|
تركتكك ل ربي ، قصةة قصيرةة كانت قاعدة بغرفتها عم تبكي ، كانت كتير مقهورة وجواتها غصة ما في شي راح بوصفها ، ليش عمل هيك ، كيف قدر يكون قاسي هيك ، كيف الانسان فيه ينسي حب عاش معه سنين ، كيف بقدر يلعب بالقلوب ، كيف بنقدر نكسر القلوب ، معقول كل شي كان مجرد كذبة ، الحب الضحكات السهرات كل شي كان كذب وسراب !! لا مش معقول اكيد في شي .... كانت من وجعها وصدمتها بتحكي مع حالها ما ضل شي منيح عاطل الا اجى ببالها .. لحد ما تذكرت منظره هو وهي ، كانت بالبدلة البيضا جنب حبيبها ، وقتها اغمي عليها بعد ما غرقت بضحك هستيري ، وهلأ وبعد اسبوع من زواج حبيبها لساتها عايشة بحالة صدمة ، متى راح تصحى من هالصدمة ما حدا عارف !! وفجأة من وسط دموعها قامت كسرت كل شي بغرفتها وهي بتصرخ لاا لااا ما راح ما تركني هو الي هو الي لحد ما وقعت من طولها .... صحيت لاقت حالها ب المشفى وكان هو جنبها طلعت فيه ما صدقت انه قدامها .. فكرت حالها عم تحلم غمضت عيونها وهي تحكي لحالها هاد حلم . هاد اكيد حلم .. سمعت صوت بحكي الها : فتحي عيونك ... ما صدقت يلي سمعته . فتحت عيونها وهي خايفة كان لسه موجود ..وعم يطلع فيها بنفس النظرة هديك، هديك النظرة الي كانت تسرقها من عالم البشر لعالم تاني ، حكت :انت هون !! رد عليها : اي انا هون جوري ... وضلوا يطلعوا ببعض بدون ما يحكي لحد ما بكت هي ، اجى يسمح دمعها بعدت عنه ... احمد روح من هون روح .... عم تحكي جد بدك روح !! اي جد روح ... وليه البكى !! طلعت فيه وحكت : ليه البكي !. بعرف معك حق بكل شي راح تحكيه ... بس انا بحبك انتِ وما راح حب غيرك ... ضحكت ضحكة مجنونةة ... جوري انا كنت مجبور ... وشو الي جبرك !؟ امي يا جوري ما قبلت ارتبط ببنت .. كمل احمد ببنت شو ... بنت كنت احكي معها بس انتِ راح تضلي حبيبتي وما حدا يعرف وقتها حست سكين عم تقطعها من جوا ، حست انو يلي حبيته اربع سنين ويلي اتحدت مشانه كل العالم طلع ما بستاهل. ندمت على كل شي عملته مشان واحد متله ... بشو سرحتي !! قوم اطلع بره. ما بدي شوف وجهك وبحمد الله عرفتك على حقيقتك بس بعد ما خسرت حالي ... شو عم تحكي جوري ... بقلك انا بكرهك وبكره حالي يلي حبيتك ، بكره حالي لاني دمرت حياتي مشان انسان ما بستاهل وبكره كل لحظة عشتها معك ،ندمانة ع كلمة حب كل لحظة اهتمام .. روح من هون وبس لأقلك شي حسابي معك تركته لربنا .... |
شهآد مو بني آدم ريتو يموت :( اوكآ هآد قصةة مو في كتير منهآ بـ الوآقع ') أكيد يلي بعملهآ بكون مو رججل لـ يضحكك ع بنآت النآس ☺ ') يسلمو نبض ككتير ححلوة بس قآسيةة كمآن ') ورده |
هالقصة كتير عم بنشوفها بواقعنا لانه بكل بساطه المشاعر صارت لعبة بايدين يلي بسوا وما بسوا شو بنقهر من يلي بخلقوا اعذار لينفصلوا عن يلي بحبوهم لانه بنظري الانسان يلي بحب بجد بقاوم الدنيا كلها وبعمل المستحيل لحتى يبقى مع يلي بحبها قصىة جميله نبض يسلمو دياتك |
كل شيي بيصيير بهالهدنيآ .. وكل إشي سهل الشب بيعلق هالبنت فييه وبيشوف حياته وهيي بتحبه .. وهو مو سآئل غيير الكذب يليي بيجيي منهم كمان هههه فعلآ الطرفيين لازم يقتنعو ببعض وما يشوفو غيير بعض حتى لو كل طرف إلتقا بالجنس الآخر كتيير بييضل ثابت ع قرآرو لحبيبتو حبييت هالقصة وصاييرة كتيير بواقعنا يسلمو نبوضة ي وردة .. وكل سنة وإنت سالمة حبيبتيي ~~ |
قصة كتيير مؤلمة واصعب شي انو الوحدة تكون بتحب واحد وامو بتغصبو ع بنت غيرها بحجة انو كان يحكي معها فعلا هالاشكال بتركهن لله لانو لو بيحب عنجد مابيسمع كلمة امو وبياخد بنت الناس من دون مايضحك عليها يعطيكي العافية نبض ابدعتي بجد كلمات بتجنن تقييمي ونجومي |
قصة مؤثرة فعلا الشب بلعب بمشاعر بنت وعواطفها البنت بتفكر انو بحبها بس ما بكون بحبها بكون يضحك عليها يسلموانبض كثير القصة رائعة و فيها قصص عبر امتنانى |
يسلموا نبض ع القصة بس عنجد بصير مع ناس كثير وفى واقعنا كمان اكثر لانه براي الانسان يلي بحب بجد بقاوم الدنيا كلها وبعمل المستحيل لحتى يبقى مع يلي بحبها |
حسبي الله و نعم الوكيل قصة محزنه |
اقتباس:
يسسلمك ربي ننوش نورتي |
اقتباس:
الاجمل حضورك لونلي نورتي الموضوع |
| الساعة الآن 05:47 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.