|
قصتي أنا ملاك مساء الخير للجميع لاول مرة حد بكتب قصة حياته بصراحة ترددت لاحكي هون كل اللي بدي احكيه بس لازم احكي واحكي لحتى تعرفو ليش الواحد ما بئدر يضحك بحياته رح احكي عني بتفاصيل ما بتعرفوها عن ملاك وما تقولو ليش هالعضوة غامضة وكتومة ويأسانة لا تستغربو اه حبيت كون اول وحدة بتحكي قصة حياتها وبلغتي انا لتشوفو المرار والالم اللي عم عيشو يوم يوم من عشر سنوات اتزوجت وجبت بنت* وولد لحتى اجى يوم بلحظة صارت مشاكل وتم انفصالي بهالفترة الاصل يكونو الولاد بحضن امهم بس للاسف حكم القوي كان للاب بدون سبب عشت من وقتها لمدة سنة واكتر اصعب ايام بحياتي بتعرفو لانه المجتمع بنظر للمطلقة نظرة مو طبيعية ومو عادلة لاي سبب كان المهم بعد كم شهر من الانفصال اتزوج الاب اللي هو زوجي بنت اصغر مني ومو متزوجة لحتى تربي الولاد وهاد كان شرطه للزواج مرت الاب طلعت ما بتخاف الله ضرب ووووو لآخر شي عملتو حرقت البنت بحالة طفر وقتها ابوهم جن جنانه وفكر وفكر كان بدو يطلق بس المشكلة المرة حامل وصعب هالشي بالآخر قرر يرجعني لعصمته بس عشان الولاد مرتو جابت ولاد بعدها ومن وقت ما رجعت وعم عيش اصعب اوقات بحياتي ولهلأ وكلو عشان الولاد متحملة وساكتة وصلت معها القصة لحتى تألف قصص عليي بخص السمعة وهلأ ولادي بكرهوها لدرجة منا طبيعية بدعو عليها ما قدرت تكسبهم لصفها بعكسي انا ولادها بحبوني وبحب يجو علي بس لما شوف معاملتها لالهم بنجن وبعصب وبطلعهم من داري اه والله من حرقتي على ولادي ومعاملتها السيئة لالهم مشكلتي هلأ بس بيت او غرفة كون بعيدة عنها وعن مسباتها وكلامها وقتها بس رح كون مرتاحة والله اتخيلو غرفة وحدة كون فيها مع ولادي بتريحني من كلشي بنغص حياتي هاي قصتي انا ملاك بتمنى بس تقرؤوها وتعرفو اديش المعاناة صعبة |
ملاك ما بعرف شو بدي قلك والله تعرفي شي لهاد السبب ما بدي ارتبط والله ما بدي جيب ولد ومشانه اخسر حالي او كرامتي لا ما بدي جيب شي يكون نقطة ضعف الي ولهيك بدرس الصغار بكون ام بدون م جيب وبحبهم وخلص صدقي الحياة بدون زواج اريح بالف مرة وكتير صح الزواج استقرار بس هاد كان زمان هلأ الزواج شهوة ومصلحة الا م رحم ربي ربي يهدي بالك ويهديها لهديك المرة بس حطي ببالك ملاك كما تدين تدان والزمن دوار وربنا يمهل ولا يهمل واكيد ربنا مخبئ الك شي حلو يعوضك عن كل شي عشتيه من وجع ربي يسسعدك وربس |
بعين الله ملاك ما بعد الضيق الا الفرج بس هاد الشي بدو شوية صبر وان شاء الله ربنا بجيب الي فيه الخير ان شاء لله ربنا بفرجها عليكي |
انا ما بدي الله يهديها بصراحة خليها متل فرعون تكبر وشاف حالو انا بكرهها متل كرهي لليهود واكتر بضل احكي حسبي الله على كل من ظلمني بس الله بلاها بولد مريض وهيها من دكتور لدكتور نبض حلو الزواج بس يكون الزوج الك بس اما ازا دخل شريك تالت بالحياة ف رح تكون اتعس حياة شو ما كان |
