كيف تعرف انك عايش في غزة

#1 08-12-2013

- لما أغاني الراديو تنقلب فجاة من أغاني حب وغرام لأغاني وطنية

- لما تلف الام على دور الناس عشان تلاقي عروس لابنها كانها رايحة تشتري كرتونة بندورة

- لما تصحى وتنام على صوت الزنانة ZzZzZZZZzzzzzz

- لما تفيق كل يوم على صوت إذاعة البي بي سي الي مشغلة الوالد أو على صوت كارات الحمير بتنادي البكسة ب10 شيكل يا خال !

- لما بتتشفشف من السقعة عشان امك لازم تخلي الشبابيك مفتوحة لحسا يقصفو ومع رقصة العمارة على كل صاروخ ينزل كام شباك

- لمّا تحمل في جيبتك دايمًا وأبدًا علبة كبريت أو ولّاعة، حتى لو مش مدخّن، تحسبًا لأي قطع مفاجئ في الكهرباء

- لمّا تخلص توجيهي بامتياز وكل اللي يخيروك بينه هو: إسلاميّة ولا أزهر؟

- لما تكون صورة جمال عبدالناصر في بيت كل عيلة غزاوية،ولو ما عندكو اسألوا أهلكو

- لما تسمع كلمة خُبُز، عُنُب، عُرُس، حُج

- لما تعرف عدد الشهدا من نوع الطيارة، وصوت الصاروخ

- ولمّا ام الشهيد تزغرد

- تلتين الولد لباقي الشعب - يعني الكل بقرب لبعض

- لما ببيوت عزا الشهدا يوزعوا الشربات

- الكلمات الأكثر انتشاراً وشعبية، وعندما تطلق تعني كل منها قصة منفردة في حد ذاتها هي: كابونة، المعبر، الأنفاق، موتور، كهرباء، صلاة الجمعة، إجازة الجمعة، سوق الجمعة، مسجد، حماس، فتح، مقهى، الأهلي، الزمالك، برشلونة، الغاز، الجرة، كافي نت، CHF، وظيفة، بطالة، قاعد، جنازة، شئون، زواج، حفلة، الجامعة، 100$، حصار، الرواتب، فلفل، شاورما، سجائر، المدرسة، سوق الأربعاء، شهيد، الوكالة، جمعية، برزة، حمل، ولادة، بامبرز، مسنجر، facebook، ريسيفر، نت، الأسرى، شاليط، مواصلات، شقة، سيارة، جوال.

- الأفعال الأكثر تداولاً: فَتح، سَكّر (المعبر)، أجت، قطعت (الكهرباء)، دخل (السولار، الغاز)، طلعت (الكابونة)، خلّص (الراتب)، خلّصت (الجرة)، نزلت (الرواتب)، انزل (السوق)، هات (المصروف)، رُوح (ع الجامع)، عملت، تشترك؟ (جمعية)، فحصتي؟ (ولد/بنت)، حمّلت (لعبة، فلم، أغنية من الإنترنت)، نزّلت (نغمة للمحمول)، شفّرت (قنوات للديجيتال)، زرت (المقبرة)، استلمت (كابونة)، قبضت (الراتب)، بعتت (حوالة)، زفّينا (العريس)، شيّعنا (شهيد)، حضرت (المباراة)، سدّيت (الدّين)

- أما عن آخر مشروع مربح – حسبما يزعم تجاره حالياً – فهو تأجير بدل العرائس وفساتين الخطوبة والسهرة.

- حسب معايير أهل غزة: بقالة ببابين يطلق عليها ميني ماركت أما ثلاثة أبواب فتصبح سوبر ماركت).

- لما يكون أسماء ميادين المدينة: أبو الأمين، أبو اسكندر، والحاجز العسكري اسمه: أبو هولي

- معظم القابعين بغزة يشربون من ماءٍ زادت ملوحته عن أي نسبة معروفة على أي مقياس في الكون.

- تجارِ أنفاقٍ وصلوا القمةَ في (ضربات) اقتصاديةٍ نقلتهم أعلى الهرم، على حساب جراحِ وآلام ونكباتِ آخرين

- خمسة شهداء منذ الصباح وحريق ضخم بنفق وقود استهدفته غارة جوية

- الحزن يخيم على القطاع : جماهير غفيرة تشيع جثامين 10 شهداء

- لمّا تسمع قصف وتفتح التلفزيون، يكون العرض الموجود ع تلفزيون فلسطين هو لمسرحية الأميرة النائمة الآن.. وهذه حقيقة

- لما تقابل شخص يفترض انه طفل في سنة تانية ابتدائي , وتلاقيه بيتكلم عن ازمة الرواتب وفتح وحماس ولا احسن معلق سياسي

