الكُبه ..

#1 11-17-2015

بناء ع موضوع حنين الروح ضيف شرف في مطبخ بنات فلسطين،
استضافت اخر اشي كماني وهو اختارني لأحط شي اكله،
قلت بحط كبة الدروز بما إنو مشهورين فيا وما بعرف إذا بتاكلوا منها بس قلت بعرفكوا عليها ..

المكونات :

*لحمة حبش او عِجل او مِعزه مفروم، واحد من الثلاثه بس ممنوع يكون في شحم

*سميده

*فلفل حلو جامبا احمر

*فلفل بحرق احمر

*مردقوش

*زيت حوصي

*رشة ملح

*مي مسقعه

طريقة التحضير

اول إشي منفرم اللحمه او بنفع تشتري لحمه مفرومه جاهزه من الدكانه بس ممنوع شحم زي مقلت،

وبعدين منفرم الفلفلات جامبا والحريف مع بعضون،

وبعدين منحط السميده بصحن فيو مي قبل ب10 دقايق من جَبِل الكبه، عشان تطرى السميده اكتر،

منبلش نحط الفلفلات الحريف والجامبا المطحونين مع بعضون فقلب اللحمات ومنجبلون مع بعضون،
وبعدين منحط عليون السميده بعد ما يكون مرق عليها 10 دقايق فصحن المي،
وبعدين منرش رشة مردقوش عليون ومع رشة ملح حسب الحاجه ومندير عليون شوي من زيت الحوصي، منضل نحرك فيون،
ومندير عليون مي مسقعه، ممنوع تكون مي فاتره او سخنه، لازم مسقعه من البراد ..
**ملاحظه لازم تكون كمية اللحمه المفرومه نفس كمية السميده ..

والكبه ما بتتاكل عنا إلا إذا معها "حوصي"،

حوصي هي لحمة حبش مفرومه مقليه مع بصل مقلي،
بتحطوا بصل قديش مبدكوا حسب كل واحد كيف برغب،
منرش عليون هالبهارات فلفل اسمر وقرفه وبهار كبه ورشه ملح ..

هيك بجهز صحن الكبة مع صحن الحوصي، وصحتين وهنا ..

هاي صوره للكبه

اما الحوصي ملقيتش إلو صوره، بس ان شاء الله بس تعمل امي كبه رح اصور كل اشي ..

المصدر: منتديات بنات فلسطين - من قسم: װ..مطبخ بنات فلسطين]●ะ

hg;Efi >>

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بالفيديو والصور لمنتديات بنات فللسطين الشهيد محمد الكسبه : حدث امام نظري ،	Ayman	الأפֿـُبآر والـأפـدَآث	9	07-05-2015 11:13 AM

الكُبه ..

بناء ع موضوع حنين الروح ضيف شرف في مطبخ بنات فلسطين، استضافت اخر اشي كماني وهو اختارني لأحط شي اكله، قلت بحط كبة الدروز بما إنو مشهورين فيا