منتديات بنات فلسطين - هو وهي بالمطعم ..

منتديات بنات فلسطين (http://www.bntpal.com/vb/)

- النكت والطرائف (http://www.bntpal.com/vb/f22/)

- - هو وهي بالمطعم .. (http://www.bntpal.com/vb/t44139/)

هو وهي بالمطعم ..

هو :

بدي اطلب بيتزا .. بدك شي؟'

هي:
'لا.'

هو :
'اوكي.'

هي :
'و لا اقولك ..؟'

هو:
'ها .. بدك اطلب لك كمان؟'

هي:
'مش عارفة.'

هو :
'مش عارفة اذا بدك شي؟'

هي :
'لا.'

هو :
'انتي جوعانة؟'

هي:
'يعني ..'

هو :
'شو يعني يعني...؟'

هي:
'يعني معناها مش متأكدة اذا كنت جوعانة او لا.'

هو:
'الواحد لما يكون جوعان بيعرف'

هي :
'مهو يمكن جوع بعدين'

هو:
'معناها اطلب لك بيتزا.'

هي :
'طيب و اذا ما كنت جوعانه وقتها....؟'

هو:
'ما تاكلي.'

هي:
'بس هيك بيكون تبذير'

هو:
'طيب .. بتاكليها بكرا.'

هي:
'و اذا ما كان الي نفس آكل بيتزا بكرا؟'

هو:
'هاي ما بدها نفس .. الواحد بيقدر ياكل البيتزا كل يوم '

هي:
'انا لا .. ما باكل بيتزا الا لما يكون عندي نفس للبيتزا.'

هو:
'معناها بطلب لك شي تاني'

هي:
'بس انا ما بدي شي تاني'

هو:
'يعني بدك بيتزا؟.'

هي:
'لا.'

هو:
'يعني ما بدك شي؟.'

هي:
'امبلى.'

هو :
'جننتيني شو بدك؟'

هي:
'اطلب انت لحالك..'

هو:
'اخيرا .. ماشي..'

هي:
'بس اطلب بيتزا بالتونا'

هو:
'بس انا ما بحب التونا...'

هي :
'بس انا بحبها.'

هو :
'هو انا بدي اطلب الي و لا الك...؟!'

هي:
'الك طبعا.'

هو :
'طيب و ليش بالتونا. ..؟'

هي:
'يمكن اجوع لما يوصل الاكل'

هو:
'و شو يعني؟'

هي :
'بالله؟ شو يعني فكرك آكل شي ما بيعجبني؟'

هو:
'ليش هو انتي بدك تاكلي؟'

هي:
'ليش لا ؟'

هو :
' يا مثبت العقل و الدين .. ه انا لازم اطلب بيتزا الي , عشان انتي تاكليها اذا كنتي جوعانه؟؟'

هي:
'بالضبط.'

هو:
'و انا شو بدي آكل؟'

هي:
'مهو يمكن ما أكون جوعانة

صبايا معئول احنا هيك :13:

تبآ الها لعت معدتي ئي شو هادا ههههههها
جااي ع بالي أضربها
لو مطرحو بمزعها كف وعنها م أكلت هههههها
معئوول ف هيكا ؟!

عواافي ملوكةة حبيبتي

والله وانا جلطتني وعلت ئلبي ههههه

لك بجد احنا هيك ؟؟؟

نورتي حبيبتي غجريه

دوم الضحكة

انداريةة ئولك في بناات هيكآ ههههها
هوا ف بناات بيظلو يحكو كثير وهيكا يغلبو بسس بعرفش هالئد

هههها
وتدوم الك الضحكةة حبيبتي

المهم انا وانتي مش منهم ههههههه

هههههههههههه يققططععههآا , ججننتني نـآاهه "

يَ مملكك دقلكك ; نـآاهه فيي ششو ععندي ممن ههآلططبعع !

تققليشش لححدن "\

هههههه

ححبييت آلإششي

ععوىاففي يَ سككرةة

رووز
:8:

ههههههههههه اي في منوو هالحكي

يسسعدك ملك

ههههههههههههههههههه
الله يعينوا
يا ترى انا فيني اعمل هيك مع شاروخان خايفة يروح ويتركني ههههههههههههه
الله يعيطيكي العافية اسومة

لك فقعتلي مرارتي هههه
الله يعينه عليها
يسلمو حبيتي اسمى

اي هيك

بتجيبو كل الامراض النا ي جنس حواء :146:

ههههه

مشكوره ملك