- لما يكون سؤال "جاية عندكو الكهربا؟ " هو السؤال الثاني مباشرة بعد "كيف الحال " في اي محادثة قد تجريها مع اي حد

- لما إمام المسجد يخطب عن فريق رام الله

- لمّا يكون في ما يقارب 50 ألف مولود سنويًا في مساحة لا تتجاوز 378 كيلو متر مربع

- لما تسمع: الشاي يا حبايب

- لمّا الناس بدل ما تهرب من موقع الإنفجار أو القصف، تجري عليه

- لما كل الصبايا بدرسوا صحافة و اعلام

- لما تلاقي كل الشعب بيفتي وبيفهم في كل اشي

- زعلان عشان البرشا فاز على الاهلي المصري

- لما بشوفه لاعب جديد في الحارة :/ ايش يا ابو تريكه

- لما كل منطقة الها يوم تسويقي خاص مخيم البريج يوم الخميس

- لما تلاقي طوابير على المخابز طوابير على محطة الغاز طوابير على الصراف. طوابير عالكوبونات طوابير على الحلاقين قبل العيد

- لمّا تستعمل الفلفل الحار في كل طبخة

- لما بكون في فلفل حار -شطأ- على الفطور وغداء و عشاء

- لما صوت المتور يكون أعلى من صوت الناس

- لما تاخد تكسي طلب و السواق في الطريق يحكيلك بدو يحمل ركاب!!

- لمّا تفاجئك أغنية بتبدّل كلمة "بلادي" في أغنية "بكتب اسمك يا بلادي ع الشمس ال ما
بتغيب" بأغنية لفصيل سياسي معيّن

- لما تكون واقف على الرمزون وقبل ما تفتح الاشارة الخضرة بتلاقي الكل بزمر وبقلك امشي

- لما تشوف الناس بتتهافت على الكبونة اكيد انت في غزة

- لما تكون بتعرف نص البلد باسمايهم الثلاثية

- لما تكون حافظ الكتابة علي الحطان واحد واحد.

- لما يكون سؤال "جاية عندكو الكهربا؟ " هو السؤال الثاني مباشرة بعد "كيف الحال " في اي محادثة قد تجريها مع اي حد

- لما تفتح موقع الجزيرة قبل ايميلك.

- لما وين ما تروح بتقرأ "خليل شعث عالم ذرة" ههههههه

- لمّا كل حدا بتعرفه، أو بيعرف اللي بتعرفه، أو بيعرف اللي بيعرف اللي بتعرفه، بيعرف خليل شعث.. عالم الذرة المبجّل

- لما تقابل طفل في صف تاني, وتلاقيه بيتكلم عن ازمة الرواتب وحكومة الوحدة الوطنية ولااحسن معلق سياسي على قناة الجزيرة

- لما تكون اول فكرة في راسك متي حرجع اول ما تطلع منها.

- تعرف انك عايش في غزة,لما تلاقي سيارة مهكعة وعدمانة وبتمشي بالزق , وزجاجها الخلفي يحمل عبارة "اللهم اعطيهم ما يتمنون لنا

- لمّا تلاقي نص الشعب بيدرس صحافة والنصف الثاني بيدرس هندسة

- لما تكون نفسك تحرقها لكن مستعد تعرق حالك عشانها

- لمّا تكون حافظ صوت مذيع نشرة الأخبار وبتميزه أكثر من صوت مغنّي ما

- لمّا تسمع أغنية "يمّا هدو دارنا" ع كل إذاعة بعد كل قصف، وأغنية "هالأسمر أسمر" في كل حفلة شباب”

- لمّا تعترف رغم كل هذا إنّو غزة من أجمل بلاد الله في عينيك، وإنها أغلى على قلبك من هذا العالم كلّه

- لمّا تعيد الكلمة ع الجوال مليون مرة لأنه اللي ع الطرف التاني مش سامعها، ليش يا حزرك؟ أيوا بالضبط.. جنبك مولّد كهربي

- وما تنسا اغنية لااا لا شعب الشهدا لا ما بيركع

- لما تلاقي الكهربا قاطعة اقل اشي لمدة 6 ساعات واصوات الموتورات مغطية المنطقة

- لمّا تسمع أغنية "يمّا هدو دارنا" ع كل إذاعة بعد كل قصف، وأغنية "هالأسمر أسمر" في كل حفلة شباب

- لمّا يكون اللي جاي عليها يحكي "أنا نازل غزّة" واللي طالع منها يحكي "أنا طالع برّا" .. وتستنتج إنّك فعليًا: في حفرة

- لمّا يكون البحر هو الظاهرة الطبيعية الوحيدة اللي عندك، وبرضو ما بتروح عليه، لأسباب بيئيّة غير قابلة للذكر

