منتديات بنات فلسطين - ๑۞๑ حَلُّوهُ يَا بَلَدِي ๑۞๑

والله حرام

مرتين اجاوب ويطلعني برة المنتدى

بس الحمدلله نسخت الاجابات بالمرة التانيه

نبدأ بســمـ الله بالموضوع والاســئلة
بسم الله

- ماهي مدينتك ؟

البيرة / رام الله

- هــل تعرف/ـين مــاذا يعني ذلك الاســــم ؟
طبعا

رام اسم كنعاني ومعناتو المنطقة المرتفعه
الله / اضافوه العرب لرام
فصارت رام الله

- أين تقع مدينتك ؟
الي الشمال من القدس بمسافه 15 كم تقريبا

- اذكر/ي ثلاث من معالم سياحية في مدينتك ؟
متحف الشهيد ياسر عرفات :
وهو موجود جنب ضريح الشهيد وفيه بدلاتو العسكريه وسلاحو واغراضو الشخصيه

كنيسه سيدة البشارة :
وهي كنيسه كتير ئديمة وبعام 1960 الحقوها بمدرسه

قصر الحمراء : تم بناؤه عام 1951
اشهر فندق ومصيف برام الله
اهملوه فترة الاحتلال ورجعو عمروه الحمدلله

- هــل يتواجــد بها معــالم تــراثيــة ؟
طبعا / بذكر منها قبر سيدنا يوسف
وبقايا ابراج صليبيه
وكمان البيوت الئديمة الي لهلا موجودة

- ما هــي أشهـــر ... الكــلمات المتـــداولة ... والتي تميزكم عن الغير...
مش عارفة هههههه
بس رام الله فيها كتير لهجات لانو مساحتها كبيرة وفيها تنوع سكاني كتير كبير ومصيف و منطقة سياحيه

- هل أنت من مواليد مدينتك الحالية ؟ أو مدينة سابقة ؟
ﻻء / انا مواليد امريكاا ^^

- هل تستطيع البعد عن مدينتك دون الحنين إليها ؟
مستحيل / لو اروح وين ما اروح
ما فيني الا ارجع لرام الله
فعلا لانها حلوة بلدي

- ما أشهر منتزه أو ملاهي بمدينتك ؟
منتزهات / منتزه البيرة ؛ منتزه الاستقلال
ملاهي / مخماس ﻻند ؛ سكاي ﻻند

- ما أشهر مجمع أو سوق بمدينتك ؟
برج فلسطين / بنصحكم تزوروه
وﻻ اروع وﻻ ارقى وﻻ افخم من هيك مجمع

- ما أشهر مطعم بمدينتك ؟
كتار المطاعم هون كونها مدينه سياحيه
بس للاكل الراقي و الئعدة الي ع الاصول مطعم " دارنا "

للشاورما عميد الشاةرما

للفلافل : من عند عبدو ههههه

- ما هي أشهــر المــاكــؤلات التي تتميز بها مدينتك ؟
مئلوبه / مسخن / المحاشي / المعجنات

- مكان ترتاح/ ـين به كثيراً بمدينتك ( غير البيــت طبعـــاً )
مجرد انو انزل البلد والف فيها شوي برتاح ^^

- ماذا ستطلب لو قيل لك سنلبي لك ماتطلب بمدينتك بشرط أن تكون ثلاث طلبات فقط ؟
اولا : يعملو جسور للسيارات وانفاق لتخفيف ازمة المرور
تانيا : ظاهرة الشحادين تختفي تماما من البلد
تالتا : البلديه تهتم اكتر بالنظافة وخاصة منطقة نص البلد
وفكرة البسطات بالمواسم وبالاعياد تنتهي ويكون في رقابه على الاسعار

- ثلاث أشياء تتمنى / تتمنين زوالها من مدينتك ؟
حاويات الزباله
تجمع الشباب على المنارة
الاستهتار برجال الامن واجترام رجال الامن للعالم

- شخص من المنتدى تتمنى أن يقيم معك بمدينتك ؟
مؤمن / بحسو بيعشئ رام الله ^^

- اعزم خمس أعضاء/عضوات من المنتدى للإقامة بمدينتك (ثلاث أيام)؟
مؤمن / غجريه / هل كان حبا / نبض / ننوش / جاسمين / لونلي / البريئه / خواطر / بلسم

والله الجميع
وبعزمكم ع فلافل من عبدو هههه

- نريد ثلاث صور من مدينتك ؟
من تصويرك الشخصي او من النت
بمشاركة لحالهم الصور اوك ؟؟

- تحدث عن حبك لمدينتك بسطرين فقط ؟
بحب رام الله بشوارعها واهلها وحيطانها وكلشي فيها
صحيح بتمنى اسافر واترك البلد
بس راح تضل روحي معلئه هون بهاللبلد
الي فيها ربيت واتعلمت والي ذكريات كتير حلوة مع ناس بعزو علي
فعلا حلوة ي بلدي