منتديات بنات فلسطين

منتديات بنات فلسطين (http://www.bntpal.com/vb/)
-   الـטּـِقآشآتُ الجَّآدة والـפـوَآر..! (http://www.bntpal.com/vb/f4/)
-   -   كيف بتحكم على بنت ، !؟ مشاركتي ب اجمل موضوع نقاشي ، " (http://www.bntpal.com/vb/t44713/)

رفيقة ٱلقمر 07-30-2015 03:09 PM

كيف بتحكم على بنت ، !؟ مشاركتي ب اجمل موضوع نقاشي ، "
 
كيف بتحكم على بنت !؟


كتير بنسمع حكي عن هاي البنت وهديك ، بتشوف مجموعة شباب قاعدين زهقانيين ببلشوا يحكوا عن بنت ليتسلوا !؟


احيانا بتكون البنت طالعة ما بتسلم من حكي الناس شوفوا شو لابسة شو حاطة ، الشاطر فيهم يلي بحكي اكتر وبطلع قصص اكتر ،


هما مفكرين هاي شطارة انك تحكي بعرض الناس وتمس شرفهم ، بفكروا بنات الناس لعبة عندهم نتسلى بالحكي عنهم لما نزهق !؟


احنا شاطرين نحكم بالمظهر مع انو احيانا بل غالبا الشكل والمظهر الخارجي ممكن يكون خدعة !؟




من هنا بتبدأ أسئلتي ،


برأيك ليه صار الحكي باعراض الناس امر عادي وسهل !؟


برأيك كيف فينا نوقف هاي الفئة عند حدها !؟


البنت لو كانت جرئية ودافعت عن حالها بتكون وقحة بنظر الاغلب ليش !؟ وشو نظرتك لهيك بنت !؟


الشكل الخارجي قصدي اللبس للبنت لاي مدي بتحكم بنظرتك لالها !؟


الاسلام وضع عقوبات لقذف المحصنات ، بس احنا اليوم بنستاهل فيها ، برأيك مش لازم يكون في رادع لهاي الناس ، وبنظرك عدم وجود رادع هو الي خلى الكل يحكي بسهولة !؟


لو حدا من اهلك من هاي النوعية كيف بتتصرف معه !؟


نصيحة منك لكل شب وبنت !؟

Smile Nnoush 07-30-2015 04:21 PM


برأيك ليه صار الحكي باعراض الناس امر عادي وسهل !؟

شآإن قلة دين و قلة تربيهه من الاهل يعني مآ تقنعيني
بنت مؤدبه و ولد مؤدب بعمل هيك شغللآت غبيهه !!

برأيك كيف فينا نوقف هاي الفئة عند حدها !؟

بـ القآإنون ؟ ')
يكون في الهم عقآإب ققوي شآإن يسيرو يخخآفو من هيك صفةة مؤزيةة !!
البنت لو كانت جرئية ودافعت عن حالها بتكون وقحة بنظر الاغلب ليش !؟ وشو نظرتك لهيك بنت !؟

آبدآإ بس بمآإ إنو عآيشين بمجتمع شرققي
لو تعرضت لـ معآإكسةة مو ضروري ككل العآإالم تعرف بطنش مره مرتين زآدت بخخبر آهلي أو الامن بـ الجآمعةة
مو خخوف إنو عآملة شي غلط بس خص بضل بنت ')
الشكل الخارجي قصدي اللبس للبنت لاي مدي
بتحكم بنظرتك لالها !؟

هآد حجج هبلهه أوكآ في منو بس واللهي المؤدب مؤدب ؟ ')
مخصو لـ اللبس و لآ غيرو مآ شآء الله شبآبنآ مو مقصرين المحجبه قبل يلي مو محجبةة
الاسلام وضع عقوبات لقذف المحصنات ، بس احنا اليوم بنستاهل فيها ، برأيك مش لازم يكون في رادع لهاي الناس ، وبنظرك عدم وجود رادع هو الي خلى الكل يحكي بسهولة !؟

أهه آكيد هآد السبب ؟
متلن عنآ منعو عقوبة الاعدآم زآدت نسبة القتل عنآ بشكل مو طبيبعي
بس اعترضنآ كـ شعب إنو يرجع القآإنون و رجعو روحي إقرأي آدي النسبةة قلت ؟ ')
شآإن بس رجعو الإعدآم

لهيك لآزم يككون في قآنو قوي ضد هيك نآإس ')

