|
المغتصبآت .. كيف تتعاملوا معهن .. إطرح رأيك السلام عليكم ورحمه الله وبركاته حابه أتعرف ع وجهة نظركم بموضوع قد يكون حساس عند البعض ولكن مهم .. كثار بنات بالعالم وخصوصي بالعالم العربي تعرضوا للاغتصاب بطريقه وحشيه جداً وبتعاني من ألمها النفسي قبل ألمها الجسدي وفوق هذآ كله رح تسمع كلام يجرح من أهلها وأقرب الناس لها ومن مجتمعها و و و وطبعاً مارح يقف الأمر هنا وبس كمان يمكن وبنسبه كبيرة يتم تزويجها من نفس الجاني وهذا بنظري أنا كخواطر الصمت أبشع فترة رح تمر فيها وكل مابتشوف وجهه رح تذكر أبشع لحظات حياتها .. أنتم إيش رأيكم بالموضوع ..؟ وكيف ممكن تتعاملوا مع الضحية ..؟ وهل توافقون إن الضحية تتزوج من نفس المجرم الي قام بإغتصابها أو لا ..؟ ياريت ماتكونوا مثاليين وتحطوا رأيكم بكل واقعية وصراحه .. خواطر الصمت |
انا رح اجاوب بناء على اني رجل شرقي يعيش بمجتمع تحكمه العادات والتقاليد على هاد الاساس رايح اعطي رئي باسئلتك أنتم إيش رأيكم بالموضوع ..؟ موضوع تعاني منه نسبة لا باس بها من البنات والاصعب تكون من اهلها وكثير ما بنسمع اغتصاب اخ ل اختو او اب ل بنتو طبعا برجع السؤال كيف هاي الضحية بدها تكمل حياتها معهم وكيف ممكن تتعاملوا مع الضحية ..؟ انا برئي ك انسان لزم تكون الرئفة والرحمة موجودة لانو هي في الاخر ضحية بس ك انسانة عايشة بمجتمع ما حد رايح يرحمها وهل توافقون إن الضحية تتزوج من نفس المجرم الي قام بإغتصابها أو لا ..؟ انا من رئي ما بأيد انو تتزوج منه لنو بكل وقت رايحة تتذكر الموقف طبعا مش رايحة تنسى الي صار طول حياتها موضوع رائع للنقاش يعطيكي العافية |
هلا بتذكر لما حضرت مسلسل فاطمة التركي بعتقد وقتها اني قرئت انو الهدف من المسلسل كنوع من الاحتجاج او الرفض لقانون عندهم نصه:انهم بسقطوا العقوبة عن القضية.اذا تزوجها احد (الحيوانات ) اللي قاموا باغتصاب الضحية اشي مقرف ومقزز بصراحة كيف تتزوج (حيوان )دمر حياتها وسلبها معنى الحياة قضية الاغتصاب بحد ذاتها من ابشع الجرائم بهالحياة لدرجة اني بحطها براس قائمة الجرائم اللي ممكن ترتكب بحق البنات ما بيكفي الاعدام مش بقولوا العين بالعين والسن بالسن والبادي اظلم ليش ما يتجرد هو من رجولته متل ما جرد هالئنت من كل معاني الحياة... يعني فوق ما اغتصبها...كمان يتزوجها شو هالظلم ؟؟؟وشو هالقرف؟؟؟ ووين حقوق هالبنت؟ الاغتصاب قتل لروح بنت جريمة بشعة رح تحرمها الامان...رح تحرمها النوم حتخاف من كل الناس.ما عاد تامن لحد.رح ياثر عمستقبلها ممكن يصير عندها ردة فعل قاسية تخليها تكره جنس ادم كله تكره الارتباط والزواج وكل شي الاغتصاب بولد مشاكل نفسية الها اول مالها اخر عاداكي عن تصرف الاهل وقتها ...يعني فوق ما بتكون مظلومة...بظلموها اكتر هي ما دخلها بشي.هي ضحية يعني ما نكون نحنا والمجتمع وكل الدنيي عليها بالعادة انا انسانة هادية..وبراعي اداب الحوار بس الموضوع كبير وخطير وبجد بنحرق قلبي من جوا لما اسمع بحوادث الاغتصاب...ربي يحرقهم دنيا واخرة هالاشكال وحسبي الله ونعم الوكيل فيهم يعطيكِ العوافي اختي خواطر تقديري |
اقتباس:
