|
يوم من حياةة عضو ،مع غاردينيا »
|
ما احلاني بعيونك نبوضـــــــــــــــة يسلمو عكلامك الحلو والجميل وتنسيق الموضوع روعـــــــــــــــــــة يعطيكِ 1000 عافيـــــــــــة سعيدة جدا بكوني ضيفتك الأولى بهالموضوع الحلو والشكر موصول لاختنا سمرة اللي القت الضوء على هالموضوع عن جديد الي عودة -ان شاء الله-لاخبركم عن يومي |
حبيبتي انت حلوة بعيون الكل تستاهلي كل شي حلو ومميز ناطرتك انا والاعضاء |
فكرة كتير حيلوة بانتظارها عوافي وتر |
حبيت تجديد الموضوع اختيار رائع لحبيبتي غاردينيا يعطيكي العافيه نبض بانتظارك زينه |
صمت ي هلا فيك نورت |
يعافي قلبككك لونلي نورتي |
اقتباس:
تسلميلي حبيبتي لونلي انتي الارو99ووع تكة وبجاوب |
حسيت رح اعلق عالوضوع بسطرين لاقيت حالي كاتبة مجلد.هههه هيك انا.يا بحكي الشي بالتفصيل الممل.يا بختصره بكلمتين اممم هلا اول ما بفيق من نومي بغسل وجهي على طول وبتوضى وبصلي الظهر بفيق الساعة 2 ونص واحيانا بسحبها للساعة 3 ... ... بروح بشوف ماما وين وشو بتعمل وبروح لعند بابا ...لانو بكون ناطرني بس فيق لاعملله فنجان قهوة بعمل الي كاسة شاي او ابريق شاي.هههه وبعمل لبابا قهوته بقعد عند ماما بمسك جريدة الغد.بتصفح العناوين وبلعب لعبة السودوكو ولعبة الكبريت والكلمات المتقاطعة وانا اشرب الشاي. وبفتح من الموبايل وبشوف اخبار المنتدى عالسريع يعني بعدين بتبدا رحلة المعاناة والعصبية والعياط بقوم بعمل جولة عالبيت.بجلي الجليات وبمسح الغبرة وبروح بساعد ماما بالطبيخ يعني بعرفش اطبخ طبعا.بس يعني بوقف معها وبناولها الأغراض.وبجلي بضل هيييييييييك للساعة 6 ونص الساعة 6 ونص بقوم بحضر غدا لاهلي بقعد مع اخوي محمد شوي بس يرجع من الشغل يعني ما في شي مثير بايامي العادية بقعد عالمنتدى لما يكون بابا وماما مشغولين بوقتهم ما بحب اتركهم لحالهم هلا ازا كان في مباريات..بتكون كل العيلة صاحية لما ما يكون اهلي كلهم بناموا بكتيرو الساعة 10 ومن الساعة 10 للساعة 1 ونص هالوقت كلو بقضيه مع بابا عالاغلب بنحضر برامج وثائقية او بنسمع اخبار واحيانا بحضر معاه مباريات الدوري الانجليزي لانو اخواني الشباب غير الليغا والكالتشو ما بحبوا يتابعوا واحيانا بحكيلي عن المحاضرات الدينية يللي بسمعها على النت او الراديو بفترة الصبح واحيانا بخليني افتح علعبتي بالكاندي كرش.بحب يشوفني وانا العب في كتير العاب بنتحدى بعض فيهم بس العاب زمان كتير احلى كانت ممتعة اكتر. طبعا بدخل الغرفة وقت الصلاة ووقت اعيط.احيانا بعيط هيك بدون سبب .واحيانا بنضغط من الشغل اليومي والزهق بس الشغلة الوحيدة اللي ممكن تضحكني وانا فاقعة عياط لعبة بغرفتي.هي يللي بتغني حمود حبيبي حمود هاللعبة لو كنت مسخسخة عياط.بفرط دحك بس العب فيها من الساعة 1 ونص للساعة 6 الصبح بعمل الاشيا اللي بحبها بعمل ابريق شاي بشربه عرواق بقعد عالمنتدى بحضر عشا وبحضر تلفزيون بسمع ميوزك احيانا بقرا روايات ...بفتح أوقات دفتر يومياتي او دفاتري اللي بكون كاتبه فيهم خواطر... هلا نحنا 4 بنات بالبيت.وانا نمرة 3 بس يعني بعتمدوا بابا وماما عليي بكتير اشياء بحكم شغل خواتي الطويل...