ممم آلله يعينِكك حبيبتِي ,, شي صععَب جِدَآً ومِش كل ححَدآ بئدر يصُبر وآلله ,, لهيكك أولآدك عَ الأكيد هم آلضحيَةة وأهم شي آنكك رجعتيلهُم ,, زوجِكك مَ بدكك إيآه آعتبريه مآت بس آلمهم أولآدِكك هآلئِصص زآدت بهالأيآم كتير كتير وإنتي أهون من غيركك بكتير حبيبتي لأنه فِ نسوآن مَ بشوفوآ أولآدهُم وفِ أطفآل بيعآنوآ كتير مِن مرت الأب ,, لهييكك المثل بيحكي يلِي بشوف بلوِة غيرو بتهُون عليه بلوِتو ,, حبيبتِي ربنآ يوفئِك ويخليِلكك أولآدِك وتشوفيُهم عرسآن يَ رب وتفرحيلهُم ,, آ تتركيُهم لأنهم أحلى شِي بِ آلككُون ,, ولآ تخخآفي كل وآحد بيآخُد نيبه مِن هالدنيآآ ,, تحيآتي لإلك |
انس لامتى الصبر صارلي اربع سنوات صابرة حاجتي صح والله شي بطفر هاي حياة مو يوم ولا يوم الفرج من الله صح بس العباد ما بترحم بعضها |
برستيج انتي فهمتي غلط انا ما رجعت لاعيش مع ولادي وبس رجعت بكتاب جديد وقرار شرعي كمان يعني زوجي بيجي عنا عادي وبنام عادي بس اللي اختلف هو زواجه التاني هو اللي منغص علينا |
اقتباس:
اصبري كمان الصبر مفتاح الفرج اما بالنسبة للعباد اتركي العباد لرب العباد ربنا كبير ما بنسى عباده |
يعني ما عندي شئ أقوله صراحة إلا ربنا يجعله في ميزان حسناتك وطالما ولادك معك هالوقت كل شئ بيهون وما في شئ بيظل على حاله مسير ولادك يكبروا والوضع تغير وربنا يجيب اللي فيه الخير |
حبيبتي ملاك بدي اهنيئكي علي صراحتك وفضفضتك بالكلام هالشئ بدو جراة وانتي ماشاءالله عنك احترامي ما بضل شئ علي حاله الا ما يتغير واكيد اولادك راح يعرفوا انه مو بايدك تخليتي عنهم وتاكدي راح يضلوا يحبوكي ويتمنوا لقائك انتي جميلة وطيبة وجريئة بدي اياكي تضلي قوية علطول هيك ينحني قلمي وكلماتي لام وانسانة عظيمة مثلك ورداتي وحبي واحترامي |
ليش ضل صبر مع هالوضع انس الصبر اله حد معين وبعدين خلص ازا بدك تتزوج لا تجمع تنتين مع بعض مشانك بس |
اصلا هلأ انا املي بس بولادي احمد هم رح يغيرو هالحياة وانشالله بيتغير هالحال للاحسن |
والله كثيير اتداييت كرمالكك .. م عندي شي آحكيه غير حسبي الله ع كل ححدن بيظلم وان شاء الله ربنآ يفرجها عليكي حبيبتي ويكبرو ولآادك وتفرحي فيهم ويغنوكي عن كل الدنيآ ويعوضوكي عن كل هالمعاناةة من حجد اثرتي فيني كثيير .. ربي يسسعدكك حبيبتي وربكك كريم وم بينسى ححدن .. وإن ششاء الله الخيير ب ولإادكك |
ياريت يا ريما صير قوية واواجه هالمشاكل كترة المشاكل بتهد الضهر وبتضعف الواحد يمكن اتجرأت بكلامي بس هالشغلات ما ممكن حد يحس فيها الا اللي عاشها |
وانا هيك بحكي غجرية فش غير حسبي الله ونعم الوكيل ناس ما عندهم قلب وما بخافو الله مش عارفة ليش هيك بيعملو بغيرهم |
ملاك الانسان ما بختار قدره طالما كل شي بامر الله لازم نستسلم ونوكل الله في كل امور حياتنا المشكله صعبه كتير ما في حدا بحب حدا يشاركه حياته لو كانت خاصه لكن مو انتي زوجك تزوج عليكي في كتير ازواج تزوجو على زوجاتهم ويمكن بعانو اكتر منك الشي الحلو انه ولادك بحضنك يعني تخيلي انك عايشه بلاهم قولي الحمد لله واتركي امرها لله هي بزواجها منه ما حدا بلومها اللوم عليها انها قاسيه او بدها تفشطك متل ما انتي ما بدك ياها هي كمان ما بدها ياكي معادله بسيطه الحل الصبر ثم الصبر وولادك هما مستقبل حياتك الله يهدي بالك ويصبرك وتتحول حياتك لسعاده |