لو حدا من اهلك من هاي النوعية كيف بتتصرف معه !؟

مو رح أفرض شآإن الحمد لله بآبآ ربآني آحسسن تربيه ')
ولو ككآإن عندي آخ هيك بستآإهل يجبني حدن يعمل فيني هيك

نصيحة منك لكل شب وبنت !؟
خخآفو الله ئيه !!
حرآم تحرقو قلب إمكم وأبوكم يلي تعبو و ربوككم ')

يسلمو عسولةة حبيت الموضوع ')
ورده

البريئة ! 07-30-2015 05:20 PM




برأيك ليه صار الحكي باعراض الناس امر عادي وسهل !؟
قلة دين
الفرآغ العآطفي
و البطآلة



برأيك كيف فينا نوقف هاي الفئة عند حدها !؟
بالتقرب الى الله
و معرفة عوآقب هالشغلة



البنت لو كانت جرئية ودافعت عن حالها بتكون وقحة بنظر الاغلب ليش !؟
هلأ الشب بيعمل هيك عشآن البنت ترد عليه
لو البنت سكتت رح تنتهي القصة
لكن لو ردت عليه رح تكبر الشغلة
و دخيلك مجتمعناآ ذكوري دآيماً الحق مع الشب



وشو نظرتك لهيك بنت !؟
نظرتي الهاآ بتتكون بعد لأعرف ايش لآبسة
لأنوو هآي اهم نقطة




الشكل الخارجي قصدي اللبس للبنت لاي مدي بتحكم بنظرتك لالها !؟
حسب اللبس محتشم او فآضح


الاسلام وضع عقوبات لقذف المحصنات ، بس احنا اليوم بنستاهل فيها ، برأيك مش لازم يكون في رادع لهاي الناس ، وبنظرك عدم وجود رادع هو الي خلى الكل يحكي بسهولة !؟
في هالزمن قليل ليمشو على الشرع
و ممكن يكون سبب للحكي بأعرآض الناس



لو حدا من اهلك من هاي النوعية كيف بتتصرف معه !؟
بذكرو بحآلي اني عآيشة
و الزمن دوآرةة



نصيحة منك لكل شب وبنت !؟
الشب .. تذكر انو في عندك اخوآت

البنت .. تذكري انوو في نآر جهنم





نقآش جميل
كل التحية .~

غاردينيا 07-30-2015 07:16 PM

برأيك ليه صار الحكي باعراض الناس امر عادي وسهل !؟
لابتعاد الناس عن الدين الاسلامي
لو كل حدا بفكر بخطر الغيبة كان ما حدا جاب سيرة انسان بالسوء
بس بتعرفي
الحمد لله ما في حق بني ادم بضيع عند رب العباد
لهيك اخر همي...وحلال علي حسناتهم

برأيك كيف فينا نوقف هاي الفئة عند حدها !؟
ابدا ما فينا
انتي ما بتحكي عن شخص او اتنين او حتى مية
انتي بتحكي عن فئة كبيرة من المجتمع

البنت لو كانت جرئية ودافعت عن حالها بتكون وقحة بنظر الاغلب ليش !؟
وشو نظرتك لهيك بنت !؟
بصراحة انا مستحيل ارد اذا اتعرضت للاساءة بالقول
ما بنزل نفسي لمستواه ...
بس ابدا ما بشوف رد البنت نوع من الوقاحة

الشكل الخارجي قصدي اللبس للبنت لاي مدي بتحكم بنظرتك لالها !
هلا مش اني بحكم على بنت...وبصراحة يعني مش امر بنتبه اله
اوقات بتمتم بالهداية الي ولجميع البنات
وكل انسانة هي اللي رح تتحاسب على اعمالها
يعني مش انا

الاسلام وضع عقوبات لقذف المحصنات ، بس احنا اليوم بنستاهل فيها ،
برأيك مش لازم يكون في رادع لهاي الناس ، وبنظرك عدم وجود رادع هو الي خلى الكل يحكي بسهولة !؟
اكيد
كلام صحيح مليون بالمية
ممكن يكون فرض العقوبات من افضل الحلول لهالظاهرة

لو حدا من اهلك من هاي النوعية كيف بتتصرف معه !؟
ما بسكتله ابدا...وبصرخ عليه
بحاول احيانا ابينله انو هالبنت وراها اهل ومو كل البنات برضوا بهالشي...
بتمنى احيانا يجيهم علقة هيك كرمال يحسوا ببشاعة الشي اللي بيعملوه

نصيحة منك لكل شب وبنت !؟
انو كل حد يطلع عحاله بالمراي
يشوف اديش هو معجون بالاخطاء
واديش هو بشع ومكروه لما يستغيب اي انسان
ويخوض باعراض الناس

