مذكرات فتاة موجوعةة ، "

#1 07-28-2015

بكل يوم عم يوقع قناع يا امي ، عم تبان الي حقيقتهم البشعة ، وبصير احكي لحالي انا وين كان عقلي وقت صدقتهم وثقت فيهم ،
انا تعبانة كتير يا امي ، بنتك تغيرت كتير وكتير عملت شغلات غبية لتكسب ناس وبالاخر خسرتهم يا امي راحوا وتركوني يا امي لحالي ،
مش عارفة كيف بدي اوصف هالشعور انو يخذلك انسان هربت اله من كل الناس ، كيف بكسرك انسان اعطيته كل ثقتك ، كيف يا امي فيهم يستغلوا حبنا وبلحظة يتخلوا عنا ،
موجوعة كتير يا امي ووجعي حاسة راح يقتلني ، ما عم كذب انا حاسة اني راح موت موجوعة منهم يا امي ، اوعك تصدقي ضحكتي وقت تشوفيها هاي بس كذبة لحتى ما تسأليني مالك !؟ لاني مش عارفة شو بدي جاوبك ،
نفسي اعرف يا امي كيف بقبلوا على حالهم احنا نضحي بكل شي لنكون منهم وهما ما يقدموا تنازل واحد عشانا !؟ كيف بنسوا بلحظة كل شي عملناه عشانهم ، كيف بنسوا كل اللحظات الحلوة بلحظة وبصير كل شي رماد وبضيع بالهوا وبح ما ضل شي ،
لا.واغبى شعور يا امي اني ضل بحبهم رغم كل شي بعملوه وعملوه ، انو انسى كل جرحهم الي كل دموعي منهم كل شي و وجعي وبحبهم ، ليش انا هيك يا امي بنت ضعيفة مش قوية ، بنت بكسرها اي شي ، ليش بتعلق بالناس بجنون ، ليش وقت حب بحب بجنون ليش بضحي بكل شي حتى حالي لاخليهم مبسوطين وبالاخر بطلع الهم ولا شي وبغمضة عين بروحوا ، طب استنوا خدوا روحي خدوا قلبي والله ما عاد يلزموني ، ما عاد الهم فايدة ، انا اصلا والله يا امي لو بعرف الانتحار حلال لعملته من زمان ،
انا تعبت من كل شي يا امي محدش ضل وفي بهاد الزمن محدش ضل صادق كله بلعب بقلوب الناس يا امي كانها لعبة وهما ما بعرفوا ولا يمكن بعرفوا بس مش فارقة معهم انو القلب لو انسكر بعمره ما بنجبر ،
اااه يا امي شو الوجع راح يموتني ، يا امي نفسي شوفه لو مرة يمكن لو شاف حالي حزن لو شوي ، بدي ارمي حالي بحضنه يا امي وضل ابكي منه ، بس فكرك راح بحس لا والله ما بظن ، مشكلته قلبه حجر ، اناني ما بحب الا حاله ومش فارق معه بشر ،
ما بعرف كيف حبيت وحش بمنظر بشر بس والله حبيته يا امي حتى الوجع منه بحبه وقربه حياتي وبعده عني موتي ، والي مجنني يا امي انو كل هالشي معه ما فرق وراح اي يا امي راح وتركني عم اطلع بخياله بحاكي حالي ببكي بكل لحظة ،
مشتاقله انا والله مشتاقة قد كل الدنيا والبشر وبحبه كتير كتير يا امي بس وينه هلأ ووين راح وتركني ، ولك انا بحبك فاهم شو يعني بحبك ، يعني انت صرت انا يعني انت صرت الي النفس ، يعني انت صرت روحي ، يعني غيابك موتي ، وان بدك ياني موت كل يوم ضلك غايب ضلك يا روحي غايب ، "

خيآال حرف

المصدر: منتديات بنات فلسطين - من قسم: ابداعات أعضاء بنات فلسطين الشعرية والنثرية

l`;vhj tjhm l,[,umm K "

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(125) ألف فتاة عانس في غزة : الفتيات يبحثن عن "الأمان" رغم البطالة والحرب !	خالد	الأפֿـُبآر والـأפـدَآث	15	08-13-2016 04:26 PM
فتاة تطلب رأس والدها مهرا"لها	حَبِيَبة اْخ٘وۤهٗا	قصص أدبية , روايات , حكايات , تاريخ الأدب والأدباء	11	03-05-2015 02:16 PM
مذكرات مدرسيه ح5 نبض	وسام الملك	فـسحـة الـروح " يوَ๑ـَيآتْ الأξـضآء "	3	02-05-2015 02:28 PM
مذكرات مدرسيه ح 4 ريما غزة	وسام الملك	فـسحـة الـروح " يوَ๑ـَيآتْ الأξـضآء "	33	02-02-2015 04:09 PM

مذكرات فتاة موجوعةة ، "

بكل يوم عم يوقع قناع يا امي ، عم تبان الي حقيقتهم البشعة ، وبصير احكي لحالي انا وين كان عقلي وقت صدقتهم وثقت فيهم ، انا تعبانة كتير يا