|
للمرة الثالثة شاب من غزة يتناول سم فئران إحتجاجاً على مصادرة البلدية محتويات من بسطته مصادر حقوقية لـ "صفد برس": تحويل الشاب (م.ق) ويبلغ من العمر (21 عاماً) إلى مستشفى الشفاء إثر تناوله سم فئران في محاولة للانتحار أمام مقر الهيئة الفلسطينية المستقلة لحقوق الانسان في مدينة غزة، احتجاجاً على مصادرة شرطة بلدية غزة "ميزان" وأشياء أخرى من بسطته في السوق. https://fbcdn-sphotos-b-a.akamaihd.n...5625c379b1894ehttps://fbcdn-sphotos-e-a.akamaihd.n...fe1ebbe65f5d6aغزة ما فيها حقوق إنسان حقوق الإنسان ماتت في غزة منذ عام 2007 لك الله |
حسبي الله ونعم الوكيل في الي وصلنا لهيك حال ربنا يلطف فينا ويسترها علينا الف عافية اخي ع النقل كل الاحترام |
لا اله الا الله والله خايف اعملها و ما تزبط معي واموت كلنا مضايقين لكن لنصل الى مرحلة الانتحار لا اصبر فالصبر ساعة |
حسبي الله ونعم الوكيل على كل ظالم في غزة حقوق الإنسان ماتت في غزة منذ حماس ما مسكت الحكم مشكور ع نقل بإنتظار جديد تحياتي |
اقتباس:
ربنا يحفظك كل الإحترام لك سررت بمشاركتك |
اقتباس:
لكن الرحمة حلوة برضو يا من تحكموت غزة ارحموا اهل غزة مشكور لمرورك تحياتي لك وربنا يلهمنا الصبر |
اقتباس:
مشكور لمرورك اخ نورت الصفحة |
مش غزة بس اللي مفيهاش حقوق انسان حقوق الانسان مبلوعة ومهضومة في الوطن العربي واكيد اليأس وصل لمنتهاه معاه شكرا |
استغفر الله العظيم ي رب يعني وين الحل لما اخد سم الفيران ؟؟! مو هيك بتنحل الامور الله يعين هالعالم بجد مشكور هل كان للنقل تحياتي |
هاد يلي توقعت انو يصير من وقت م الكل دعم الي انتحر اول مرة ب النسبة الي ناس متل هيك خسارة فيها الحياة بدكو تحكوا عن حقوق الانسان م تلوموا الحكومة لانو الحكومة مش حكومة ل بلد حر واله كيان احنا وطن محتل وبقعة جغرافية لا تتجاوز 365 كم وكل العالم حاطط ضدها وبحاول انو يدمرها ومع هيك لسه موجودة ان كل شي وكل مشكلة بدها تنحل ب انتحار ف كلنا نروح ننتحر ونخسر اخرتنا متل ما خسرنا الدنيا وشو انو ما حدا مسك الحكم وما غلط وما بحكي والله حماس ماشية صح الصح لا في الها اخطاء ومش كلها ملائكة بس سؤال واحد وين دور حكومة الوفاق !؟؟؟ وين دور العالم العربي بدعم غزة !؟ ولعلمكو حماس وفتح عاجبهم الوضع حماس استفردت ب غزة وفتح ب الضفة والله يكون بعونك ي شعب |
اقتباس:
نورتي أخت تحياتي لك |
اقتباس:
لما روتس الغلابة بعد اللي حصل له يتوظف في فندق الروتس ويحصل على راتب شهري محترم ولما الشب الغلبان هذا ياخذ جرعة قليلة يا دوب تنومه في المستشفى وفي نفس الوقت ربنا يقدر المقادير وما يموت هيلقى اللي يتعاطف معه ويحلوا له مشكلته أضعف الإيمان لو ما أحد أهتم فيه الحكومة هترجع له حاجاته اللي صادرتها مهو احنا هيك لازم المواطن يموت قدامهم حتى يحصل على حقوقه فلما أقولك بالنسبة له حل يبقى حل بس للأسف حل ممكن يفقده حياته نورتي |
