| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
المشهد الخامس من قصيدة لسة مصلتش العشا
يسعد مساكم جميعا .. أحببت أن أقدم لكم أكثر القصائد قرباً لقلبي للشاعر هشام الجخ وهي المشهد الخامس من قصيدة مصلتش العشا جدا مؤثرة و كل مرة أسمعها أبكي
| | LinkBack | أدوات الموضوع | انواع عرض الموضوع |
|
#1
11-13-2015
| |||||||||||||
| |||||||||||||
المشهد الخامس من قصيدة لسة مصلتش العشا  يسعد مساكم جميعا .. أحببت أن أقدم لكم أكثر القصائد قرباً لقلبي للشاعر هشام الجخ وهي المشهد الخامس من قصيدة مصلتش العشا جدا مؤثرة و كل مرة أسمعها أبكي فيها #الأم https://www.youtube.com/watch?v=icisdrwMTuM المشهد الخامس (25 مارس 2009) كل الدكاترة قالولي خير ماعندهاش ولا أي حاجة ولا حتى محتاجة لدوا ما احنا عارفين شهر مارس والهوا السن برضه ماتنسهوش شوية برد ما يستاهلوش أول مرة اشوف حبيبتي بتتوِجع وبتتلوِي وانا عارف امي .. ماتشتكيش غير م القوي عجّزتِ يا امة؟ وشاخ جريدك ده انت لسة ماسحة الشقة بايدك عجزت فجأة ده احنا كل جمعة نبوس اديكي عشان نوضب شقتك وتقولي لأة عجزت فجأة ومالك ابيضّيتي ليه؟ ياك حاطة بودرة؟ ما انت كنت زيي سمرا الدكاترة مش بيحكوا حاجة بينّا وانا قلبي متوغوش وحاسس ان امي فيها إنّ طب لو مافيشي شيّ قلقانين عليه .. حجزوها ليه؟ لأول مرة احس دماغي بتشقق وتفكيري بيعمل صوت ماصدقتش ولا اتخيلت وانا واقف في ساعتها بإنه الموت رسمت الضحكة بزيادة دخلت عليها عارفاني أنا الكداب كالعادة ومين يقفشني غير امي اللي عاجناني وخابزاني وخالعة بيدها سناني فعرفت بس من عيني انها شهادة وشهدت ييجي 100 مرة ساعتها كل احساسي اللي كان محبوس طلع برة وهاجت ذكريات عبّت عنيا دموع واحساس الطريق اللي ملوهش رجوع حاولت اخدعها واستهبل بقالك عمر بتمثل وهي معيّشاك في الدور وصدقت انها بتتخمّ يا راخل خلي عندك دم دي حافظة عنيك وتقاطيعك وتهتهتك وألاعيبك مش هاين عليك الويل ؟؟ عايزها منين تجيب لك حيل عشان مايبانش في عنيها العذاب والهم يا راجل .. خلي عندك دم كانت باصة لي في عنيها السنين بتفوت وجوايا كلام من كتره عدّا سكوت كان نفسي أقول آسف .. واقول ندمان .. واقول خجلان واقول لك إني والله بحبك حب مش معقول ماعرفتش ساعتها الحلق كان مقفول لكن القلب كان مفروط على قلبك وكان بيقول بكل حروف كتاب الله اللي حافظها على يدك ومن أيام ما كنت بعد على يدك وعلى عدك وفرحة خدي يامايا وانا نايم على خدك وقسما باللي قام حدي وقام حدك ما حبيت في الوجود قدك وجاي دلوقتي تتنغوج .. بتستعجل في وقت الموت وتتلهوج مابنحسش بقيمة الثانية غير بعدين وتسرقنا الحياة مانفوقش غير والموت مبكي العين يا شاقة القلب ومسافرة خدتني الغربة من حضنك سنين كافرة نسيت نفسي وانا آسف قالولي الغربة بتعلم دروس وحياة وان الغربة يا مايا دي طوق ونجاة أتاريها حزام ناسف .. أنا آسف ميعادنا يامّة في الآخرة وهي الدنيا أيه يامايا .. حقة مناهتة ومعافرة خلاص خلينا للآخرة حتى تكوني محلوة وعليك العين واوريكي العيال يامّة .. بقم بتين وجبت الواد يا ستي عشان ماتضايقيش حاوصيهم يا ستي خلاص ماتخنقنيش أفراد عيلة هشام المدهشة دي تعليمات جدتكم المفتشة ممنوع تناموا في أي يوم أي يوم .. قبل ما تصلوا العشا أتمنى تنال على اعجابكم المصدر: منتديات بنات فلسطين - من قسم: الــشعـر والـشعـراء hglai] hgohls lk rwd]m gsm lwgja hguah    |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اللغز الخامس | عــيونــــــــهـ♥آإ لگ♥ | محطة آلـِتحِـديّ =$ | 6 | 11-13-2014 04:07 PM |
| حشرة العصا Stick Insect | تْـۄلَيْـنّ | عالم الحيوان والنبات | 7 | 04-29-2014 04:37 PM |
| أعتذر عن بشاعة المشهد | قصي | الـטּـِقآشآتُ الجَّآدة والـפـوَآر..! | 10 | 02-18-2014 05:23 PM |
| يلاا ع العشا ياجماعة .. ساندوتشات لزيزة وبأشكال مختلفة | عيناك قدري | װ..مطبخ بنات فلسطين]●ะ< | 47 | 09-13-2013 02:19 AM |
| طبيعة غير كل الطبيعة - اعادة تشكيل المشهد | نقآء | غرائـب وعجائـب | 5 | 08-20-2013 02:38 PM |
الساعة الآن 05:47 PM
