سؤال يستحق وقفةة منا ، ; ب قلمي
 

]

ماشين وعايشين الحياة ، كل واحد همه حاله ، كله بده يلحق لقمة عيشه ، وما حدا منا منتبه للناس حواليه ، لدرجة ممكن نكون عايشين بنفس البيت وما حدا سائل عن التاني ، او ما بنعرف مشاكل بعض ، يا راجل تعال نتذكر انا وانت حياة زمان ، اه تعال نرجع شوية لورا مش كتير يعني بدنا نرجع بس خمسين سنة ، لما كانت اللمة الحلوة والضحكة من القلب ، يا سلام بالله بهالزمن ضل حدا بضحك من قلبه ، ولا ضل حدا مرتاح باله لا والله ما ظنيت ، هالزمن ماشي بسرعة لدرجة صرنا مش حاسيين بالأيام كيف عم تمشي ، ولا نتذكر شو كان امبارح ، صار انو نفقد حدا شي عادي ، انك تكون مبسوط يعني انك غريب لانو الكل حواليك عم بتوجع فليش انت عم تضحك لك اه صرت انت شاذ عن حالة المجتمع ، شي بضحك صح !! سيبك من كل هاد الحكي وراح تحكي شو هالفلسفة بس راح اتفلسف ... بهالزمن قلي ضل الحب حب ولا الاحساس احساس لا والله ، لك صار الحب شي اهبل اي والله بطل اله معنى صار كلمة عادية زي مرحبا وكيفك ، فقد كل جماله وضاع معناه ، شو وين الحب زمان لما كان الواحد يحب واحد وينطره تحت الشباك ساعات ليطل ولا يهرب اله رسالة مخبئ فيها وردة ، وتضل الوردة سنين مخبية جوا الكتاب ، لما يضل يطلع بالقمر ويرسم وجه حبيبه ويشوفه بكل وجه ... حسيتو بشعور حلو صح طب ليش م نحاول نعيش هاد الاحساس ، ليش بدل م نبعت مسج بحبك اشتقتلك نروح نشوفه نضمه ، ليش وقت نشتاق لرفبق بنعمل محادثة جماعية طب ليش ما نتجمع ! نشوف بعض ونضحك ونشوف عيوننا وهي عم تضحك لانهم معنا ، على العموم خلص اصلا قلوبنا صارت حجر ، صارت عنا مناعة ضد كل احساس ، بنحاول نعوض مشاعرنا بشغلات هبلة ، ونهرب من مشاكلنا لعالم مزيف ، بدل ما نرمي حالنا بحضن امنا ونعيط ونشكي بنرمي حالنا لهلاك يدمرنا بزيادة ، لك ضيعنا حالنا لحالنا ، انعمى على قلبنا وبطلنا نهتم الا بحالنا ، مش مهم غيرنا المهم احنا وبس ، لككك اااه وبس على هيك حياة وهيك قلوب وهيك تفكير ، لك اه لو بس نحس ببعض ويكون همنا غيرنا يضحك وينسى الهم ، لو نسامح ونخلي القلب ابيض ، لو ما نحكى على بعض ونحترم غيرنا بغيابه ، لو نخاف على الناس زي خوفنا على حالنا وما نرضى عليهم الي ما نرضاه على حالنا ، بسس للاسف الواقع مش هيك ، الواقع كله كره وحقد و ضغينة وقلوب مريضة بالأنانية ، الواقع انه الكل بستنى بكله على غلطة ليبدأ يدبح ، ليبلش يحكي ويزيد فوق البيعة حكي ، لك احنا ما بنكون احنا لو ما حكينا على بعض ما بنعرف ننام ساعتها ، بس عادي يا مان عادي ، هيك حياتنا واحنا راضيين فيها وعاجبنا الوضع صح !! م بنحاول نغير شي وساكتين ومشاركين بجريمة قتل حالنا وانشاء جيل قائم على المصلحة وحب الذات ، وهاتلك اكبر تحية للي بكبر ولاده على مبدأ الي بضربك اضربه عادي شكله نسي انو الرسول عليه افضل صلاة وسلام نادى بالاحسان والمسامحة وانو ربنا حكى بما معناه العفو عند المقدرة ، احنا مش عايشين بغابة لنحارب بعض احنا بشر والنا عقل وليش هالعقل نايم وما بفكر عنجد هاد سؤال نفسي الاقي اله اجابةة

كلمآت لآمست الوآقع بكل معآنيهآ آلجميلة

وعفويتهآ آلتي خرجت بهآ لتلآمس قلوبنآ بكل حروفهآ


وجمآل مآ تحمل من معآني في حياتنا اليومية ، تسآؤلآت كثيرة !


وغصة بين السطور وجدتهآ ، وحسرة على زمنٍ مضى من بين أيدينآ


لست أدري مآ أخط هنآ آليوم ، فآلوآقع أصعب من أن يكتب !


سلمت أنآملك ودآم نبضك ، ولآ حرمنآ روعة قلمك آلمبدع


ل ِ روحكِ جنآئن آلكآدي


وعبق آليآسمين


وأجمل بتلآت آلجوري




!

مش بعرف بس بحس هالواقع صاير تافه كتير

حبيتو ل حضورك محمد




منور ك العادة

الجواب لسؤالك

ماتوا الطيبين ..!
وتباعدت قلوبنا بالرغم من أجسادنا قريبةة من بعضها
ارتفع سقف حب الدنيا وأصبح الواحد يريد كل مايشتهي
فأكيد مارح يكون فاضي للأشياء يلي هو بيحطها بين قوسين ( الفضاوةة وقلةة المسلك )




حبيت كلماتك سلمت ي وسلمت جوارحك ..!

لك ب هالزمن طيب القلب صار غريب وحالةة شاذة

فعلا حياة فارغةة من كل شي




نورتي خواطر

كلمات جميلة اشكرك عليها نبض


الزمن الحالي ليس ك اي زمن


الكل مصلحتة مقدمه علي اي شي وعلي اقرب الناس كمان


اشياء كثيره الواحد يتمني يتمني ان ترجع


ودوماً نقول ليت الزمان يعود يوماً


تفكير البشر وعقلهم والجيل الحالي مو مثل الي قبل 50 سنه


تحياتي

ع فكرة نبض

حسيت عمرك 50 سنه

المهم

يا جماعه معطيات الحياه والظروف اتغيرت وطبيعي نتغير

هلا مو بالضرورة انو التغيير يكون للاحسن

لكن هاد واقع مفروض علينا

والانسان الي بطبعو منيح بضل هيك ولو بعد 100 سنه حتى

حبيت فضفضتك وطريئه التعبير والطرح


الف عافيةة نبض

وردتي

معكك حق مؤمن


نورت الموضوع

يعافي قلبككك ملك


نورتي