بحبك .. هات من الأخر شو بدك !؟ بقلمي ، »
 

في يوم راح يتغير كل شي ، ما في شي راح يضل على حاله ,الدنيا دوارة يا بشر ، الي معنا اليوم ما راح يكون معنا بكره ، لهيك خلينا نكون عايشين بقلب ابيض ، بلا ما نهتم لكل صغيرة وكبيرة ونقضي حياتنا بالنكد والزعل ، بتعرفوا ليه !! لانه الحياة كتير قصيرة ، لهيك اضحكوا قد ما فيكو وعلى فكرة الي بتيجي اله فرصة ليضحك وبضيعها من ايده بكون اهبل اي والله ..


عارفين شو خطر على بالي سؤال ... احنا ليش بنخبئ كل شي جواتنا !! ليش وقت يكون الشي معنا بنهمله ما بنهتم فيه ووقت يضيع منا بنبكي عليه !!! ليه اخوك اختك امك ابوك بس وقت يصير فيهم شي بتحسسهم بحبك واهتمامك وخوفك عليهم !! ليش مش على طول بنحكي بحبك للي بنحبهم !! لازم يكون في مناسبة يعني !! اهلنا صحابنا والناس الي بتعز علينا ليش عنا بخجل بمشاعرنا الهم /!!


عارفين من يومين كنت بحضر برنامج كوميدي انو اتصل على امك واحكي الها بحبك شوف ردة فعلها ... صح المواقف كانت مضحكة بس اسمحلي بلحظة من وقتك لو حدا تمعن في عمق هالشي ما راح يضحك !! ايش يعني الام تستغرب وقت ابنها يحكي الها بحبك وتفكر بده مصلحة من ورا هالكلمة !! ولا لما تحكي الاخت لاخوها بحبك ويرد عليها هاتي من الاخر شو بدك !!!


حالنا بضحك صدقوني احنا حارمين حالنا من انو نحس بالحب بين اهلنا وصحابنا ، بنضحك على كل حدا عفوي وبعبر بعفوية عن حبه كأنه هو الغريب ، لا صدقوني احنا الغلط وهو الصح ...


بكره بس تفقد حدا بعز عليك راح تتندم على كل لحظة ما حسسته باهتمامك او حبك راح تتمنى يرجع لتقله بحبك انا ، خليك مصدر حب لكل حدا حواليك ابنك اختك مرتك امك بعدين لحظة. .. أختك هاي مو قطعة منك !! ولازم تحس بحبك ولا هي حدا غريب عنك !!


احنا لازمنا وقفة مع حالنا ، شب وصبية ، مسن شاب مراهق ، انتي الام يلي عم تربي الجيل لحظة لأقلك شي يا مدام هو سؤال واحد مش اكتر ... انتي قريبة من ولادك !! ولا بس بتأدي الواجب ك رفع عتب.، خليني اقلك شي الامومة مش انك تولدي وتطعمي ، الامومة اكبر من هيك وصدقوا يلي حكوا الام هي الي بتربي مش يلي خلفت ، انتي ان مهتمة برفيقاتك والميك اب اكتر من بيتك وولادك ليش لتجيبي صغار يعيشوا بجو خال من كل مقومات الحب والامان والاهتمام !!!!


نصيحة ل الكل حتى للأب يلي بحكي انا مش مقصر مع ولادي ومرتي وطول نهاري بشتغل ليعيشوا تمام طب تعا أسالك سؤال ... أنت بتعطي مرتك حقها !! بتسمع مشاكلها بتسمع همومها ولا سائل عن ولادك ! ولا تارك كل شي على رأسها !! خليني خبرك انك تكون اب مش معناها انك تجيب فلوس لا لا !! انك تكون اب يعني تكون الامان ل بيتك ل مرتك ل ولادك تسمع منهم تحل مشاكلهم ...


خلينا عفويين عندنا حس ، خلي قلوبنا تنبض ب الحب للناس القريبة منا ، ما تبخلوا ابدا بمشاعركو ، عبروا عن كل شي جواتكو ، لما تشوف امك بوس ايديها واحكي الها بحبك يما وابوك نفس الشي ، أختك تذكرها بهدية خدها بحضنك مرة حتى ما تطلب هالشي من غريب ، ولادك العب معهم اه العب معهم ما تعمل زي سي السيد كون قريب منهم كون متل صاحب ل تكسبهم ، وانتي يا ام خليكي قريبة من ولادك اكتر من رفقاتك ، ولا ما بتسمعي عن الصغار الي ماتوا بسبب اهمال الام ولا حابة تجربي هالشعور !!!


واخر كلامي ...


صدقوني الحياة كتير بسيطة مو معقدة ، بدها ضحكة بشوية تطنيش وبتمشي زي العسل ، حبوا بعض لتحبوا حالكو




ګلَ أّلَوِدِ (ღ˘⌣˘ღ) نِبِوِضّةّةّ (ღ˘⌣˘ღ)

موضوع جميل , وطرح في غآية الأهمية

وبصرآحة كفيتي ووفيتي بكلآمك


يعني مآ عندي زيآدة هون ..


بس حبيت أشكرك من قلبي على هالكلمآت اللي نآبعة من قلبك


ولآ مست قلبي بكل حروفهآ


لكِ ودي وأجمل بتلآت وردي




!

نبض

انا بحبك :)


مبدعةةةة بجد

كل حدن بحب حالو بحب الكل
جد واللهي نآهه بموت بحالي و حبهآ لـ ننوش ')
لهيك بحب ككل النآس من قلبي ♥ '))
حبيت كل الحكي يلي هونــآإ ☺ ')
يسلمو ديآإتكك ع الحكي البجنن يلي كتبتي النآ $ ')
ورده

صدقوني الحياة كتير بسيطة مو معقدة ، بدها ضحكة بشوية تطنيش وبتمشي زي العسل ، حبوا بعض لتحبوا حالكو

كلمات جميلة نابعة من القلب
يسعدك حبيبتي نبض
:137:

يكفي حضورك الأنيق ك أنت


أنرت بحق ي سيد الحرف


ل روحك النرجس

وانا بحبك وهيكhttp://www.bntpal.com/vb/images/icons/18.gif




يسسعدك ملكك




نورتي

معك حق ننوش




يسسلمك ربي ي سكره


نورتي الحته

ويسسعدك تولين ي روحي




نورتي ي سكره

هل كان حبا انو شو بحب حضورك ب مواضيعي هاد اولا


تانيا حضورك ضاف جمالا فوق الجمال ل الموضوع


أنرت بكل صدق




ل روحك الكادي