- لمّا تتعرف ع مواطن كندي وتحكيله انّك من غزة وينصدم ويسألك: إنتو عندكو إنترنت في غزّة ؟؟

- لمّا تمشي وإنت بتكلّم حالك وتشتم كل الأشياء في حياتك، بدايًة بنفسك، مرورًا باسرائيل

وليس انتهاءً بشركة الكهرباء

- عندما تختلط ذكريات الدراسة برائحة الكاز

- لمّا يكون في تراب ع كل الأشياء العادية والبديهية اللي بتستخدمها في حياتك اليومية.. ببساطة لأنها جايّة من الأنفاق

- لمّا تجتمع إنت وأصحابك وبعد تفكير طويل يتمخض منكم إنه المشوار الوحيد اللي ممكن تروحوه هو: ع الجندي المجهول

- لمّا تنقل خبر زي هيك ع هادا الهاش تاق: اسرائيل ستكثف سياسة الاغتيالات الايام القادمة

- لمّا يكون حلمك -وبكل بساطة- تقرأ الجريدة الورقية

- لمّا تسمع في كل إذاعة، وتقرأ في كل مواقع الإنترنت، وعلى لسان كل ناطق باسم حزب: مناشدات للمجتمع الدولي

- لمّا تركب تاكسي ويكون الصوت اللي جاي من الراديو هو إما صوت: إذاعة الأقصى، أو القدس، أو الشعب.. ولا شيء غيرهم

- لمّا يكون "التايم لاين" عندك مفخخ بالأخبار العاجلة وكلمات مثل: انفجار - البيت اهتز - زنّانة - أف 16 - صوت صاروخ

- لمّا يكون صوت الزنّانة هو الصوت الوحيد والطاغي على كل الأمكنة وفي كل الأوقات

- لمّا تحس أنه لا فرق بينَ حربٍ وانتظارها

- لمّا تسمع أغنية "شدّي حيلك يا بلد" ع كل الإذاعات المحليّة

- لمّا يكون جوابك عن سؤال زي "كيف حالك" مترددًا بين حالاتٍ ثلاث: عايشين - داحلة - ع حطّة ايدك

- لمّا تصير تشوف الأشياء، كل الأشياء.. باهتة

المصدر: منتديات بنات فلسطين - من قسم: ะ» فِلِسطِيـטּ وآلقَضِيـةٌ |▪●™

;dt juvt hk; uhda td y.m

08-12-2013

ربنا يصبر اهل غزة

احلى ناس هما

ماننحرم جديدك

08-12-2013

- لما تلاقي كل الشعب بيفتي وبيفهم في كل اشي :d

هههههههه
والله هي غزة
مشكووور على الطرح الطريف
والمزعج قليلآ
لكن الحمد لله ارض رباط
ما ننحرم
تحياتي

08-12-2013

الحمدلله على كل شي
رغــم كل إلي أدرجتيــه لكــن في نظــري غــزه رآآآئعه
الكل بيتمنـــى يزورهـــآآآ

ألفــ شكر لطرحكـ
بإنتظـــآر جديدكـ
ودي .~

08-12-2013

كل اللي ذكرتيه حقيقي
انا شايف الانسب له شؤون فلسطينية
وليس النكت والطرائف
ربنا يصلح الأحوال

خصوصاً حكاية الطوابير على كل شئ

شكراًلك

08-12-2013

هي حالتنا نحنا
الله ينصر اهل غزه

اشكرك علي طرحك عزيزتي

08-12-2013

غزة راح ظل غزة
مهما سار
شكراعلى الطرح المميز

08-12-2013

- لمّا الناس بدل ما تهرب من موقع الإنفجار أو القصف، تجري عليه

لكي الله ياغزة

مشكوورة على ادراجك

احترامي

08-13-2013

يسلموا
غزة اهل العزة
في مثل بقولوه الي بيطلع من داره بقل مقداره
انتظارك جديدك
تحياتي................................

08-13-2013

يسلموا حلا ع الطرح
غزة هي ارض المجد و العزة
الله يصلح شأن اهلها يارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من هنآ .. تعرف على توقيت أي بلد في العالم	تشيرمي	رحله حول العالم - ẢЬ๑űţ ţћè w๑я	9	09-24-2016 02:14 PM
الشعب الغزاوي عايش جكر	بنات فلسطين	النكت والطرائف	12	07-19-2014 01:44 PM
ليتها تعرف من انـــا	رُفات الأمآني	قصص أدبية , روايات , حكايات , تاريخ الأدب والأدباء	3	06-07-2013 01:40 AM

كيف تعرف انك عايش في غزة

- لما أغاني الراديو تنقلب فجاة من أغاني حب وغرام لأغاني وطنية - لما تلف الام على دور الناس عشان تلاقي عروس لابنها كانها رايحة تشتري كرتونة بندورة