معك حق أنس وأنا بإيدك برأيك الناس مابترحم مثل مابيقولوا رح تموت الف موته بكل يوم أسعدني تواجدك وطرح رأيك ياطيب كل الشكر والاحترام لشخصك 🌹 |
اقتباس:
معك حق تنفعلي حبيبتي زينه لأنها الجريمه الوحيده برأيي يتم فيها معاقبة الضحية بدل الجاني وأنا معك بكل ماقلتيه رح يتكون عندها مرض نفسي ورح تكره شئ إسمه آدم ..!! أسعدني تواجدك وطرح رأيك كل الشكر والاحترام لشخصك 🌹 |
أنتم إيش رأيكم بالموضوع ..؟ موضوع حساس جداً وجداً وكتير بيحصل بالمجتمع وكلام الناس بوقتها ماراح يرحمها حتى المقربين فيني اعتبرو جريمة وابشع جريمة وكيف ممكن تتعاملوا مع الضحية ..؟ هلأ راح يكون تاثيرها نفسي بشكل كبير راح تقرف تطلع لرجال تانيين كمان لازمها طبيب نفسي بهالحالة ولازم نتعامل معها بكل شفافية وراح نواجه صعوبة كبيرة بمعالجتها وراح تضل وصمة عار إلها من دون سبب لانو يلي صار مابمحض إرادتها وهل توافقون إن الضحية تتزوج من نفس المجرم الي قام بإغتصابها أو لا ..؟ هلأ خلينا واقعيين شوي..هلأ يلي اغتصبها حقير واكيد انا ضدد انها تتزوجو وهدفو هوة انو مايتزوجها لكن لو بدنا نقول بتتزوج غيرو صعبة كتيير وكمان مابيقبل فيها حدا وهية مغتصبة ازا في ممكن نادر وقليل ممكن يكون يلي بدو يتزوجها شخص واعي ومتفهم يقبل فيها وممكن لا وتسمع كلام كتيير بيسم البدن لانو وصمة بحقها وبحق عيلتها انا رائيي ماتتزوج حدا ..اما ازا لاقت الشخص المتفهم يلي راح يقبل فيها ليش لأ موضوع جدا مهم وضروري ورائع لانو مجتمعنا فيو كتيير اشياء هيك الله يعافينا ويعافي كل بنات المسلمين من هيك جرائم يعطيكي العافية |
(((الجريمه الوحيده برأيي يتم فيها معاقبة الضحية بدل الجاني ))) كلمة جوهرية قلتيها فعلا معك حق |
اقتباس:
اللهم امين .. معك حق حبيبتي شاعرة ضروري تتعالج كمان لأنها رح بتمر بحاله نفسيه صعبة جداً وأنا معك بأن ما احد رح يقبل بها أفضل إني أجلس عزباء طول العمر ولا ارتبط بجرم عيشني مرارة الحياة .. أسعدني تواجدك وطرح رأيك كل الشكر والاحترام لشخصك 🌹 |
الي بيفعل هيك شيء بأنسانه بيكون كائن حيواني مش انسان هي مالها اي ذنب لكن المجتمع ما بيرحم ولا الناس بشكل عام بترحم او بتنسي حتي وانا اكيد مع تزويج الضحيه للمجرم وب القوه كمان مشكوره كثير خواطر وربنا يحفظ بنات المسلمين |
أنتم إيش رأيكم بالموضوع ..؟ هالمشكلةُةُ ما بعاني منهآ مجتمعنآ الحمداللهُ او ع الآقل بالشكل الظآهر , لانه قضية حساسةُ ما بتنتشر في مجتمعنآآ وهالبنآت بكونوآ ضحية بكل الآحوالُ فش عليهن ذنبُ .. وكيف ممكن تتعاملوا مع الضحية ..؟ بتعآمل معهآ بشكل عآدي ، هي ما عليهآ ذنبُ بالعكسُ لآزمهآ رعايةُ نفسية وقتهآآ حتى تخرجُ من الحدث الي صآر معهآآ وترجعُ تستمر بحيآتها بشكل منيح وصحُ .. وهل توافقون إن الضحية تتزوج من نفس المجرم الي قام بإغتصابها أو لا ..؟ لآ مش مع مثل هذه القوآنين او العآداتُ ، لآنه زواجهآ من هالشخصُ موتُ آخر بالنسبةُ الهآ والآفضل آنه يتعآقبُ والآقتصاص منهُ بالمووتُ آفضل حل حتى يكون رآدع لكل شخصُ ممكن يفكر يسآآوي مثلهُ .. |
| الساعة الآن 07:56 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.