مجهولْ رقمْ 4
/


1-عضو تحكيلو ألاعيبك مكشوفة ؟

ولا حدا مش لهالدرجه هه ..

2- عضو تحكيلو إنت مضحوك عليك ولآزم تصحى ؟

الاغلب هون كبار بالعمر يمكن في صغار بس المعظم 20 وفوق يعني مش صغار لحتى ميعرفوش إنون مضحوك عليون ولو؟!
مانون بحاجه لحدا يحكيلون،
ولو كان في حدا متل هيك بكرا لحالو رح يحس إنو مضحوك عليه، يعني اكيد مش رح يضل غاطس ..

3- عضو بس تشوفو إون لآين بيصيبك مغص ؟

بحترم الجميع والحمد لله ..

4- عضو مفكر حاله فآهم كل شي ؟

كلنا هه !
يمكن لإنه فش واحد بحب يكون او يبين ع حالو إنو ناقص من ناحية معرفه، بس بالاصل منجهل شغلات كتير، بس ما بعرف ايش ممكن تكون هالشغلات .. قد ما كنا منملك معرفه رح نضل منجهل اشياء كتير فش إنسان بوصل "التوب" ..

5- عضو تتمنى تتعرف عليه أكثر ؟

اللي بحبن

6- عضو تتمنى تركض آنت وياه تحت المططر ؟

رومنسيه يعني؟ ماليش كتير عالرومنسيه :|

7- لمين بتحكي أهوآك قمرآ يسكن سمآئي ؟

مش عارفي اجاوب، هي الجمله للحبيب يعني؟ إذا للحبيب مش فايته لأعمل علاقات لإني مختلفه عن الجميع، وإذا مش للحبيب فا رح احكيها لكل اللي بحترموني دايما ..

8- عضو متصنع وماله شخصية ؟

مفش هيك اشي،
فكرك ليش الجميع موجودين فهالمنتدى؟ لإنو كل واحد فيهون إلو شخصيه عندو اسلوب عندو آراء .. اللي مالو شخصيه مستحيل تلاقيه بعالم المنتديات .. هاي وجهة نظري ما بعرف ..

9- عضو موآضيعه تعكس رقي شخصيته ؟

خالد عليان، وهالإشي اكتشفته متأخر انا، دايما عم بحاول اتابع مواضيعه المختلفه فكل الاقسام ..

10- عضو تعطيه لقب الجنرإال ؟ وعضوة تعطيها لقب الحسنآء ؟

الجنرال - معناها إنسان شامل بمنحو للوطن والغربه لإنه كبير فالعمر ويمكن اكبر واحد فينا، اكيد مارر بتجارب بحياته وعندو معلومات عامه وعندو خبره بالحياة وبمنحو كمان لحبيب العمر بغض النظر بإنو بضحك كتير إلا إنو حاسيتو جدع فالواقع، بمنحو لقصي والسماء تحبني وصمت اللقاء برضو اربعتون هذول مش صغار بالعمر .. وطبعا هذا بقولش إنه الشمل والفهم موجود عند الكبار وبس، اكيد لأ، لهيك كماني المزاج وصمت المشاعر وخالد عليان بعطيون هاللقب ..
الحسناء - معناها صبيه حلوي بمنحو لشام ولونلي وننوش وملك روحي وغجريه وغرور وخواطر الصمت ونبض وانفاس طاهره وانثى الياسمين والبريئه وريما غزه وحنين الروح والملاك البرئ وعبير الياسمين ..

11- عضو تحكيلو أسرارك دون م تخاف يبوح فيهآ ؟

كماني المزاج ..

12- عضو كنت تحترمو ونزل من نظرك ؟

كل اللي عرفتون بعدن زي مهني حلوين ومحترمين ولا مره تغيروا الحمد لله وان شاء الله بضلوا هيك، بس اللي بعرفون مزوقين وخلوقين يعني مظنش إنون رح يتغيروا ..

