| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
مخنوق وتعبان !
مخنوق وتعبان ! - من حال الناس الماشية بالشارع بتكلم في حالها ! , مش عارفة شو اللي عمّاله بجرالها ! -تعبان لاني صرّخت بوجه طفل صغير , عيونه زرقا
| | LinkBack | أدوات الموضوع | انواع عرض الموضوع |
|
#1
08-10-2015
| |||||||||||
| |||||||||||
مخنوق وتعبان ! مخنوق وتعبان ! - من حال الناس الماشية بالشارع بتكلم في حالها ! , مش عارفة شو اللي عمّاله بجرالها ! -تعبان لاني صرّخت بوجه طفل صغير , عيونه زرقا , شعره اصفر كان بيلح عليّ أشتري منه بكيت محارم , بس مش بخاطري , كنت مخنوق والله، كنت مقهور عليه! ,تداركت نفسي ورجعت بوسته ,ودمعت ! -تعبان من الشب اللي بيجيك على جنب بيهمس بأذنك : بالله تعطيني أجار الطريق لو معاك، لانه فلوسي وقعوا مني،وهو ما وقع منه شي , بس مش عارف يحكيلك والله ما معي آكل ، لسا في شوية كرامة منعاه من هالكلمة! -تعبان من السوّاق اللي عمره فوق 60 سنة وبيشتغل طول اليوم على السيارة وبيمسح عرقه بالمنشفة ويمكن مش عرق يمكن دموع، وركبته بتوجعه، تعبان على عمره وصحته، تعبان لانه كبير السن هاد لو ما اشتغل كل يوم بيوم راح يموت من الجوع! -تعبان من الصاحب اللي بينام للمغرب، لانو فقد الأمل في الحياة، وبيقلك الانتحار حرام، فبينتحر وبيقتل وقته بطريقة حلال ! -تعبان من حالي اللي مش قادر أتأقلم مع أي حاجة ، أنا اللي كنت بخلي الحجر يضحك، بس هالوقت مش قادر أضحك لرضيعة حلوة كانت بتلوح بايدها وهي على كتف أمها في السيارة ! -تعبان من معاملتكم لأهل غزة وكرامتهم المسفوحة في المطارات والمعابر، ومعايرتكم لهم بسولاركم وكازكم، ودولاراتكم ووقوفكم لجانبنا زمان ؟! -تعبان من منظر الشب اللي لما حد يحكيلوا ليش ما تتجوز، بيبتسم هديك الابتسامة اللي بتقطع القلب وبيقول إن شاء الله قريب، وهو معوش حق بكيت علكة ! تعبان من منظر البنت إللي بتكلف حالها في الزينة واللبس، والكلام، حتى تلفت نظر أم شب ، لأنه المجتمع وأهلها زهقوا منها وبيقولوا لها كبرتي صرتي "عانس" - تعبان لأني خليتكم تقرأوا هالكلام , وطبيعي تحزنوا شوي , وتنسونا بعد ثوانِ .. المصدر: منتديات بنات فلسطين - من قسم: ะ» فِلِسطِيـטּ وآلقَضِيـةٌ |▪●™ lok,r ,jufhk !  |
العرض الشجري
| |
الساعة الآن 05:45 PM
