|
خواطر الصمت تسلميلي ع المقدمه الحلوه، انبسطت بإختيارك الي بهالموضوع الحلو عن الطفوله مع إني بحبش اتذكر الماضي، محمد، حبيب العمر، صمت المشاعر، السماء تحبني، شكرا كتير ع حكيكوا الحلو، وان شاء الله تحبوا اجوبتي فالموضوع .. 1-آرجّـعٌ لَمًرحًلَهّـ آلَطِفُـوٌلَهّـ کْيِفُـ کْآنِ شُـکْلَکْ ..دٍبً ..نِحًيِفُـ..قُصّـيِر..طِوٌيِلَ..؟ مش ناصحه ومش ضعيفه وقصيره وبعدني زي ما انا .. 2-إيِشُـ کْآنِ آسِـمً مًدٍرسِـتٌـکْ _وٌفُـيِ أيِ مًدٍيِنِهّـ..؟ كل المراحل تعلمت ببلدي "ساجور"، واسمائون كانت مدرسة ساجور الابتدائيه الاعدادايه والثانويه كان اسمائون "اورط ساجور" .. 3-طِفُـوٌلَتٌـکْ کْيِفُـ کْآنِ نِوٌعٌهّـآ ..حًزٍيِنِهّـ..جّـمًيِلَهّـ..؟ هيك وهيك .. 4-مًآ هّـوٌآ آلَمًوٌقُفُـ آلَذِيِ أثًـر عٌلَيِکْ فُـيِ طِفُـوٌلَتٌـکْ ..؟ بصراحه مفش مواقف معينه، مش عم بعرف اتذكر .. 5-آذِکْر مًعٌلَمً أثًـر فُـيِکْ ..وٌآيِشُـ آسِـمًهّـ ..وٌفُـيِ إيِشُـ أثًـر فُـيِکْ..؟ نورا معلمة الانجليزي فالابتدائيه لمن نجحت معها فالانجليزي مع علامات بونس 114 من ميه، الاشي رفع من معنوياتي، وكنت احبها لانه اصلها من اميركا وكانت تضل تغنيلنا التايتنك فالحصص .. كايد معلم الجغرافيا فالاعداديه كنت كل ما اجي اسأله استاذ "بلكي وبلكي" يجي يقلي يا استاذ فش اشي اسمه بلكيات بالدنيا .. وبال معلمة العربي فالاعداديه كانت تشجع موهبتي فالرسم وكل فتره كانت تطلب مني ارسم صور واعلقون فالصف .. 6-هّـلَ کْنِتٌـ تٌـشُـآرکْ فُـيِ آلَآذِآعٌهّـ آلَمًدٍرسِـيِهّـ..؟ مكنش في اذاعه ولا بأي مرحله .. 7-هّـلَ کْنِتٌـ صّـآحًبً مًشُـآکْلَ ؛ وٌمًآهّـيِآ أوٌلَ مًشُـکْلَهّـ تٌـتٌـذِکْرهّـآ آلَآنِ ..؟ ولا مره كنت طالبه راكزه كتير وشاطره واسمع الكلمه .. بس عملت مشكله وحده فالثانويه صف 12 يعني كان عمري 17، كان عندي امتحان تاريخ والمعلمه قسمت الامتحان لقسمين أ وب عشان ميصرش غش، اسا انا طلع معي امتحان أ وبنت صفي امتحان ب، بس انا مش عارفه احل هالامتحان بدي امتحان ب اللي مع بنت صفي وهي كانت نفس مشكلتي، بدلنا الاوراق انا اخذت امتحانها ب وهي اخذت امتحاني أ، وطبعا اكلنا بهدله بس سمحتلنا بالاخر .. 8-هّـلَ حًآوٌلَتٌـ آلَهّـروٌبً مًنِ آلَمًدٍرسِـة فُـيِ يِوٌمًآً مًآ..؟ ولا مره .. اهلي اصلا مكنوش يقبلوا معي انه اعمل مشاكل الحمد لله .. 9-مًآ هّـيِآ آلَعٌآدٍهّـ آلَتٌـيِ کْنِتٌـ تٌـفُـعٌلَهّـآ وٌأنِتٌـ طِفُـلَ..قُضًـمً آلَآظُآفُـر ..أوٌ مًصّـ آصّـبًعٌکْ ..أوٌ غُيِرهّـآ ..؟ كنت أألّف كلمات غناني وكل الصف كان يحفظ الكلمات ويغنوا، في غناي راب قال، بعدني لليوم متذكريتها وطبعا كلمات هبل، " خمسه عشره خمستعش عشرين، سبعه ثماني بلا قوانين" 66sd وكنت ارسم عين بالدفتر ع الطاوله او وين ما كان، وبعدني لليوم .. 