موضوع قيم حبيبتي نبض
والله يهدي جميع الناس...لأانو هالظاهرة مو مقتصرة على فئة معينة من الناس
بتلاقي الولد والشب وحتى الكبير بالسن...المراة والختيارة والبنت
كلو بيحكي عكلو وبستغيب كلو
يا ريت الانسان اللي ما برضى شغلة عحاله واهله ما يرضاها على غيره

بنات فلسطين 07-30-2015 07:20 PM

موضوعك مهم وجميل

اكيد لي عوده للاجابه


كل الشكر الك نبض

بنات فلسطين 07-30-2015 09:12 PM

برأيك ليه صار الحكي باعراض الناس امر عادي وسهل !؟
قله دين بالدرجه الاولي وقله تربيه

برأيك كيف فينا نوقف هاي الفئة عند حدها !؟
بصراحه هالامر منتشر بشكل كبير
مابعرف الحل
لكن اتمني يكون في


البنت لو كانت جرئية ودافعت عن حالها بتكون وقحة بنظر الاغلب ليش !؟ وشو نظرتك لهيك بنت !؟

فيها تخبر اهلها بيتصرفو معو هيك الافضل



الشكل الخارجي قصدي اللبس للبنت لاي مدي بتحكم بنظرتك لالها !؟
سابقاً ممكن كنت انظر لشكل
لكن لفيت وشفت
ماصرت احكم بالمظهر بس
مثال
عند جامعه الازهر
شب بعاكس بنت لابسه بنطلون وبلوزه
مسحت فيه الارض وبهدلته
مثال ثاني
بنت عند مدرسة عنا لابسه حجاب وجلباب
شب بعاكس فيها وهي بتضحك
الواحد مايحكم بالمظهر


الاسلام وضع عقوبات لقذف المحصنات ، بس احنا اليوم بنستاهل فيها ، برأيك مش لازم يكون في رادع لهاي الناس ، وبنظرك عدم وجود رادع هو الي خلى الكل يحكي بسهولة !؟
مافي رادع للاسف
ولا في متابعه حكوميه جاده لهيك امر خاصه عند المدارس



لو حدا من اهلك من هاي النوعية كيف بتتصرف معه !؟
الحمدالله مافي
ولا بعمري اصلا فكرت عاكس بنت
ليش
لانو بنظر لنظره البنت الي
لو عاكستها راح تعتبرني انسان واطي وبلا اخلاق
بالرغم انها ما بتعرفي وامر عابر هيكون
كنت اشوف صحابي بعاكسو عند المدرسه بس بظل ساكت وبحاول اصد بس
ردهم بكون احنا حرين بدنا نضحك وننكش راس وهيك امور مراهقه


نصيحة منك لكل شب وبنت !؟

لشب
كما تدين تدان

للبنت ربنا يسترك
ويخفظك
واي شب يعاكسك لا تفرحي بهيك امر ابدا

ملك روحي 07-30-2015 09:15 PM

بدايه سعيدة بمشاركتك بالمسابقه وخاصة لطرحك موضوع كتير بستفزني بصراحة


برأيك ليه صار الحكي باعراض الناس امر عادي وسهل !؟
بسبب الفراغ الي عايشينو العالم ككل سواء البنات او الشباب كمان ئلت مخافة الله بئلوبهم _ استغفر الله العظيم - كمان البطاله والفقر ولبس البنات البشع الي بلبسوه باﻻاماكن العامة والتربايه وشو اعدلك لاعدلك






برأيك كيف فينا نوقف هاي الفئة عند حدها !؟
برايي كل واحد لو اخد لفة ع حالو ئبل ليحكي ع العالم ويحاسب نفسو كان ما حكى ع العالم
ما فينا نعمل شي ازا ما كان التغيير من جواتهم
ان الله ﻻ يغير ما بقوم حتى يغيرو ما بانفسهم






البنت لو كانت جرئية ودافعت عن حالها بتكون وقحة بنظر الاغلب ليش !؟ وشو نظرتك لهيك بنت !؟
ليش وقحة ؟! طبعا ﻻء مو وقحة وتستاهل كل الاحترام
لو كل بنت سكتت عن حءها بحجة المجتمع وحكي الناس سدئيني النتيجة راح تكون عكسيه ع البنت ئبل اي حدا
من رايي الوقاحة هي التعرض للبنت نفسها والدفاع عن النفس حق مشروع






الشكل الخارجي قصدي اللبس للبنت لاي مدي بتحكم بنظرتك لالها !؟
حسب اللبس


احكيلك شي كتير بنات محجبات والله اعلم بنفسبتهم من جوة
وبنات كتار مو محجبات ممكن يكونو بنات كتير مناح لما تعاشريهم
بس في لبس بتتعجبي منو متلا بنت محجبه وﻻبسه عبايه مغتوحة وتحتها فيزون !! او منزله غرة من تحت الحجاب !!!


