|
&قلمي & عآدي عادي نشوف القدس قدامنا بتضيع، عادي نشوف نساءبترابط ورجال بتساوم عادي يقتحمو المستوطنين الاقصى ويعتدو ع النساء المرابطات ، عادي تشتم مستوطنة الرسول وهيا بباحات المسجد الاقصى عادي حكام العرب يضلهم نايمين عادي تسمع صرخة أم وهيا بتنادي وا معتصماه وما حد معبرها عادي غزة تتحاصر من كل الجهات وعادي الكل يضيق عليها سواء عدو ولا صديق، عادي ينحرق بيت بأصحابو ، وعادي يموت كلها دفنة وبينتسى بعد يومين، عادي كل يوم تسير اعتقالات في الضفة من اليهود ومن أبناء جلدتنا ، عادي انّا انضل محافظين ع رضا اسرائيل علينا ، وعادي جدا انو تكون طائرات الاحتلال مزوّدة بنفط عربي عادي إنّا نسمع كل يوم عقد مؤتمرات بخصوص قضيتناوما بنستفيد شي، حتى ما بنتوصّل لأي حل، عادي انو يضل المعبر مسكّر ويموتو المرضى وينحرمو من العلاج ، عادي اتلاقي طالب مسجّل ليدرس خارج البلد ووقت ما ييجي وقت سفرو يلاقي المعبر مسكّر ويروح عليه فصل او سنة من دراستو ، عادي نشوف الظلم قدّامنا ونضل ساكتين عادي كل يوم الفلسطينيين بالخارج يموتو ألف موتة ،، وعادي لما يسافرو عن طريق البحر ويغرقو ويموتو ،، عادي جداً يلي بسير بسوريا،، عادي انهم يقتّلو بالألآف ، وعادي الدم العربي ينسكب متل شلال الميّ . بس مش عادي لما يثور الشعب ، ويقضي ع الظلم يلي قدامو ويطلع مظاهرات ، مش عادي لما ندافع عن قدسنا بشوية حجار ومقلاع ، مش عادي لما تقول كلمة الحق وتندد بيلي صار ، مش عادي تثور الشعوب ع حكامها وتنسفك الدماء مشان ينالو الحرية، مش عادي نسكت ونخلي الخاين يحكم شعب، مش عادي نعبر عن رأينا ونقول هاد صح وهاد خطأ مش عادي لما نشوف الظلم بعنيننا وننتقم من الظالم، مش عادي لما يعتدي المستوطنين ع الاقصى ونتصدالو بكل ما نملك مش عادي لما تنسرق أموال شعب وهوا ميت من الجوع، مش عادي انّا انموت كرمال هالقضية ، مش عادي لما اليرموك يموت و ما في بإدينا شي نعملو كرمالو مش عادي لما ينخطفو شباب وماانعرف مصيرهم ونعمل اعتصامات مشانهم مش عادي لما يمر يوم المختطف العالمي وأبنائنا مخطوفين وما تحدد مصيرهم ،، مش عادي انو يضل هالوضع عادي ،، |
مش عادي انو يضل هالوضع عادي ،، ايه فعلا كلام بمعنى كثير اشياء عمن بنشوفها الي بيتفتق لها الحجر لكن ضمائر ما تتحرك لها فسبحان الله قلم قوي غاليتي يعطيكي العافية والله المستعان |
اقتباس:
|
وماذا تنتظرين من شعوب إرتضت الذل والعار ورضخت لغاصب ومحتل يحكمها كيف يشاء ماذا تنتظرين من شعوب إبتعدت عن الدين ومات فيها الضمير ولم يعد للمشاعر لديها اي وجود والله الذي لا إله إلإ هو لن ينصلح حالنا طالما بقينا هكذا بتمسك بالحياة ونلهث وراء لقمة العيش حتى ولو على حساب عزتنا وكرامتنا ان عدنا الى ديينا عودة حميدة وصادقة سٌيفرج الله كل كرباتنا ويٌزيل عن قلوبنا الهم والضيق وسينتقم من كل جبار وظالم لا يٌقيم شرع الله ولا يخاف الله في أبناء جلدته وقومه اشكرك مآستنا نقل مميز وإدراج أكثر من رائع ولعل الجميل في قلمك أن يخاطب واقع مؤلم ويلامس فلوب حزينة ومقهورة من جبروت وقسوة حكام طفاة لا تعرف الرحمة ولا اللين |
كلمات قويه ومؤثره ماسه لن يصلح الله ما بقوم حتى يصلحو من انفسهم والله المستعان ابدعتي ماسه ارق التحايا |
قصي واشكر حضووورك القوووي ... انرت .. ملك روحيي انرتي ي حلوة |
القوميه العربيه في تابوت الانعاش والضمير الاسلامي مات ولم يبقى منه شيئا لو تذكرنا معركه حطين لما وصلنا الى طريق مسدود بالعماله والخيانه من بعض ابناء جلدتنا وملوك عرباننا كلمات رائعه عن القدس لكنها مؤلمه وما زال شعبنا تحت الاحتلال الشكر على اللفته الرائعه من قلم مميز لبيت المقدس الوطن والغربه |
صدقت الوطن والغربة ما في ضمير الضمير مات ولا عزاء ... انرت |
لآ موُ عاديُ ولاُ راحُ يكونُ عاديُ اللهُ يمهلُ ولاُ يهملُ سيكونُ لهمُ يومُ موعودُ ورداتي |
موضوع رااائع وجميل وطرح مميز ربي يسلم دياتك |
| الساعة الآن 06:53 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.