منتديات بنات فلسطين - ☆ لعيونك همسةة احساس مسخن ع طريئه ملووكة ☆

مسا الخير

كيغكم

حسب طلب همسه احساس راح نطبخ مسخن طبعا ع طريئتي انا :12:

اول شي ﻻزم ننزل السوبرماركت ونشتري الاغراض والمطلوب :

* خبز طابون

* كيلو بصل

* جاج ئد ما بتاكلو ههه

* سماق بتعرفوه ؟؟

* بهارات الجاج هاد الاحمر ( بصراحة بعرفش شو اسمو )
كمون / فلفل / كركم
* فريكة للشوربه
* لحمة مفروم للزينه
* لبن
* لوز وصنوبر
* اغراض السلطة

الطريئه :

اول شي نضفي الجاج بليمون وملح وما تئطعيه ئطع زغيرة

بتضيفي الملح والبهار الاحمر والفلفل الاسود والليمون والتوم الناعم ورشه بقدونس وبتبلي الجاج فيهم

وبعدين بتضيفي زيت زيتون وحطيهم بالفرن ع نار متوسطة

هلا المهمة الاصعب

بتجيبي البصل وئشريهم وحطيهم بطشط فيه مي

حتى ما يحرئو عيونك وانتي بتفرمي فيهم

وبعدين ئطعيهم جوانح مو ناعم لانو البصل بدوب ع النار اوك ؟؟

بتضيفي رشه ملح وكركم وشوي كمون وبتحطيهم ع النار مع زيت زيتون ليتدبلو منيح

هلا بتحمصي اللوز والصنوبر والكاجو ان حبيتي تضيفيه

وبتفرمي بقدونس ناعم

ع جنب جهزي الفريكة لانو مسخن بلا فريكة ما بيزبط

بتجيبي خبز الطابون وبتبلشي تحطي عليه بصل مع زيت وخليه يتشرب زيت منيح

وحطيهم بالفرن ليتحمر شوي اوعك تحرئيهم

لما تطلعي الخبز من الفرن

ضيفي اللوز والصنوبر واللحم المفروم الناعم المئلي

و رشه سماق ورشه بقدونس ناعمة

هلا شوفي الجاج بالفرن جاهزين ؟؟

تمام حطيهم بجاط تاني او ع فوء المسخن

ليكي ما تنسي اللبن والسلطة

وهلا صحتين وعافيه

هالصورة من ارشيف رمضان ^^

http://www.bntpal.com/up/uploads/bnt...8276300081.jpg