وممكن بنات لابسات جينزات ديءه وبلايز عريانه وصدرها باين اكيد هاي راح تعطي انطباع بشع طبيعي يعني






الاسلام وضع عقوبات لقذف المحصنات ، بس احنا اليوم بنستاهل فيها ، برأيك مش لازم يكون في رادع لهاي الناس ، وبنظرك عدم وجود رادع هو الي خلى الكل يحكي بسهولة !؟
هو لو دورنا بالقانون يمكن نلائي رادع
بس لو بنت حدا ﻻ سمح الله اتهمها بشرفها بتفكري بتئدر سواء هي او اهلها يواجهو هالتهمة ؟؟!!
البنت باي تهمة هي مذنبه وكتير بنات راحو ضحايا جرائم الشرف وتطلع البنت نضيفة بالاخر





لو حدا من اهلك من هاي النوعية كيف بتتصرف معه !؟
اعوز بالله الحمدلله وﻻ حدا من اهلي من هالنوعيه وﻻ ممكن اتخيل حدا يعمل هيك





نصيحة منك لك لكل شب وبنت


للكل ومو بس للشباب والبنات اتقو الله وبس !!






رؤؤعه نبض


يعطيكي العافيه

lonely heart 07-30-2015 09:55 PM



برأيك ليه صار الحكي باعراض الناس امر عادي وسهل !؟
بسبب قلة الاخلاق والبعد عن الدين والتربيه الغلط واوقات الفراغ الكبيره يلي عم بعيشها البعض

برأيك كيف فينا نوقف هاي الفئة عند حدها !؟
ما فينا نوقفها لانه ما في قانون بعاقب على هيك شي
لكن ممكن ننصحهم ونوجههم ويتقربوا هم من ربنا ويحاسبوا حالهم يعني لازم التغيير يكون نابع من جواتهم



البنت لو كانت جرئية ودافعت عن حالها بتكون وقحة بنظر الاغلب ليش !؟ وشو نظرتك لهيك بنت !؟
ما بعتبرها بنت وقحه
بس انا لو كنت مكانها ما برد عليهم
وهادا مو معناته اني انسانه ضعيفه على العكس انا بامكاني ارد عليهم
لكن ما بنزل لهيك مستوى وما بعطيهم فرصة لحتى يتمادوا ولو زادوها اكيد بكون في الي تصرف تاني وبكون لاهلي دور فيه


الشكل الخارجي قصدي اللبس للبنت لاي مدي بتحكم بنظرتك لالها !؟
حسب شو هي لابسه
يعني ممكن تكون مش محجبه وفارضه احترامها وفي محجبه وجايبه الكلام لحالها
وفي الغير محجبه وملابسها فاضحه وهاي الله يعافينا منها



الاسلام وضع عقوبات لقذف المحصنات ، بس احنا اليوم بنستاهل فيها ، برأيك مش لازم يكون في رادع لهاي الناس ، وبنظرك عدم وجود رادع هو الي خلى الكل يحكي بسهولة !؟
يا ريت لو في رادع لهيك نوعيه من الناس ويكون في عقاب الهم ما كنا شفنا امثالهم في مجتمعنا وقلت هالظاهره


لو حدا من اهلك من هاي النوعية كيف بتتصرف معه !؟
الحمد لله ما في هيك نوعيه
لكن لو في ما بسكتله على هادا الشي
وبحكيله كما تدين تدان عندك خوات رح يدور الزمان ويصير فيهم متل انت بتعمل ببنات الناس



نصيحة منك لكل شب وبنت !؟
للشاب اتذكر انه كما تدين تدان وحط دايما مخافة ربنا قدامك قبل ما تقول او تعمل اي شي
للبنت اتذكري انه في عقاب من ربنا على كل شي بتعمليه او بتقوليه


موضوع حلو
شكرا لالك نبض
بتمنالك التوفيق بالمسابقه

๓คภยєllค 08-01-2015 11:19 AM



برأيك ليه صار الحكي باعراض الناس امر عادي وسهل !؟

فضآوة وئلة وعي وئلة فهم
برأيك كيف فينا نوقف هاي الفئة عند حدها !؟

كل حدن يتزكر إنه عنده عرض وخسكار يخاف عليو
البنت لو كانت جرئية ودافعت عن حالها بتكون وقحة بنظر الاغلب ليش !؟ وشو نظرتك لهيك بنت !؟

