أكتب لمن اجله وعليه الاجابة ..♥

يا ذا القلم اكتب على كيف مـا أريـد


اكـتـب لـمــن اجـلــه وعـلـيـه الاجـابــة


اكـتــب انـــا صـبــري تـزايــد ولا يـفـيــد


عـــز الله ان الـقـلـب كـثــرت صــوابــه


النـاس فرحـه وكـل يـوم ً لهـا عـيـد


وانـا حزيـن وحزنـي مـا أحـدً درى بـه


اخـشـى مــن الـعـذال واهــل المنـاقـيـد


اصبـر علـى همومـي واقـول الدعابـه


الـحــب نـــارً بالـحـشـى اوقـــد تـواقـيـد


وهـــذا ســـواة الـحــب كـــلً كـــوى بـــه


الـلــي كــوانــي جــــدد الــكــي تـجـديــد


ليت الذي هـو صابنـي اليـوم صابـه


اللـي سـمـع فيـنـي هــروج الحواسـيـد


وانا اللي من هرج الحواسيـد مـا أبـه


ان مت من فعل الهوى يا بني عبيد


قـومـوا احـفـرو قـبـري وشـيـلـوا تـرابــه


وكتـبـوا عـلـى قـبـري قـتـيـل الاجـاويــد


لا مــر مـــن قـبــري يـشــوف الكـتـابـه