المشاركة الأصلية كتبت بواسطة بحر المشاعر

زمان اول كانت ستي بتجمعنا حواليها

ايام الشتويه تدفينا بحضانها وتكعد تنكت علينا


وتقول النا امثال ايام زمان واهل اول


كنا نحب نكعد حاوطينها من كل جاه


وعنينا بعنيها وتكعد تحكيلنا حكاية محمد الشاطر اسمعوها معي




كان يا مكان في سالف العشر والزمان


كان في شب اسمو محمد الشاطر كان محمد بحب الناس كثر وبحب فعل الخير كثير يوم من الايام حب يعمل خير من اهل القريه
الي كانو بحبو كثير فكام يا ستي وجابلكم تنوك الزيت الملانه
الي صار يجيب جرتو والي ثار يجيب اواني تيعبي الزيت


والا اجتلكم هالعجوز المسكينه ومعها كشرة هالبيضه
كام حكالها ايش هاد يا حجه كالتو يا بني معيش الا هالكشره اعبي فيها زيت كام محمد مسكلكم هالكشره وكسرها كامت العجوز تعيط وتحكيلو ليش يمه معيش الا هي


فراح وجابلها جره كبيره ملانه زيت وطافح


كام هالعجوز تدعيلو الله ينصرك الله خليك لامك الله يرزكك انانانا


بحكيلها مين هاي انانانا بتقلو هاد يمه بتروح عبلاد العجاب


وهاي بتجي بعد سبع جبال وسبع بحور وبتلاقي شجرة لوز عند سابع بحر
بتقطف سبع حبات لوز وبتحطهن بالمي لحتى تطبع انانا


كام محمد على البيت بكول لمو يما رما تحكيلو امو ها يما بكلها حضريلي الزيد والزواده بتكلو ليش يما


كالها بدي جيب انانانا كلتلو بعيده يما ايش بدك فيها


كلها بدي اجيب المهم ركب هالحصان واخد الزيد والزواده


وطلع اول جبل ترك ترك ترك ترك ترك ترك
ومرق تاني جبل ترك ترك ترك ترك ترك ترك
وتالت جبل ترك ترك ترك ترك ترك ترك ترك
والرابع


والخامس تنو خلص سبع جبال


ووتخطى سبع بحور


وصل لشجرة الوز قطف سبع حبات اول جبه تحكياو اسكيني قبل لموت وبحطها وما بتطلع


وضلو يعمل هيييييك تنو وصل السابع حطها بالمي وتطلع انانانا
.
بدر مصور بكول للكمر ازح هيك كعدني مطرحك


حكالها استنيني عند الشجره اجيب اهلي وارجع




المهم محمد راح وهي تحت الشجره


ولى اجتلكم عبد السود هاي وحده سمرا سمرا ما بتحب انانانا


تجي تعبي مي من البحر وتطلع على البحر شافت وش قمر




وتقول ايه معكول هاي انا
لالا مش انا ايه هاي انا
وتطلع وراها وتقول هاذي انتيييي وتقوم تحول انانانا لحمامه وكعدت محلها لما اجى محمد واهلو بيحكولو هاي هي الي جايبنا منشانها وهو يقول يمكن من الشمس انحرقت كامو جابوها وانانانا ضل وراهم بطير


لما وصلو البيت عبد السود بتكول بدي طبيخ باميه


طلبو من الطباخ هسى الحمامه ضل تجي على الشباك وتقول لطباخ


يا طباخ يا طباخ كول لمحمد الشاطر تركت انانا ورحت للعبد السود


الطباخ انهبل ايه حمامه بتحكي وين صارت وترجع تقول يا طباخ يا طباخ كول لمحمد الشاطر تركت انانانا ورحت للعبد السود


وانحرقت الطبخه


.....


يتبع مع بنت الكوفيه ...