مو وقحة بنوب يعني يلي بتدآفع عن حالا بتحطلون حد ميشان م يتمآدوا معا لو فضلت سآكتة ع الشي يلي بيسير وحئا تدافع عن حالا وتسكتون بطريئتا
الشكل الخارجي قصدي اللبس للبنت لاي مدي بتحكم بنظرتك لالها !؟

مو كل شي مظآهر يعني م بحكم ع البنت من مظهرا يعني النوآيا خفايا ويلي بالئلب وبالروح م حدن بيعرفوا غير الله وم بينعكس بنوب
الاسلام وضع عقوبات لقذف المحصنات ، بس احنا اليوم بنستاهل فيها ، برأيك مش لازم يكون في رادع لهاي الناس ، وبنظرك عدم وجود رادع هو الي خلى الكل يحكي بسهولة !؟

رادع لأي بنت ئصدك يلي بيقذفوا هاي المحصنة او شو ع العموم كيف كان سؤالك الله يلي بيحاسب نحنا م فينا نوصلون عقابون ع اكمل وش متل م بيستحئوا
لو حدا من اهلك من هاي النوعية كيف بتتصرف معه !؟

بوعيون وبحكيلون انو ليكني انا هون ومتل م بتئبلوا حدن يجيب معدلي بكلمة حبو وإرضو لبنات الخليئ
نصيحة منك لكل شب وبنت !؟
لكل شب
اتزكر انو الدني بتدور يعني بتلائي متل م حكيت ومتل م عملت ببنت من بنات الناس يعني رح يلفلك الضرر لو م كان لإختك رح يكون لبنتك لو بعد 100 سنة

ولكل بنت \
حآولي انو م إتأمني بسهولة وم تتعلئي بسهولة وم توثقي بسهولة وخدي حئي بإيدك وم تسمحي لحدن يدوسلك ع طرف هيكي رح تعيشي بهالزمن

يلا تشاو

وشي حلو استمتعت انا

كل ودي

سمــره 08-01-2015 07:56 PM

موضوعك طويل لإنه حكيتي عن اكتر من شغله،
بالنسبه "للحكي عن اعراض الناس"، صار الحكي فيهون سهل لإنه كترت وزادت المشاكل بهالزمن يللي بتخص الشرف هاي واحد،
تنين ايمتا الانسان بضل يحكي بهيك سيرة؟ لمن يكون صار معه موقف إلو علاقه بالشرف والعرض ان كان معه او مع حدا من عيلته وقرايبه،
تلاته مواضيع متل هيك كتير حساسه فإشي طبيعي بتجبر الواحد يحكي فيها مش لإنه نيته عاطله متل ما إحنا منفكر،
يعني إذا شفتيني عم بحكي بهالموضوع يمكن شفقاني ع هالبنت يللي صار معها مشكله، شفقاني ع اهلها مش بالضروره تفكروني عم بذم فيها او بأهلها،
متل ما سبق وذكرت مواضيع حساسه بقدرش الواحد يتجاهلها متل ما بقول هالمثل عنا بالشمال "الف إهانه بالدين ولا إهانه وحده بالعرض" !
وبالنسبه "للبنت اللي بتدافع عن حالها"، الناس بتفكرها وقحه لإنها الناس تعودت تشوف بنات ساكته لمن تتعرض للحركشه، فلما يشوفوا بنت عم اتدافع عن حالها،
الاشي يُعتبر شاذ لإنه شافوا اشي مختلف، شافوا اشي ولا مره شافوه من قبل مش متل ما دايما يشوفوه "بنات ساكته"، عشان هيك ببلشوا يحكوا عنها وقحه وهي بالاصل شخصيتها قويه،
بالنسبه "للشكل الخارجي" مش لازم نحكم ع الانسان من شكله لإنه الانسان "بقلبه وجوفه مش بشكله"، ياما ناس متدينه ونيتها عاطله من جوا،
احتك باللي قبالك خذ واعطي معه وبعدين احكم عليه !
نصيحتي لكل إنسان صفّي النيه، لإنه مطرح ما تكون النيه نظيفه مستحيل يصير معك مشاكل،
وما تنساش إنه "الزمن دوار" إذا بتفكر تأذي غيرك بالحكي او بالفعل ..



:137:


الساعة الآن 12:23 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.