|
أين فصائل المقاومة في الضفة من المواجهة الحالية؟ http://i2.wp.com/www.qudsn.ps/wp-con...size=600%2C398 يوم أمس عبّر إعلامي فلسطيني معروف عن عدم رضاه عن الحالة التي يشهدها الشارع الفلسطيني في جزئية تصاعد عملية التصفية للفتيان والفتيات بسبب محاولاتهم تنفيذ هجمات طعن، سواء كانت زعما من قبل الاحتلال أو أعمالا حقيقية مقصودة. ولإنصاف المنادي بهذا الرأي الذي استنكرَه كثيرون في صورته الظاهرة، فإنني سأسعى لتوضيح فهمي لموقفهم، وهو ما أنظر إليه باعتباره دعوة إلى توجيه العمل المقاوم، حيث أن المستهدف الأول من هذا الخطاب هو “الحزب الفلسطينيّ” بشكل خاص من ناحية أن مسؤولية المواجهة وتكيكاتها لطالما كانت إحدى أدوارهم المهمة. من أجل وضع النقاط على الحروف في بدايات الانتفاضات أو الهبّات –سمّها كما شئت- عادة ما يكون النمط الشعبي في الحراك هو السائد، حيث أن الشعب بتشكيلاته الفردية هو من يقرر قصم القشة ويساهم في تحديد توقيت الانطلاق، ويلعب دورا في استمراريته، لكن سرعان ما تصبح المسؤولية في إدارة الصراع ملقاة على كتف الحزب الفلسطيني المقاوم، حيث أن إحدى وظائفه تحت الاحتلال تتمثل في تبني المواجهة “المسؤولة” مع الاحتلال، ودراسة الخيارات المطروحة، والوعي بأماكن الضعف والقوة، واختيار التواقيت المناسبة. هكذا كانت في بداية الانتفاضة الأولى والثانية في إحدى صورها، ثم ما لبثت الخلايا العسكرية بدء تشكيلاتها لمختلف الفصائل الفلسطينية، وترتيب أوراقها، وتنظيم صفوفها للانطلاق في مواجهة طويلة الأمد استهدفت أماكن التواجد الاسرائيلي وأرهقتهُ وفق دراسة ظروف المواجهة. إذا، هل حان وقت التدخل للفصائل؟ رجوعا للتاريخ الحديث في مواجهة الاحتلال في فلسطين، فإن الإجابة عن هذا السؤال واضحة، أي: نعم إن الوقت قد حان، لكن قد تمنعه عوامل وظروف، أو تؤخره فقط، والقصد هنا بأن مسؤولية الأحزاب في تنظيم المواجهة يرتبط ارتباطا وثيقا بتوفير الحرية لخلق بيئة عمل مقاوم لهذه الفصائل، خاصة في الضفة الغربية، وهو ما كان شحيحا في السنوات الأخيرة سواء فهمنا الأمر بأنه توجّه سياسي في محاولة لتطبيق رؤية سياسة كما هو الحال في الفهم “الرسمي” للموضوع، أو كما يعتبره المعسكر “المعارض” استهدافا لخيار الكفاح المسلح والاكتفاء بالمقاومة الشعبية السلمية. وهنا الحديث عن الضفة كموقع أساسي في الأحداث الجارية. ماذا بعد؟ في حالة استمرار المواجهة الشعبية والنمط الفردي في مناطق متعددة في الضفة الغربية تحديدا فإن حالة اللاإستقرار قد تتيح مساحة من الحرية لأحزاب أو منتمين لأحزاب مقاومة ترتيبَ صفوفهم بصورة خلايا تجدد العمل المسلّح والهجمات المنظمة، وهو ما قد يزيد البعد عن حالة الاستقرار السياسي والميداني في مدن الضفة، مما يخلق مساحات أكبر لتزايد هذا النوع من العمل الذي ما غاب عن تاريخ المواجهة مع الاحتلال الاسرائيلي إلا في ظروف استثنائية. أخيرا، فإن فهم موقف المنادين بوقف الطعن، إن أردنا أن نحسن الظن في التفسير يتمثل بدعوتهم لإعادة توجيه وتنظيم الطاقة البشرية في مقاومة الاحتلال، وهي ما تخبرنا فصول القضية الفلسطينية بأنه مسؤولية الفصائل ودورها الهام، إلا أن هذا التسلسل في تطور مسار المواجهة يصطدم هذه المرة بعائق انعدام بيئة المقاومة وتلاشيها سنوات مديدة، وهو ما يحتاج لوقت إضافيّ إلى جانب ثبات حزبي وشعبي على خيار استمرار المواجهة. |
الانتفاضة التالته تختلف بطبيعتها عن الاولى والتانيه هاي انتفاضة للجيل الجديد بعيدا عن الفصائل واتفاقياتهم واختلافاتهم وانقساماتهم واكبر دليل اعمار الشهدا من الشباب والبنات وكانهم بيبعتو برساله لكل القيادات والفصائل انو اتفاقياتكم وسياساتكم ما جابت نتيجة ع ارض الواقع بل بالعكس زادت الطين بله !! اين هم الفصائل اليوم ؟! بصراحة ما بعرف يمكن سحبهم النمل ههههه بس بتمنى الانتفاضة توحد صفوفنا و كلمتنا الف شكر للنقل مؤمن للمقال ارق التحايا |
