الشارع النابلسي يتساءل أين السلطة و"طخيخة" فتح !!
 

في وضح النهار وتحت أشعة الشمس اللاهبة، اقتحمت قوات الاحتلال الصهيوني مدينة نابلس لاعتقال أحد المطاردين، وسط غياب أجهزة السلطة الفاضح، والتي اعتادت ملأ شوارع المدينة في هذا الوقت وزهوها بسلاحها.

الشارع النابلسي أمام هذا الاقتحام السافر، وقف مصدوما، وسط تساؤل النابلسيين عن غياب الأجهزة الأمنية، وطخيخة المحافظة والذين أضحوا ظاهرة متفشية هذه الأيام.

أين طخيخة فتح

بتلك العبارة علّق عدد كبير من أهالي المدينة والنشطاء على مواقع التواصل الاجتماعي، حيث قال المواطن محمد مطر :"في وضح النهار ... عملية اقتحام واسعة لنابلس واعتقال مطلوب من كتائب الأقصى بعد إصابته، يحق لنا أن نسأل سؤال ... أين طخيخة نابلس ؟؟؟".

وفي ذات السياق قال المواطن أبو أحمد السخل :"وين مقاتلينا الأشاوس .. وينهم الي على عشان المناسبات الفاضية بضربوا مليون رصاصة بالجو .. بالوقت إلي بدنا إياهم ببينوش يا حيف".

وبتساؤل بريء علّق المواطن طاهر القدومي قائلا :قبل أسبوعين جماعة الطلكة الاولى طلعو باستقبال اسير محرر من سجون الاحتلال وطخو رصاص بالهوا تا خردقو طبقة الاوزون ...السؤال القوي : السلاح نفسو وين بروح لما الجيش بقتحم المدينة زي هيك ؟؟!".

أين عباس وأجهزته

بينما كان أكثر سؤال يتردد على ألسنة النابلسيين، عقب عملية الاقتحام، أين رئيس السلطة محمود عباس وأجهزته الأمنية.

فقد قال المواطن نبيل صبحي :" انا مش عارف ازي واحد يدخل بيتك ويعتدي علی أهل بيتك وانت تفتحلهم الباب وتقلهم اتفضلو. مفيش دم مفيش رجوله ، وين الرئيس وين قوات الاجهزه الامنيه.محدش يجرؤ أن يضرب طلقه".
بدورها قالت المواطنة أم خليل الأغبر :"الله يزلهم .. بس شاطرين على تاعين حماس .. وين عساكرنا والأمن الوطني والمخابرات والوقائي ... كلاب بس شاطرين على هالشعب الغلبان".

وبحزن شديد علق المواطن كريم قائلا :"زي الفيران تخبوا .. هلكونا بطولات فاضية والطلقة الأولى واحنا لحمايتكم ... هيهم زلونا واقتحموا المدينة بنص النهار .. وينكم يا جبناء".

وبسخرية طافحة، قال الماوطن علي عبيدات :"يا نيالنا في محمود عباس شكل دمنا مش احمر ع شان يطلع يتفلسف لونو مستوطن كان هو وكلابو طاردو ورا جماعة حماس كرمالو".

وكانو اول مرة يصير هالمشهد !!

اقتحمو المقاطعه وحاولو قتل ابو عمار امام عدسات الكاميرات


والعالم كلو ما اتحرك


بدكم فتح تتحرك وتوئف للجنود المسلحين ؟!!


ع فكرة كاتب المقال منو فلسطيني


وﻻ الو علاقه بواقع فلسطين


يسلمو مؤمن للنقل


وردتي

بتسمح بالمثل الي بقول

اسد علي وبالحروب نعامة

هاد حال الشعب الفلسطيني


ولو كان في عرس ولا حفلة

بتلقى الرصاص اكثر من رش المطر


اما وقت الجد ما بتلقى حد

تسلم مؤمن لنقل الخبر والمتابعة

يعطيك العافية

لسا من ساعه بنتناقش انا واصدقائي بهاد الموضوع


على فكره هاذا الشب كان معي بالجنيد وجديد روحنا على اساس نام بالبيوت بشكل طبيعي


لكن خليها على الله يا خال

والله اليوم الجيش يتمخطرو بكيفهم ولا حد سائل بنص البلد بطخطخو في البشر ولا حد سائل

خلص خربت الدنيا ما عادت متل اول


اما حملت السلاح في نابلس فقط للمشاكل و للحفلات

اما على السلطه على شعبها بس بتتشاطر

هاد ئشي معروف

خلي الطابق مستور بلاش نصبح عندهم

شكرا اخي على موضوعك المهم

نو كومنت



ربي يحمي البلاد وخلص

اه فعلا وين اجهزه عباس

ليش م طلعو الf16 والدبابات الي عنا

والنووي غريبه والله


كان المفروض يعملو حرب متل الي احنا عملنا وراح من اليهود 2600 واحد

اه صح الي استشهد كانو منا مش من اليهود

يبقى كانو دمرو كل الوحدات السكنيه متل م دمرنا بلحرب الي فاتت اسرائيل

بردو نسيت انو احنا الي ادمرت بيوتنا وتشردو اهلنا بكرفانات م بتحميهم لا ببرد ولى بشوب