الله يعين العالم على بلاويها لكن الانتحار مش حل يعني لو مات مين رح ينفعو المشكله ما في حدا سائل عنا لا في غزه ولا في الضفه كلهم متربعين عالكراسي والشعب منسي شكرا اخي للخبر الله يهونها يا رب |
حل ؟؟ برايك الحكومة سالت عنو او حتى من باب الفضول عرفت شو قضيتو ؟؟! عم نضحك ع حالنا وﻻ شو وبعدين عم تحكي هاي الحاله التالته ممكن نعرف شو صار بالحالتين التانيات ؟!! اكيد وﻻ شي يا عم عم يعيشو قانون الغاب وبدك تعيش ﻻزم تكون ئدها مو تضعف وتاكل سم فيران يمكن الوضع صعب ومو متحمل بس هو وعيلتو الحلقة الاضعف بهيك حاله وما تتوهم انو ممكن حدا يتعاطف معو الا انا وانت والناس الي متلنا بعتذر للمداخله التانيه |
اقتباس:
ما أحد دعم اللي انتحر ما في أحد طالب كل واحد الحكومة صادرت مصدر رزقه أنه يروح يشرب سم وينتحر الناس تعاطفت بس وما بتقدري تلومي أحد لأنه تعاطف معه احنا بشر مزروعة فينا الإنسانية واللي صار ظلم وشئ طبيعي أننا نوقف مع المظلوم أياً كانت طريقة تظلمه هذا الفرق بين التعاطف والدعم وهذا رقم 1 رقم 2 وهل علشان احنا مش حكومة لبلد حر والعالم كله حاط ضدنا نتجبر على الشعب ونسلبه حقوقه ومصادر رزقه ولا نوقف معه ونكون احنا وهو إيد وحدة حتى نقدر نتخطى المرحلة هذه هل علشان احنا حكومة محاصرة نمص في دم الشعب المحاصر ونخليه يلجأ للمر حتى يقدر يحصل على حقوقه هذا مش عذر للي بتعمله الحكومة في غزة مش عذر أبداً هل علشان كل العالم بيحاول يدمرها وهي صامدة تعيش على دمار الشعب يعني إذا العالم رافضها على حد قولك ترحل عشان شعبها يعيش أكيد الإنتحار مش حل وغلط كبير لكن الحل أن الشئ اللي بيدفع الناس للإنتحار من المرار وقلة الحيلة والظلم يزول هذا الحل حماس ما لها أخطاء حماس لها كوراث رجعت غزة فيها 50 سنة للورا ههههههههههه حكومة الوفاق لما حكومة غزة تترك الحكم في غزة لحكومة الوفاق تحل مشاكل غزة ساعتها ههاجم حكومة الوفاق وأجاوب على سؤالك وين حكومة الوفاق العالم العربي هيدعم غزة لما يكون الحكم في غزة شرعي ووفق الدستور في الحالة هذه العالم العربي هيدعم غزة أتفق معك في النقطة الأخيرة الكل إستفرض بقطر من فلسطين وعاجبه حكمه وعاجبه الوضع نورتي يا نبض |
اقتباس:
لكن شو اللي رماك على المر نورت حبيب العمر لا عدمت حضورك |
اقتباس:
وصار ياخذ راتب محترم لا الحكومة هترجع له أشيائه اللي صادرتها حتى تحفظ ماء وجهها الحكومة ما هتوظفه وهو ما بده يتوظف اصلاً هو بده يرجع مصدر رزقه اللي صادرته الحكومة ههههه انت قلتي بنفسك قانون الغاب وقانون الغاب القوي ياكل الضعيف والراجل الغلبان هذا اللي بيجري على رزقه من وين بده يجيب القوة للأسف الأقوى منه خلاه يلجأ لهذه الطريقة حتى ياخذ حقوقه ويعيش معادلة صعب للحياة لكن ما باليد حيلة انا وانت تعاطفنا وفي ناس تعاطفوا قدروا يدعموه زي إدرة فندق الروتس اللي وظفوا الشب اللي قبله نورتي للمرة الثانية |
