بيتزا بالدجاج ..طريقة تحضير بيتزا الدجاج

فورص(انا كنديرعيني ميزاني)متلا رابعة
كاس صغير سميدة رقيقة
م ك خميرة الدار
ملح+ابزار
شوية زعتر+شوية ثوم محكوك
نص كاس زيت بلدية
الحليب دافي تقريبا كاس كبير
الما دافي
الحشو:
صوص طوماط(انا كنستعمل جاهز)+بصل مقطعة شرائح طوال+فلفلة خضرا كذلك+دجاج معطر بابزار شوووية تحميرة وثوم+فرماج محكوك
الطريقة:
نخلطو جميع مقادير العجينة ونجمعوها بالحليب دافي ونكملو بالما حتى تكون عندنا عجينة رطبة ونغطيوها ونخليوها تخمر.
ملي تخمر نسرحوها بالمدلك ونرشو بالمكان بالسميدة ندهنو الطاوة اللي نديروها فيها بزبدة ونرشوها بسميدة ونسرحو صوص طوماط فوق لاباط والفرماج محكوك(باش ميجيش محروق مع ذلك انا كنبغيه محمر)ثم نستفو قطع الدجاج من بعد البصلة ثم الفلفلة والربيع حسب الرغبة ونحكو فوقها الزعيترة وندخلوها تطيب