وبيدفعولهم اجار البيوت بعد سنه وبكل زن ومهانه

وبحملوهم اجميله انهم دفعولهم

وبستنو بلانوروا تعطيهم مصاري

كل حدا بيزاود على اجهزه السلطه م بيعرف شي وبس بدو يتفلسف

بدو الضفه تنحرق متل م انحرقت غزه

كل الاحترام لكل فتحاوي وعلى رأسهم السيد الرئيس ابو مازن حفظه الله

وكل المزاودين بحب اقللهم ابو مازن رئيسنا الي عاجبو عاجبو

يسلمو مؤمن

بس بلاش ماجيك تشد ع حالك كتير



شفناه لابو مازن فوء وتحت


بالله عليك خليها مستورة

لا بشد ع حالي كتير بيستاهلها

هادا رئيسنا

حتى لو مش عاجب الكل بيضل رئيسنا

ولو بتعرفي بلسياسه لفهمتي شو بيعمل هلرئيس

كاتب المقال من سكان الضفة لكن بيكتب وما بحط اسمه بسبب ملاحقة السلطه له


انا ماشي معك انهم حاولو قتل ابو عمار
بس القصد طخيخة فتح بس في المناسبات وقت الاجتياح مابتشوف حد فيهم

يرحم ايام زمان كان وقت دخول اي دورية للجيش جنين او نابلس او حتي اي منطقه بالضفه مابيطلع
منهم كلب عايش
والان اغلب مقاومي الضفة بين مشرد ومسجون

منورة ملك

فعلاً وقت الجد والطخ الحامي ما بتلاقي حد
بس برجع وبحكيلك ان مقاومي الضفة كانو اشرس واقوي من مقاومة غزة
مثل ملحمة جنين اللي لليوم يتم تدريسها لمقاومي غزة
ربنا يفرجها علينا وبس
منور ي قلبي

المشكله يا اخي الواحد بغزة لمن يطلع ويطخ ويكون من المقاومة ماحدا بيقدر يحكي معه
لانه بالمختصر بتشوفه بكل وقت بطخ حتي بالاجتياح

لكن انو واحد يطلع ويطخ بس بالمناسبة ووقت الجد بيخلع
شو بدك تحكي فيه هذا

ربنا يفرجها علينا

مشكور لتواجدك

تقريباً تم معرفه مين يلي دل عليه

ربنا يفرجها مش عارف الواحد شو يحكي

مشكور ع تواجدك

يارب

مشكوره لتواجدك

بغض النظر عن نتائج الحرب
سبب الحرب علي غزة استاذ ماجيك
لمن حرق ابو خضير بالضفة والمقاومة ردت بقصف المستوطنات
لهيك قامت الحرب ع غزة ومش حماس يلي قصفت الجهاد الاسلامي يلي ضرب
انتقام لابو خضير

بخصوص كلامك انو الضفة تنحرق
يعني بصراحه محسسني انو مافي اعتقالات ولا بناء استيطان ولا شي
محسسني انو الضفة مش محتلة من اليهود
والاقصي يومياً بيدخل فيه المستوطنين
الفرق بين غزة والضفة ان وضع الضفة الاقتصادي كويس
لكن دايما ملاحقة واعتقالات من الجيش
وامبارح قتل مواطن كبير بالسن ف الخليل
ومن ثم لا تعص علي حالك هيك
ورئيسنا وابصر شو !!
رئيسك لحالك هذا وانت حر تفتخر فيه او لاء
بس مش تجبرنا نحترمه

طيب يعني احنا مابنفهم بالسياسية شي

احكيلنا شو بعمل رئيسك

كم سنه مفاوضات ما اخد من البلاد شبر

وبدي اقص اصبع رجلي الصغير لو بياخد شي بطريقته هادي

ولا تعتبرني حمساوي لاني بنتقد رئيسك

لا والله ي مؤمن

م بعتبرك حمساوي

عادي هادا رئيسنا وممكن اي حدا ينتقدو

بس هل هادا بغير حقيقه انو رئيس السلطه الفلسطينيه ؟ المعترف فيه ؟

لا طبعا

بيضل رئيسنا كلنا مش رئيسي لحالي

وبلنسبه لانجازاتو والله كتيره ي مؤمن بس ابحث عنها راح بتلاقيها

........................................

وبلنسبه لسبب الحرب قلتلي ابو خضير
يعني عشان واحد استشهد

خلو 2600 واحد يستشهد ي شيخ حسبنا الله ونعم الوكيل بكل واحد كان معني بهيك حرب

عم تتناسو انو في تنسيق امني بين السلطة واسرائيل وﻻ شو ؟!


اسرائيل ازا بدها حدا مطلوب من سلطتنا تساعدها او حتى تسلمو لالها


وكتير اشتباكات كانت تصير بين الجنود والشباب


وكانو طخيخة فتح متل ما سمتوهم يتفرجو او حتى يمنعو الشباب من الاستمرار في المواجهات


سلاحنا موجه لصدورنا احنا بالمقام الاول لحمايه اسرائيل




هاد واقع !!

بس كلمة بخصوص الرئيس

اثبت وبالدليل انو رئيس عاجز وفاشل


وسبب بقاؤو لهلا يمثلنا مو لانو احنا بدنا


بس لانو واقع انفرض علينا

وكانكم بتحكو عن فلسطين وكانها من الدول الخمسة عظمة

صح في بعض من كلام مثل طخيخة العراس والمشاكل

بس لاتنسو احنا مجردين من كل شي

شو يعني ام 16 بدها تعمل مع مجنزرة

ولا زي حرب حرب غزة انتصرنا

ومئات العائلات خرجت من سجل المدنين

ومئات منازل دمرت لهلا صاحبها بنامو بشوارع

بكفينا حكي فاضي

بس شغلة وحدة بحكيها

خلينان نظف بعض

مش الاخو يكون جاسوس على اخوة

شكرا مؤمن على موضوع