الححيإات بتلف والزمن بيدوور والآ يجي ويت وربناا ياخد حئكك وتشوفي سيعادةة م شفتيها كل شي من ربنآ حلوو وخيير وبععد كل هالتععب هتفرحي كثيير كووني متأكدةة حبيبتي .. |
وبشَر الصابرينْ الصبرْ مُفتاح لِكل ابتلاءْ يبتليكِ بهِ الله سبحانه وتعالي والله سبحانه يمهل ولا يُهمل : وسَياتي اليوم الذي تقتصي فيه من ظُلامك في الدنيا والاخرة يوم لا ينفع مالٌ ولا بنونْ : يوم الحساب الاعظم الا وهو يوم القيامة وباذن الله ربنا بعضوك بحياة افضل اصبري واتوكلي على الله واتقربي منه وضلي ادعي بكل صلاة بتصليها وقيمي الليل وباذن الله ربنا ما رح يردك خايبة ورح يتقبل منك دعائي ربنا بيقول : واذا سالك عبادى عنى فانى قريب اجيب دعوه الداعى اذا دعان :) |
اول شي ربنا يصبرك ولادك هما يلي راح يكونو بظهرك وقت الشده هما يلي راح يساعدوكي وقت ما تحتاجي لشي لهيك ربيهم احسن تربية وحافظي عليهم هما يلي هيكونو سند لالك بكل شيء ربي يحفظلك عبود والاميره ماراح احكي اكثر من هيك تحياتي |
ملاك الحياة أكيد صعبة و كل حد عندو مشكلتو في ناس ربنا بعطيعها صبر أزود من ناس و ربنا ما ببتلي حد الا ع قد صبرو انتي أكيد انسانة محترمة و طيبة و صابرة لأنك كنتي بتقدري ترمي ولادك و زوجك ورا ظهرك و تعيشي حياتك بلا مسؤولية او ذل في متلك كتار و اتزوجوا جديد و عاشوا حياة تانية انتي اخترتي ولادك مش هكون قاسية بس لو كل وحدة فينا بتعرف شو حقها و سكتت عنو متلك رح يصير عادي عند الرجال يتزوجوا و يطلقوا و يرموا انا من وجهة نظري يمكن كانت غلطة رجوعك تاني لزوجك و هو متزوج وحدة متل هاي لو فكرتي فيها منيح بالنهاية ما كان رح يهون عليه ولادو و يتركهم الها ما عندي غير الدعاء الك و ربنا يجزيكي الخير بالآخرة و يعوض عليكي |
الحمدلله انو اولادك معاكي وهاد اهم شي مارح احكيلك غير؛ صبرا جميلا والله المستعان.. |
الله يكون بعونك الملاك شو ممكن احكي غير هيك |
حسبي الله ونعم الوكيل ع كل ظالم والله يعينك ويجزيكي بصبرك ويحفظلك اطفالك ويكبرو ويغيرولك كل حياتك يارب كل انسان بيجيه يومو والله سبحانه يمهل ولا يهمل الله معك ملاك انت واطفالك يارب |
ي ويلي شو بكيت وأنا عم بقراها شو زنب الزغار حتى يكون ابوهم بهيك شخصية وشو زنبون حتى يتعاملو هي المعاملةةة من مرتو اديشا ماعندا ألب وبلى أخلاء وشو زنبك انتي حتى تتحملي وجودك معو وتشوفيه صبح ومسا والأصعب انك مجبورةةة منشان ولادك ماعندي أي كلام احكيه ماعندي غير اني أدعيلك يا ملاك انو الله يعوضك خير ويخليلك ابنك وبنتك وانو الله يفرجها عليكي وتئدري تعيشي بعيد عنو مع الزغار وانك تشوفي الصبي والصبية بأحسن حال ربي يكتبلكون السعادة ي رب |