13- آهدي عضو غنيةة ؟

جميع اغاني سلطان العرب جورج وسوف - للجميع

14- عضو آساء إلك وم فيك تنسى الآساءةة ؟

مصرش معي متل هيك مواقف والحمد لله، قلبي ابيض ومستحيل احقد والحمد لله، وحتى لو رح يصير متل هيك موقف شي يوم سيعتا في الله هو بحاسب مش انا، انا اللي علي بعملو وقتها مش اكتر ..

15- احكي عن

هل كآن حبآ - كتير محترم بس متشدد او خليني اقول متمسك بالاشياء اللي هو بآمن فيها وحتى بآرائه، حلو الاشي لإنه نابع من ثقه كبيره بالنفس، معظم اوقاته جدي، حلوي الجديه بس يا دوب اشوفه عم بضحك، بعرفش ليه، مع إني حاسيتو فالواقع مختلف عن هون، حاسيتو بشوش عنجد، مش مطلوب يكون ع طبيعته 100% او يكون حنكو رخو بس من جديتو الصارمه بصير الواحد يفكر الف مره كيف يبلش معه، عني كمثال؟ إذا كان بدي اشي من الاداره رح افكر اطلب من امير القلوب اول شخص، بعدين بفكر بمؤمن وبعدين هل كان حبا من قد مهو جدي وصارم بس محترم واحلى اشي فيه إنو "بنضحكش عليه" بعرفش قديش عمرو بس حاسيتو قبضاي، وبحسو بحبش العوج وبحب زوقه فالغناني القديمه وبحب اقرا آرائه ببعض المواضيع ..

مؤمن - محترم وبسيط ومتواضع، مقدرتش اعرف عنه من مشاركاته، يمكن لإنه مشاركاته مش دايما انا بشوفها او يمكن لإنه انا اللي خفت فوتاتي عالمنتدى وقلّت مشاركاتي ما بعرف، بس بحسه بشوش بيحب البساطه والمزحات يعني قلبه طيب، ولاحظت شغله حلوه فيه إنو وفي، واحلى اشي فيه انو بحب الكولا، وبحسو بهتم للأخبار كتير وللسياسه وتقريبا اكتر شخص ..

وبنساش اهم نقطه انو لولاهون هالتنين "هل كان حبا ومؤمن" كان إسا مفش اشي اسمه منتدى بنات فلسطين، كان كل واحد فيكوا بكون قاعد مع صحابو او نايم او قاعد مع اهلو او ملتهي فالبلفون او فايت فيس،
يعني عنجد الفضل بيرجع إلون اولا، بعدين بيرجع لأمير القلوب تانيا، فكل الاحترام الكو ويعطيكوا الف عافي والله يوفقكو ..

البريئةة - مميزه لإنها إم مع إنه في كم بنت هون متزوجات بس هي اكتر اشي مبين عليها الامومه، وحسيتها بتحبش تاخد وتعطي مع اي حدا إلا مع الناس اللي بشبهوها من ناحية افكار واطباع، وبحسها واعيه عكل اشي وبتعرف كل اشي، وبحسها احيانا بتعاني من حياتها واحيانا بشوفا مبسوطه ابصر، يعني متناقضه نوعا ما، الله يسعدها ويخليلها ابنها امير ..

آلصيآد ما بعرفه شخصيا بس بحبه وبحترمه وشخصيته مميزه ووجوده حلو مع إنه غامض وهادي بس هيك احلى يمكن وحتى افضل واحسن، وبحسه راقي من آرائه ووجهات نظرو اللي دايما بقراهون مع إنوو قليل ما يطلعلو حس فالمنتدى، ودايما بتابع مشاركاته وبنبسط بشوفته اولا وين، الله يوفقه فحياته ..

غجريةة - بنوته روحها حلوه وقلبها طيب بس حساسه كتير، يعني اللي بدو يحكي معها لازم يفكر قبل ما يحكي او ع الاقل يفهم طبعها لإنها حساسه واللي رح يتعرف عليها رح يحس قديش قلبا ابيض وانو بتستاهلش إنها تزعل، بعزها كتير ودايما بعاملها متل بنت اختي لإنها نفس جيلون، الله يسعدها ويديم البسمه ع قلبها ويوفقها فدراستها ..