10-مًنِ هّـمً آصّـحًآبًکْ مًنِذِ آلَطِفُـوٌلَهّـ إلَى آلَآنِ ..؟ كل بنات واولاد صفي اللي تعلموا معي بكل المراحل، موجودين عندي بالفيس، بس قليل ما نتواصل، اقرب وحده الي راويه اللي كنا سوى انا وياها فالثانويه، دايما منتواصل بالتلفونات وهودعوت واوقات منلتقي صدف .. 11-عٌنِدٍکْ مًوٌقُفُـ سِـعٌيِدٍ فُـيِ آلَطِفُـوٌلَهّـ ..وٌأوٌلَ هّـدٍيِهّـ لَکْ آفُـرحًتٌـکْ کْثًـيِرآً..؟ بصف السادس كنا صفين، انا كنت مع الاستاذ مالك والصف الثاني مع وفيق، كان الاستاذ وفيق عم بيعلم درس عن البيئه، وسأل طلابو سؤال بس مش عارفين يجاوبوا، اجا ع صفنا قال للاستاذ مالك بدي اخذ حدا من صفك، اخذني انا، قلي شو الكلمه اللي بتيجي قبل البيئه وبتعبر عن الاهتمام فالبيئه، قلتلو "جودة" البيئه قال زقفولها :109: .. ذكريات .. 12-مًآذِآ کْنِتٌـ تٌـتٌـمًنِى فُـيِ آلَطِفُـوٌلَهّـ ..؟ انه بس اكبر افتح صيدليه لإنه كنت اخذ كل ادوية اهلي الفاضيه واعمل رفوف من كراتين واحط كل بكيتات الادوية والعلب الفاضي بالرفوف والعب وابيع .. 13-مًآ هّـوٌآ لَقُبًکْ عٌنِدٍمًآ کْنِتٌـ طِفُـلَآً..؟ اثّوره عشان اسمي أثار وبعدو لليوم .. 14-هّـلَ آسِـتٌـخِـدٍمًتٌـ آلَحًفُـآئضًـ فُـيِ آلَروٌضًـة..هّـهّـهّـهّـهّـ؟ مش متذكري هيك اشي .. 15-سِـر وٌدٍکْ أعٌضًـآء آلَمًنِتٌـدٍى آلَغُوٌآلَيِ يِعٌرفُـوٌنِهّـ..؟ انا بشكل عام إنسانه واضحه، بس ممكن يكون في اسرار معينه بياخذ معي وقت لحتى احكيها، ممكن احكيها للي قراب مني هون وممكن محكيهاش بالمره .. 16-إذِآ رأيِتٌـ سمرة آلَآنِ « إيِ وٌأنِتٌـ طِفُـلَ » مًآذِآ تٌـقُوٌلَ لَنِفُـسِـکْ ..؟ تغيرتي للأحسن .. وٌفُـيِ آلَنِهّـآيِهّـ مًآ رأيِکْ فُـيِ آلَعٌضًـوٌة خِـوٌآطِرآلَصّـمًتٌـ.. خواطر بنت محترمه، وراقيه بتعرف تعبر وتبدي آرائها،وبحس عندها معلومات عامه وعندها خلفيه بالامور الحياتيه اليوميه، مع إنها بعدها صغيره فالعمر، بس هالاشي كتير منيح وبساعدها مستقبليا لإنها وقتها رح تكون ناضجه من كل النواحي اكتر وتصير صاحبة خبره فالحياة، بحسها طيبه ع نياتها بعيده عن التمثيل والمجاملات، ودايما ع طبيعتها، ومُريحه ممكن الواحد يرتحلها، اوقات بحسها حزينه "كتير"، الله يبسطها ويريح بالها .. خواطر، شكرا كتير لإنك استضفتيني فهالموضوع، وان شاء الله تكونوا حبيتوا طفولتي .. الله يسعدك ويسعد الجميع .. :137: |
مسكآهآ سمره وهي صصغيره 87g ') حبيت اسلوبكك بالحكي كإنكك جد مو سمرةة الكبيرةة هيهي :58: ') قلتلو "جودة" البيئه قال زقفولها شبكيف لمآ حدن كآن يزئفلي هههه لفت نظري هآد الجوآب :p ') الله يسعدكك ي رب و تضضلي مبسوطة ككل يوم ☺ ') ورده |
