما بروح اعتذر من أحد لأني ما أذيت أحد لكن إذا غلطت بحق عضو ممكن أعتذر له الإعتذار مش عيب ولا غلط بالعكس جرأة وشجاعة وإذا في حد آذاني وطلب مسامحتي بسامحه لكن السؤال هل إني هنسي أو هل علاقتي هترجع معه مثل أول الإجابة لا وبخصوص آخر سؤال لا ما فيا احكي لعضو على العام آسف وسامحني ما أخطأت بحق عضو أو وصلت بيني وبينه لدرجة اني احكي له على العام آسف وسامحني وطالما ما أخطأت بحق عضو أو غلطت بحقه يبقى ما بعتذر وأنا ضد الإعتذار بدون سبب تحياتي لك ومشكورة على نقاشك |
أنا هون ما لاحظت كتير في هيك شي أنا الي حسيتو انه في الفه بين الاعضاء وأنا بالذات ما بكره حدا من الاعضاء ما بعرف اذا في حد بيكرهني و ما بتوقع لاني ما زعلت حدا كلكم بعتبركم إخوة إلي وبالنهاية احنا ما بنعرف بعض بس بنرتدي اقنعة الكترونية يمكن ما الها دخل بواقعنا فيعني ما في اسباب حقيقية للكره حتى لو في اختلاف بوجهة النظر |
و الله اناآ مريحة رآسي مآ بكره حد و مآ بظن حد بكرهني :136: و لوو حد بكرهني مآ ببينهاآ لأني فآرضة احترآمي عًَ الكل و صدقاً الكل بحترمني كوني بحترم الكل بعآمل الكل كأنهم أخوتي و الأغلب بعآملوني كَ أم بالمنتدى ههه يختي حكيناآ كتير و قليل لدرجة من فترةة بلشت احذف ردود بشك انهاآ تلميح لحد و عَ الفآضي هآد رأيي بإختصآر أكيد رح أقرأ المشآركآت و الآرآء و ممكن أجآوب على الأسئلة بعد شوي شكراً .~ |
رح احكي بصراحة مطلقة خلف الكواليس فرجانا اشيا ما كنا عارفينها وخاصة بين الصبايا غيرة منا طبيعية كره ي لطيف تقول ضرة مو هيك ليش طيب عشان شي عضو مثلا معجبة فيه وخايفة يضيع منك يعني هاي اسمها مصلحة وانانية ما بعرف والله لشو كل هالشي بالنسبة للي حكيتيه بس بين البنات الشباب ما في بينهم هيك اشيا انا صحيح متل ما بتعرفوني ما بحب اتدخل كتير بين الاعضاء بس شايفة شو عم بصير وساكتة لانه كل واحد حر بحاله عليي انا ما كرهت حدا هون والله صدقوني كلكو غاليين وما بكنلكم بقلبي غير الحب والصداقة والاخوة وازا في يوم غلطت بحق حدا ف انا ادام الكل بعتزرله لانه ما بقصد ازعل حدا هون وما بعتقد اني غلطت بحدا بيوم ومو جاية لاعمل مشاكل والله حبو بعض وخففو غيرة خففوها وصفو قلوبكم شي مزعج بجد |
الامر مش مستاهل انه حد يكره حد نحنا هون عن بنفوت لنتسلى ونتبادل الافكار والمعرفة بستغرب من وجود الكره والحقد والغيره بين الاعضاء يعني الواحد بكفيه يلي بحياته وواقعه من هموم بفوت هون ليغير جو ومو ليخلق عداوات وهالشي ما بيخلئ ردة فعل بانو نكره المكان ؟؟؟ احيانا كنت ادايق من تصرفات البعض كنت اغيب كم من اليوم وارجع عادي ولا كأنه صار شي لانه هون في اعضاء بحبهم وبهتم لوجودهم وبعنولي وبنبسط معهم طيب كون صريح : في عضو بتكرهو ؟؟؟ ما بكره حد لا هون ولا بواقعي يمكن انزعج من تصرف عضو واكتر شي ممكن اوصله اني اتجنبه وبالمقابل في عضو بيكرهك؟؟؟ ما بعتقد انه في حد بكرهني معاملتي منيحه مع الكل وما عمري اخطأت بحق حد او قللت من قيمة حد طيب والحل؟؟ الحل تكون قلوبنا صافيه وما نتدخل بغيرنا ولا نسمع اي كلام ينقال ويكون الاحترام هو اساس تعاملنا فيك تروح للعضو الي ازيتو وتعتزرلو ولو العضو الي آزاك طلب مسامحتك بتسامحو ؟؟! مع اني ما عمري اذيت حد هون عادي بعتذر اذا انا غلطانه ما عندي مشكله وممكن اسامح حد غلط بحقي بس صراحة الوضع ما برجع متل ما كان فيك هلا وع العام تحكي لعضو آسف وسامحني؟؟ ما غلطت بحق اي حد اسمى وان صار وغلطت بعتذر بيني وبين هالشخص دايما بحاول اراعي مشاعر الكل هون وبحترم الكل وهادا اساس معاملتي هون بحترم الكل والكل بحترمني موضوع حلو كتير شكرا لالك على طرحه |
انتي اكتشفتي هالشيء جديدُ ، من بداية دخولي للمنتدى وفي كراهيةة وحقد موجودةُ بين بعض الاعضاء , .. شو الاسباب؟؟؟ كل حدآ بكره شخص والو سببوآ آن كان صح آو لآ ,, وهالشي ما بيخلئ ردة فعل بانو نكره المكان ؟؟؟ لآ ممكن نكره المكآن او شغلة آو حتى آسم لآنوو بنكره شخص بعيش او بمتلكُ هالشغلةة ,, طيب كون صريح : في عضو بتكرهو ؟؟؟ الحمدالله لآ وبالمقابل في عضو بيكرهك؟؟؟ آبصر ,, طيب والحل؟؟ مآ في حلُ بيضلو يكرهوا بعض حتى يقررو يتصآفوا لحالهم فيك تروح للعضو الي ازيتو وتعتزرلو ولو العضو الي آزاك طلب مسامحتك بتسامحو ؟؟! بسآمح عادي , بس باعتذرش من حدآ ممكن اساوي شيء او اعتذر لكن مش بشكل مبآشر ,, صدقا هالموضوع مزعجني لدرجه انو صايرة فوت واطلع وما شارك فيك هلا وع العام تحكي لعضو آسف وسامحني؟؟ لآ بحكيش لحدآ , مش مزعل حدآ لآني ولآ غلطآن بحق حدا |
| الساعة الآن 04:57 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.