|
الكبه ع طريقة ملك روحي .. اوك ؟؟ كيفكم ؟؟ جاهزين نطبخ للغدا ؟؟ ئبل لنطبخ راح ننزل السوبرماركت نشتري الاغراض معكم مصاري وﻻ ع الدين ؟؟ خلص مؤمن بحاسب :2: راح نشتري 3 كيلو سميد : كيلو ناعم وكيلو وسط وكيلو خشن كيلو ونص لحم مفروم / نص كيلو ناعم وكيلو خشن كيلو بصل لوز وصنوبر ملح / فلفل / بهار مشكل / الطريقة : عنا 3 كيلو صح ؟؟ الناعم للهريسه ما بينفع للكبه الخشن ما بيلزم كبوه :13: الوسط انقعو بالمي لانو هاد الي بدنا ياه لحزةة..... مو تمليه مي بس شوي هلا بتعجن السميد بعد ربع ساعه نقع مع نص كيلو اللحم الناعم مع بصله مفروم ناعم ورشه ملح حسب الرغبه و فلفل وبهار مشكل وحطو بالتلاجة شي ساعه راح تحكي لشو التلاجة بعرفكم كتيرين غلبه :12: مشان يما لما نكبكبو يمسك فهمتو ؟؟؟ هلا بتجيب المئلايه وبتفرم 3 بصلات بزيت ذرة ولما يتحمرو شوي بتضيف اللحمة الخشنه وكمان ملح وبهار وبمئلايه تانيه بتحمصو اللوز والصنوبر مو سوا تحمصوصم اللوز بدو وئت اكتر لانو يا الله ما اكتر اسئلتكم هههه هللا لتستوي اللحمة وتنشف من المي بتضيف اللوز والصنوبر وبتكون عجينه الكبة الي حطناها بالتلاجة منيحة وشدت حالها بتبلش كبكبه العجينه وتحشيهم لحمة خشنه لتخلصهم كلهم بمئلايه كبيرة بتحط كميه منيحة زيت مو تتباخل وتصير حريص ! وليحمى بلش فيهم ئلي وحمرهم منيح هلا ان ضل حشوة شو راح تعملو فيهم ؟؟ وﻻ شي كلوهم بالمعلقة او اعملوهم سمبوسك :138: صحيح نسيت احكيلكم كبه بلا تبوله متل المنسف بلا لحمة .. حلو هالتشبيه خخخ يلا صحتين وعافيه |
صحيح نسيت احكي مؤمن طلعت الفاتورة 200 شيكل :138: |
طيب بعد ما مؤمن يجيب الاغراض وتجهزيها مين بدو يتغدى عليها الكبة اكلة زاكية كثير مشكورة ملك على ادراج الطريقة يعطيكي العافية |
الكل معزوم صمت بس اوعو تيجو وايدكم فاضيه يعني مخاسر وتعب وتيجو ايد ورا وايد ئدام مصيبه والله qw3: الله يعافيك ي رب نورت ^^ |
كتير مختلفين عننا، بس متأكده الكبه فكل انواعها طيبه .. شكرا ع الشرح ملك .. :137: |
طرِيئَةة سهلَةة أشكُرك جزيِل آلشُكُر عسولَةة |
اقتباس:
العفو سمرة نورتي |
اقتباس:
العفو برستيج انرتي ^^ |
انا اعترض :140: انتِ عاملتيلنا نموره ولا هريسه ال سميد احنا منعمل الكبه في البرغل الناعم شان هو الكبه الصح ولا انتو عايشين بالهيمالايا الي عجبني اكتر من الكبه طريقه التحضير واللحمه الي جواها بعدين ما في لوز في الكبه في صنوبر يا ابله مشكوره ملك روحي احباط صح t140 هههههههههه عكل حال يسلمو دياتك |
لك مهو السميد نفسو البرغل وﻻ شو ؟؟ :12: |
اقتباس:
انا حطيت لوز وصنوبر وبعدين انت شو فهمك بالطبيخ اصلا |
السميد الي بنعمل فيه هريسة /نموره/ بسبوسه لونه ابيض مائل للاصفر ناعم جدا اما البرغل الي بنطبخ وهو نوعين ناعم للكبة وبنحط على التبولة كمان وفي منه خشن بينطبخ مع العدس الي بنسميه مجدرة وفي ناس بتعمله بدل الرز هادا كلام ام فوزي |
ع اساس ام فوزي منال العالم هههههه ع كل بوسلي ع راسها لام فوزي واحكيلها منك نستفيد هههه نورت حبيب العمر |
هاي كبة أكيد شو سميد حاسة انو في شي مش طبيعي ههه عالعموم يسلموا عالطريقة حد يجربها عشان أجرب بعدو يعطيكي العافية يا عسل كل الشكر |
لك مالكن سميد هو البرغل الناعم هههه والله هيك بنحكيلو جربوها وخلص هههه نورتي اجمل يسعد مساكي |
حلوة طريقتهآآ وزآكيةة بس لو كنتي كملتيهآآ بالصور كآن تمام عوافي ملك ،، |
ما في صور الصياد لانا ما بتزبط معي هههههه خلص وعد المرة الجاي ^^ نورت ويسعد مساكك |
لا يا قلبي السميد شي تاني خالص البرغل الناعم اه هو تبع الكبة ههه |
ع فكرة انتو فضحتوني خلص بعترف ما بميز السميد من البرغل ههههههه |
ههههههه هاد وان دل بيدل على انو هالوصفة من وصفاتك مش منقولة من النت يعطيكي العافية |
طبعا مش منقولة هههه حكتلكم ع طريئتي انا :13: الله يعافيكي ي رب |
| الساعة الآن 12:32 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.