كتبت رد طويل بس للأسف محيتو قبل ما ضغط على زر الرد ما بعرف .. بس ما طلع من قلبي انك تنشوفيه بقدر قللك بس الله يفك أزمتك و نشالله بتنحل امورك وربي يوفقك و يخليلك و لادك ونشالله بتقدري توصلي لهدفك و تربيون ببيئى افضل من اللي هنون عايشين فيها انت قوية جدا حتى قدرتي تبوحي بهالشي بحييكي و الله يقويكي :136: |
اقتباس:
بس لو تشوف الحياة كيف عالواقع بنغم على قلبك عم نصبر ونصبر ونتحمل ونتحمل بس الها الله بس هو اللي رح ياخد حقي منها |
اقتباس:
الله يبعد عنك الظلم واولادالحرام |
اقتباس:
لا اله الا انت سبحانك اني كنت من الظالمين والله اني صابرة شو بدكو اكتر من هيك |
اقتباس:
لاني ما بدي يعيشو بجو مو حابينه ويكونو بعاد عني لحتى ما ينسو امهم بيوم ويعيشو تحت رحمة مرت الاب |
اقتباس:
حكتلي عارفة هيك وضع ليش رجعتي قلتلها وقتها ما فكرت بشي غير ولادي بتعرفي شو جاوبتني ال الولاد بعيشو انا فعلا ما فكرت بشي وقتها بس الواحد بندم بعد ما يفوت الوقت |
اقتباس:
بس هلأ الوضع اختلف بس النا الله |
اول شي بدي احييكي على جرأتك وصراحتك حبيبتي مش اي انسان ممكن يتجرأ ويحكي هادا الكلام اتأثرت كتير بقصتك الله يكون بعونك كيف عم تتحملي كل هالاشيا ما بدي اقول الا حسبي الله ونعم الوكيل فيها وتأكدي انه رح ييجي يوم وربنا ينتقم منها شو ذنبهم الاطفال لحتى تعاملهم بهيك طريقة قاسيه صدقيني ما بعد ضيق الا الفرج واولادك رح يكبروا ورح يكونوا سند لالك ووقتها ما رح تحتاجي لاي مخلوق تحملتي كتير وربنا رح يعوضك بالاحسن ان شاء الله خليك قويه وما تخلي كلام اي حد يأثر عليكي اهم شي انه اولادك معك واكيد هادا بحد ذاته قوة لالك وما تحكي عن حالك ضعيفه ابدا انت مش هيك الله يسعدك يا رب |
اقتباس:
بعرف انك مجربة متل هالشي بس اللي عندي لا يذكر صدقيني اسمى |
اقتباس:
وفعلا حسبي الله ونعم الوكيل بتغني عن كل الكلام |
اقتباس:
انا هلأ مرتو بيفرق الوضع انا حلمي هلأ بيت زغير بعيد عن العيلة بس حتى لو اجار مو مهم بكون وقتها ملكت الدنيا كلها هو ما كان يعرف بمعاملتها الهم لانه كان يغيب بحكم شغله |
اقتباس:
لاول مرة بكون فضولية وحابة اعرف شو كنت رح تكتبلي مش عارفة شو احكي بجد بس الامور كتير معقدة لليوم وبكرة |
اقتباس:
بس اعيش عيشة راحة بس مو اكتر |
كل شيء بالاخير برجع يتغير ، وما في عسر ما بيجي بعده يسر ، وان شاء الله حياتكُ بتصير آحسن وبتتجه للاأفضل ، وما دامهمُ اولادكُ معك بالدنيا والله ، لانه هم آبقى الك ، .. الله يحسن حياتكُ ويسعدك فيها |
آمين يارب وبغير الحال لاحسن حال شكرا الك محمود |
اختي مثل ما اكسبتي ود اولادها بمقدورك تكسبيها بصفك صحيح انه الدرة مرة لكن كل شيء بهون عشان الجنة الدين معامله عامليها باحترام وادب وود حادثيها كأنها صاحبتك و اختك واكتر كمان وصدقيني راح تتغير جربي مرة ومرتين ولاخر حياتك ... واحتسبي الاجر عند الله شكرا لصراجتك اللي بشوف مصيبة غيروا بتهون عليه مصيبتوا الحمد لله على كل حال ^^ |
| الساعة الآن 08:47 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.