يسعد مسآك مؤمن وين الفصآئل عن هالإشيآ اللي بتصير باضفة كل الفصآئل مقصرين بالوقت هآد سوآء فتح او حمآس او غيرو و غيروو المقآومة بغزةة و مش سآئلن عن الضفة و محمود عبآس شغل حكي بس و النآس اللي بيملكوو اسلحة تاركينهم للمشآكل اللي بين العائلآت اسلحة في مع حكومتناآ بس مش فاهمة لشوو مخبيين لهلأ نيتنيآهوو وصى كل المستوطنين ما ينزلوو بدون سلآح و عنآ الشعب الفلسطيني ببيتوو بخآف يخبي سلآح بخآف من السلطة قبل اليهود اقسم بالله يآ مؤمن الوضع سيء للغآية و الله العظيم تعبناآ اليوم حوآلي 3 سآعآت بستنى امير تحت المطر لبينمآ لقيوو طريق يوصلوه عَ البيت من الروضة ابن المحتسب استشهد قدآم ولآد المدآرس دمآر نفسي صآر عندهم و الله و الله صآر وقت حد من الفصآئل يتحركوو بكفي بكفي يمكن زودت بالحكي بس فشة قلب و الله شكراً الك .~ |
اقتباس:
لكن لا ننسي انو شي مهم عسكره الشباب لانو هيك مابنفع المشكله انو السلطه والفصائل فقط استنكارات وشجب ربنا يفرجها منوره الموضوع |
اقتباس:
صدقيني يآ ملك الشعب متوحدين بس الكبآر مآ بدهم توحيد الحلوو انوو بالجنآزآت مآ بيرفعوو غير علم فلسطين و هاد كَ بدآية توحد ان شآء الله ال الفصآئل مآ بدهم يتدخلوو لأنوو لو تدخلوو اسرآئيل بكون عندهاآ مبرر لتدمير الضفة و دخيلك مهي مدمرةة من اسآسهاآ بس يتحركوو تعبنآ و الله بكفي شبآب بعمر الورد بروحو واحد بعد التاني حسبي الله و نعم الوكيل و يسعد مسآكِ ملك |
اقتباس:
وبيوجع القلب وبيحرق الدم من الظهر وانا متابع اخبار الخليل الوضع سيء جداً لكن نقطه انو حتي المقاومه الي هين مابدها تسكت بس المشكله بالسياسيين مش بالعساكر كلشي بايدهم لمن الشب بدو يروح يطلق صاروخ بياكل هوا بعرف شب اتبهدل قبل يومين لمن اطلق صواريخ وللحين مسجون وانلعن صباحو قبل مسائو المشكله مش فينا المشكله بشويه الدشر يلي بحكمونا ربنا يحمالك امير نورتي الموضوع |
بعين الله ميناس انشالله دم هالشهدا ما بيروح هدر ويصحو كل هالقيادات اشبعنا بجد استنكارات وحكي بالمؤتمرات بدنا فعل وسلاح ما تفكري وضعنا احسن برام الله وصلو البالوع يعني عند الداخليه ومن الجهة الشمالية عند المقاطعه والمصيبه الحرس عم يتفرجو ؟؟!! والله بعيني شفتهم شايلين سلاح وبيتفرجو ! لك النا الله وبس ومساكي حبيبتي |
و الله معك حق يا مؤمن المشكلة بالحكام بس ربنآ رح يفرجها اكيد اي ملك الحال من بعضوو اللي شفتيهم حاملين سلاح و بتفرجوو في ناس حاكمينهم و مانعينهم يتدخلوو ربنآ يحمي كل وآحد بدآفع عن هالوطن و ربنآ يحميكم انتوو كمآن |
بعيد عن الشعارات والمشاعر بعرف الكل مقهور وانا اولكم لانه الي بروح اكيد مو من المريخ هو ابن بلدنا وهما مركزين على شباب الخليل هلا الوضع معقد بغزه يعني في حسابات ليفوتو حرب من جديد حابين تتدمر غزه فوق ما هي مدمره؟ هلا نحكي بجد لمره وحده غزه قدمت ما يكفيها لعشر سنين لقدام خليهم يرتاحو شوي احنا في الضفه لو معنا سلاح متل اول او لو ما فككو حركه حماس الي ادبت الكيان بعملياتها الاستشهاديه الي اقل عمليه كان يروح فيها 30 صهيوني فككوها عن بكره ابيها اخدو سلاحم عذبوهم حطوهم بالسجون وضربوهم وين حماس في الضفه؟ ما حدا يحكي وينها اسالو السلطه وينها هلا السؤال ليش لهلأ رجال الامن الفلسطيني بجميع مسمايتهم وينهم عن المشهد والله عم يصيدو الشباب صيد اكم عمليه طعن صارت ؟ كلها 17 عميله والباقي اعدام يا ابن السلطه الامنيه ما عندك شرف ولا نخوه تشوف اختك واخوك عالارض مدرج دمه واليهود برقصو حوله اتحرك يا رجال والله الزمن والتاريخ ما رح يرحمكم بكفي جبن وخوف عالراتب اعصي الاوامر وموت شهيد اقتل اكم كلب وموت او حلو عنا ياه ما بتلزمونا وما بدنا ياكم تطخو الف رصاصه بالهوا لما يكون في عرس او حدا بطلع من السجن معقول ماتت فيكم النخوه شفتو غزه شو عملت فيهم هادا الجندي الصهيوني ابو حفاظه الي بركض من سكين والله ما في اجبن منه مستوطنه بتخوفكم معقوووووول والله انا لهلأ مش مصدق ليش متخبيين بمقراتكم ما بعرف لو كلامي بزعل حدا بس هاي قناعتي شكرا اخي |
حسبي الله و نعم الوكيل بس كلآمك صح مؤيد اللي مدمرنآ السلطة |
| الساعة الآن 05:48 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.