اما اخر العنقود الملكة.كانها بفندق 5 نجوم ما بتعمل شي.مش صحبة ابدا مع خواتي.نادرا ما اقعد معاهم.بحس ما بفهموا عليي.وما في احاديث بتجمعنا برافق ماما بكل مشاويرها..بالزيارات العائلية دايما معها.بالسوق لما نشتري مستلزمات البيت بنمشي تقريبا كيوم ورا يوم مع بعض بتاخدني معها لما تشوف بنات لاخوي الكبير وكل العيلة بتلبس عزوئي انا وماما...دايما نحنا المتخصصين بمشتريات اللبس وكل هالقصص بتفقد الغاز...ووشبابيك البيت اول ما يناموا بخنقهم.بسكر كل الأبواب والاباجورات والشبابيك بخاف من الحرامية او شي بسة تنط من السطح عالبلكونة هههه لما ازهق من ضغط الشغل بروح عند دار سيدو بريح 5 أيام من كل شهر ما عندهم نت...وما باخد موبايلي برتاح كتير هناك من ضغط البيت ومشاكله اللي بتصير احيانا وبريح راسي وقلبي من النت والموبايل هيك بعيش ايامي بالتفصيل هههه.مملة انا.انو فيي جاوب الموضوع بكلمتين بس حبيت اعيشكم الأجواء.هههه نبوضة شكرا غلاتي عالاستضافة بتمنى كون اديت المطلوب مني على حسب الموضوع كنت حابة ادعم الموضوع بصور .بس ما لحقت ورداتي وحبي الك |
عارفة شو حبيبت حياتك البسيطة رغم الفراغ يلي حسيته عندك حبيت انك الي بتلبسي كل العيلةة هه وعم تشتغلي خطابةة ي بنت ما مليت ابدا وكنت بتمنى اقرا اكتر واكتر لاعرفك منيح يسعدك ي زينةة |
يومك حلو كتير حبيبتي زينه حبيت سرد كل التفاصيل فيه يعطيكي العافيه |
اقتباس:
يس لحياة بسيطة متل أي بنت لو اني بشتغل كان بصير اكشن بحياتي ومواقف وهيك اشيا بس اهلي بصراحة شوي محبطين ومن خوفهم عليي حابسيني ب 4 حيطان يعني شو فيها لو اروح اسجل بجيم لاني ما بشتغل شو فيها لو رحت اتطوعت بدار مسنين بكون اترجاهم رجاء مشان يسمحولي احضر معارض كتب وندوات ثقافية وهيك اشيا بس هالميول اللي عندي مش عند أي حد بالعيلة بتصدقي والله مو نحنا 8 بالعيلة بجد بس انا وماما بنشريلهم كل اشي.بس اختي هاي اللي مجنناني أحيانا بتنزل معنا خطابة فاشلة انا.هههه النا 6 سنين بنلف ومش عم تزبط معنا الله كريم ولا اعتراض على حكم الله يسعدك انتي حبيبتي نبوضة سعيدة جدا بحكياتك واستضافتك الالز |
اقتباس:
هههههه يس أحيانا بحب كتر بالحكي مع اني كتير هادية بالبيت ويا دوب احكي يحلي ايامك يا رب حبيبتي شكرا لحضورك ولمتابعتك حبي وورودي الك |
بعتذر هلأ انتبهت زينة فعلا هاد مو خوف قد م هو تقييد شو فيها تطلعي وتثبتي حالك عارفة انا بنخنق وقت ضل يومين بلا طلعة كتير بتطوع وبنزل معارض وفعاليات ربي يعينك حجتي |
عآردينـآإ العفويةة العسسل ') حبيت يومكك نـآهه و أكتر شي قوةة علآقتكك بآبوكي الله يخلي الكم ي رب ') حبيت اسلوبكك و طريقةة ححكيك $ حسستيني عآيشةة معكك شآن كلآمكك عفوي ') الله يسعدكك حبيبتي ♥ ورده |
حضريلي حالكك دلوعةة البابا بعدها :p |
خليني بس بعد العيد شآن هلـآ بـ البيت مو في آكشن و بوم الاتنين لـ الخميس او الاربعآ بليل مو دآخلةة ') بعد العيد بحكي الكم كل آشيآئآتي هيهيهي ' و بكون مدآومة كمآن ☺) يآ يآ يآ خليني بعدين بليز ههههه |
ههه حاضر ننوش راح استضيف حدا تاني |
| الساعة الآن 09:42 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.