ان بدك تحكم الشرعيةة والشرع والدستور فحماس معها كل الحق ليش لما فازت ب الاغلبية وب انتخابات رسمية م قبل حدا فيها !؟ شي تاني ل علمك انا واهلي تعرضنا ل ظلم كبير من قبل حماس واخدوا منا شي 84 الف دينار وبسببهم اخي يلي بدرس طب بمصر وبعد م خلص سنة من دراسته رجع لكن م حكمت ع فصيل كامل بسبب اخطاء عنصر او عناصر منه هاد اولا تانيا م حدا من اهلي فكر ينتحر ل ياخد تعاطف حدا مع انو وضعنا تغير الف ب المية بعد يلي صار بس وكلنا امرنا ل ربنا وهياتها ماشية الحمد لله وما احتجنا حدا ، وانا ما حللت ل حماس مشان الحصار تضيق ع الشعب ب العكس لازم تفرجها وتهونها ع اهلها وشعبها بس كمان لازم حدا يدعمها ل تدعم ، راح تحكي بيجي دعم كتير وانا معك بس الدعم يلي بيجي كله رايح ل المقاومة وبنظري المقاومة تستحق مع العلم انو ناهض البطش الله يرحمه من كبار القسام ويلي صارت المجزرةة لاغتياله كان ياخد من رواتب القسام ويوزع ع الناس يعني مش كل حماس عاطلة وما بتحس بس كمان الكرسي بيعمي القلب وبيولد طمع ل النفس م بحكي غير ربي يصلح حالنا ب غزة وشكرا ل الك احمد ، " |
اقتباس:
العفو نبض نورتي من جديد |
أستغفر الله العظيم .. الحين من جد هذآ حآول ينتحر ؟! لو أيش يكون مآرآح أفكر كذآ الله يعينه بس ويهديه مهمآ يكون يخل أيمآنه بآلله كبير وغزة الله معآهآ والله حآميهآ ورآح ينتقم لعآديهآ .. وأعدآء الأسلآم .. تسلم أخي أحمد ع النقل تحيآتي .. |
ربنا يفرجها علي قطاع غزة قال عمر رضي الله عنه : لو عثرت دابة في العراق لسألني الله عنها : لِمَ لم تصلح لها الطريق يا عمر؟ مو محتاجين حدا من العرب الحل من عند حكامنا اللي بايدهم الحكم بغزة رفقا بنا أحنا مو ناقصنا مخالفات يعطيك العافية أحمد علي النقل |
شبهت هالموقف مع الاسرى اللي مضربين عن الطعام الاسير بيرهن روحوو للموت و بتعذب باليوم الف مرةة و بيحمل امراض كتير حتى يحصل على بعض حقوقو و هالشباب اللي بحاولوو الانتحار نفس الشي بيتخلوو عن اغلى شيء بيملكوه '''''' ارواحهم حتى يحصلو على بعض حقوقهم و لفت نظري بردودكم انوو ازا بقي عايش هالشب الحكومة رح ترجعلوو شغلاتوو اللي صادروهاآ يعني عادين الشغلة عادي حسبي الله و نعم الوكيل هاد اللي بنقدر نحكيه و يسلموو لإلك على الخبر |
لا حول ولا قوة الا بالله الحال سيىء على الكل واساسا ما في حاجة اسمها حقوق انسان لو في حقوق انسان لكان حالنا احسن من هيك شكرا اخي على النقل |
لا حول ولا قوة إلا بالله والله التعب واليأس مبين بوجهه للمسكين ربي يكون بعونه وبعون الشعب الغزاوي وكل المسلمين القوي صار يأكل الضعيف والضعيف نهايته ييأس ويحاول الانتحار والله شئ مستفز يا جماعة إيش بأيدينا نحن نساوي لنخرج من هالدوارة الي تدور فينا والله مش عارفة إيش أحكي وأقول حسبنا الله ونعم الوكيل بس .. صحيح عملته ما بأيده فيها بس مبين أنه ندمان ربي يكون بعونه يسلموا هل كان حباً ع الإدراج 🌹 |
ازا في حقوق للحيوان بكون في حقوق للانسان ماتت كل الحقوق حسبنا الله ع البلدية |
| الساعة الآن 09:40 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.