احكيلنا عن ايام الحرب
 

السلام عليكم


العنوان واضح
احكيلنا شو صار معك بأيام الحرب علي غزة


مواقف مرت عليك وبقيت بذاكرتك

بأيام الحرب

اعلن الجيش بدء العلميه البريه علي غزة

جلست علي اللاسلكي استمع للاخبار من مركزيات المقاومه والكل يرصد ويقول الي الان لم تتم دخول اي دبابه الي ارض غزة
والجميع ينتظر دخول اول دبابه لضربها

ظننت ان الامر مجرد حرب نفسيه ولن يدخلو الي غزة بري
ومرت ساعات والمدفعيه تضرب بلا هواده ولا توقف

تم التشويش علي اجهزه للاسلكي

حينها ايقنت ان الحرب البريه قد بدئت

مساحة رؤؤعه مؤمن

ممكن بتوجع شوي وخصوصا للي عاشوها


للاسف تجربتي مع حرب غزة فقط من خلال شاشات التلفزة و بعض المناوشات على عطارة وسردا برام الله




تنزكر وما تنعاد


متابعه اكيد


عوافي لئلبك مؤؤمن

تكون جالس علي جنب الطريق
تمر عليك امراه واطفالها الثلاثه


بعد دقايق اصبحو اشلاء

لا اله الا الله

الاروع تواجدك
نورتي الموضوع يا غاليه

مساحة رائعه اخ مؤمن

في يوم الحرب كنت جالس في البيت وقام العدو بقصف منزل يبعد عني 100 متر

لكن الحمد الله لم يسقط اي شهيد

في الحرب حدث معي موقفين ما بنساهم

الموقف الأول إضطريت أقضى الليل كله في الشارع تحت شجرة خوف من قصف طائرات الإستطلاع


وما تحركت إلا بعد الفجر هذا كان موقف صعب لأني أول مرة اقضى الليل كله في الشارع




الموقف الثاني


دخلت بيت مهدد بالقصف الساعة 5 الفجر على الطابق الثالث حتى اجيب شئ معين


وصراحة كان ممكن في أي لحظة البيت ينقصف بطائرات الــ إف 16 وانا موجود بداخله
لكن الحمد لله ماحصل الشئ هذا




مشكور مؤمن للإدراج
تحياتي لك

-----

تابعت كل شي على التلفزيون.بكل وقت


اكيد اللي ايدو بالمي مو متل اللي ايدي بالنار
كنت اتابع الاخبار لانو قطعة من روحي بغزة
كنت كل ما افتح عاسماء الشهداء-رحمة الله عليهم جميعا واسكنهم فسيح جناته-
كنت أخاف اقرا اسم عزيز على قلبي


كان وقتها رمضان ...ما كنت افطر .وقت الادان اروح اقعد بالعتمة
اناجي ربنا بكل وقت يرفع البلاء وجور الحرب عن أهلنا بغزة


كرهت حالي .كرهت كل الناس يللي ما عم تحرك ساكن
كرهت كل الناس اللي بقضوا يومهم بكشل عادي ولا كانو صاير شي بالدنيي


اصعب شي بالحياة تكون قطعة من روحك عايشة أجواء حرب
ضليت متابعة عن كثب قصص كتير لاسر اهل غزة بعد الحرب
وتغيرت حياتي بشكل جذري خلال هالفترة


اللي ماتوا ارتاحوا
الموت حق علينا
ويا نيال اللي اخترله ربنا الشهادة
اما معطوبين الحرب
يللي خسروا احلامهم وبيوتهم واسرهم وارواح بتعنيلهم الحياة
ما بملك تجاههم غير الدعاء
بانه ربي يصلح حالهم ..ويجبر كسرهم ويعوضهم خير .ويجازي صبرهم على كل شي
جنة عرضها السماوات والأرض -باذن الله-