يسلمو حبيبتي جيهان على الاختيار المميز لسمره واكيد هي غنيه عن التعريف من اجمل واروع الشخصيات يلي هون بالمنتدى حبيت طفولتك اثار الله يسعدك يا رب |
هههههههه تسلميلي يحلوي بعرف مش مبينه سمره الجديه، والله الصراحه الاسئله بتجبرك ترجعي لورا لهيك كنت عفويه فالحكي، مش دايما منقدر نكون صارمين وجديين فالاجوبه لإنه بيتعلق فالاسئله، يسعدلي ياكي .. :51: |
اقتباس:
تسلميلي يغالي، وانتي كمان صبيه مميزه ومحبوبه فالمنتدى، بإنسانيتك وطيبتك ورزانتك، بيكفي انك اقرب وحده إلي، يسعدلي ياكي .. :137: |
اقتباس:
ربي يعافيك ي حبيبتي غجرية نورتيني |
اقتباس:
حبيبتي انتي بتستاهلي كل خير والي قلته بحقك هذآ هي شخصيتك يلي بنشوفك فيها أنا والاعضاء هنا .. حبيت معلمتك والمعلم يلي عطاكي نصيحةة تعرفي أنا مثلك أحياناً بقول افترض وافترض فالإنسان يكون متوكل ع ربه ويعيش لحظته كانت نصيحه حلوة منه وأكيد استفدتي منه ومن نصيحته حتى هذآ الوقت .. وحلو يكون معلمك هو من يشجعك ويظهر موهبتك وبخصوص الأمتحانات كنتي جريئات انتي ورفيقتك لأنه نحن عندنا ممنوع الممنوع نعمل هذآ الشئ بس اكلتيلك بهدله ههه كنتي شطورةة مابتهربي اثورةة وكمان راب ورسم عيون شئ حلو حبيت مواهبك ^-^ أصدقاء الطفولةة مو ممكن ننساهم نصيحةة خليكي متواصله معهم حبيبتي رأيك بشخصي أسعدني وشرف لي لأنه من إنسانه مثلك بحبك وبحترمك كثير وصحيح أنا بجد بحب كون ع طبيعتي وما اتصنع .. استمتعت وأنا بصطاد بطفولتك كنتي بتجنني وطفولتك جميلةة الهدف من فقرتي هي العفويةة والبساطه وإدخال البهجةة حين نتذكر الماضي والطفولة انبسطت معك حبيبتي إيثار ربي يسعدك وبتشكرك لقبول دعوتي ..! |
اقتباس:
ربي يسلمك حبيبتي أسعدني مرورك ياجميلةة نورتي |
الى العضوه المتالقه الاخت سمره اقول سمره انسانه بانسانيتها النقيه والقيمه باسلوبها الرائع والمنصفه بين الاعضاء كافه بردودها اتجاههم داخل المنتدى بالمحبه والاخلاص لتقربهم من بعضهم البعض في منتهى الصدق والوفاء وبحضورها المتميز ومواضيعها وعقلها الذي يحمل افكار هادفه واراء قيمه وهي نجمه من نجوم اعتلت منتدى بنات فلسطين وبدون اي مجامله ابدا لا املك سوى الكلمات للتعبير احتراما لها ولشخصيتها الكريمه ان كانت داخل او خارج المنتدى اتمنى لها النجاح الدائم وحياه سعيده بحياتها الناجحه اخط هذه الكلمات من قلب صادق وان شخصيتها تميز انها منصفه وتميز بين الحق والباطل جعل الله اقلامنا طيبة عندما نكتب عن الاعضاء واقلامهم المتبادله بالاحترام لبعضهم البعض ومليئة بقلوب المحبة مشكوره على الموضوع خواطر الصمت الوطن والغربه |
صدقت بما قلت سمرةة بدون مجاملة عضو مهم بالمنتدى لأنها تحمل عقل واعي وفكر راقي وأسلوب جميل بالتعامل ..! نورت ياطيب |
| الساعة الآن 01:48 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.