اسهل واروع طرق عمل الحلويات للعيد بطرق جميله ورائعه

#1 08-05-2013

اسهل واروع طرق عمل الحلويات للعيد بطرق جميله ورائعه

كل سنة وكل الأمة العربية والإسلامية بخير بمناسبة عيد الفطر،

*****************

الحلويات ka7k.jpg

كحك العيد

كحك العيد
المقادير:
كيلو دقيق
½ كيلو سايحة
ملعقة كبيرة سمسم غير محمّص
ملعقة صغيرة ريحة كحك
كوب ماء دافئ للعجن
قطعة خميرة بيرة
رشة ملح

الطريقة:
1- انخلي الدقيق في وعاء واخلطيه مع رشة الملح، وبعدين اعملي فتحة في نصف الدقيق وحطّي فيها السمسم، وبعد كده ضيفي الزبدة في الفتحة دي تدريجيا مع التقليب باستخدام ملعقة خشبية، لغاية ما الدقيق يختلط تماما بالزبدة، وبعد كده سيبي الخليط يبرد شوية.

2- في الوقت ده دوّبي الخميرة مع ملعقة سكر وربع كوب ماء وسيبيها تخمر لحد ما يتضاعف حجمها.

3- بعد ما العجينة تبرد، ابدئي في خطوة البسّ؛ وهي إنك تفركي الدقيق كويس بكف إيدك لغاية لما تحسّي إن الدقيق كله تشرّب تماما بالزبدة.

4- بعد كده حطّي ريحة الكحك والخميرة وباقي كمية الماء تدريجيا، وبعد كده ابدئي لمّي العجينة من بره على جوّه، مع الضغط عليها بكف الإيد، لغاية ما تحصلي على عجينة متماسكة تقدري تشكّليها كويس بإيدك، بس خلّي بالك ما تزوديش الميه عن الكمية المكتوبة؛ لأن الميه بتخلّي الكحك يبقى ناشف.

5- غطّي العجينة بقطعة قماش نضيفة، وسيبيها تخمر لمدة ساعة، وبعد كده ابدئي قطّعيها قطع صغيرة، وشكّليها بقوالب الكحك ورصّيها في الصاجات أو الصواني بحيث إنهم يكونوا بعيد عن بعض، وسيبي الكحك شوية كمان في الصاج علشان يخمرّ.

6- دخّلي الصاج في فرن متوسط الحرارة، وسيبيه لغاية ما الكحك يستوي ويبقى لونه دهبي، وبعدين طلّعيه، وعند التقديم رشّي على الوش سكر بودرة.

ملحوظة:
لنجاح عجينة الكحك لازم تدعكيها لفترة كافية وتسيبيها مدة علشان تخمرّ.
*****************

الحلويات biscuit.jpg

بسكويت النشادر

بسكويت النشادر
الطريقة:
3 كوب دقيق
كوب نشا
كوب زبدة
كيس بيكينج باودر
لبن عند الحاجة
كيس فانيليا
2 بيضة

الطريقة:
1- اضربي السكر مع السمنة كويس لحد ما يكوّنوا خليط ناعم ومتجانس، واضربي البيض مع الفانيليا كويس وضيفيه على خليط السكر والسمنة.

2- اخلطي الدقيق مع البيكينج باودر، وضيفيهم على الخليط السابق بالتدريج لغاية مع العجن المستمر لغاية ما تحصلي على عجينة متجانسة.

3- شكّلي البسكويت بالطريقة اللي تحبّيها، ورصّيه في الصواني بعد ما تدهنيها بطبقة خفيفة من الزيت، ودخّليهم الفرن على درجة حرارة متوسطة لحد ما البسكويت يبقى لونه دهبي، وبعد كده طلّعيه وسيبيه يبرد شوية قبل ما ترصّيه في طبق التقديم.
*****************

الحلويات ghorayeba_0.JPG

الغريّبة

الغريّبة
المقادير:
2 كوب دقيق
كوب سكر بودرة
كوب زبدة
رشة ملح
لوز للتزيين

الطريقة:
1- حطي الزبدة والسكر في طبق واضربيهم بالمضرب الكهربائي لحد ما يبقوا زي الكريمة.

2- حطي الملح على الدقيق وضيفيهم بالتدريج على الخليط وقلبيهم بإيدكي حتى تتماسك العجينة.

3- شكلي العجينة على هيئة كرات صغيرة الحجم، وحطي في منتصفها اللوز أو أي نوع مكسرات.

4- هاتي صينية ورصي فيها الغريبة بس سيبي مسافة بين كل واحدة، ودخليها الفرن على درجة حرارة متوسطة لمدة 10 دقائق.

ملحوظة:
الغريبة لونها مش بيكون ذهبي بيبقى بيج فاتح، وعلشان العجينة تنجح لازم تضربي السمنة مع السكر كويس لحد ما يبقوا عاملين زي الكريمة البيضاء.
*****************

الحلويات petit-four.jpg

بيتي فور

بيتي فور
المقادير:
2 كوب دقيق
½ كوب سكر بودرة
½ ملعقة صغيرة بيكنج بودر
ملعقة صغيرة فانيليا
كوب سمن
بيضة

الطريقة:
1- اضربي السمنة مع السكر جيدا لحد ما يبقوا زي الكريمة، اضربي البيض مع الفانيليا وحطيهم على السمنة والسكر.

2- ضيفي البيكنج بودر على الدقيق وضيفيهم على الخليط السابق بالتدريج مع التقليب ببطء، لحد ما يبقوا عجينة متماسكة.

3- شكلي العجينة بالشكل اللي تحبيه، ورصيها في الصينية، ودخليها فرن متوسط الحرارة لحد ما تحمر على خفيف.

4- خرجي البيتي فور من الفرن وسيبيه يبرد، ممكن تقدميه بالشكل ده، وممكن تلزقي كل اتنين بالمربى وترشي عليهم شوكولاتة مجروشة أو جوز هند أو مكسرات.

ملحوظة:
لو عاوزة البيتي فور بالشوكولاتة ممكن تستغني عن ملعقتين دقيق وتضيفي ملعقتين كاكاو على العجينة، وعلشان تتأكدي من سُمك العجينة دخلي واحدة أو اتنين الفرن ولو اتسعت في الصينية ممكن تضيفي دقيق زيادة.

المصدر: منتديات بنات فلسطين - من قسم: װ..مطبخ بنات فلسطين]●ะ

hsig ,hv,u 'vr ulg hgpg,dhj ggud] f'vr [ldgi ,vhzui

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حلويات عيد2013-2014-اشهى حلويات العيد-صور حلويات عيد الفطر2013	ناثرة الورد	װ..مطبخ بنات فلسطين]●ะ<	10	09-23-2013 11:28 AM
الطريقه الرائعه لتحضير الكنافه بالقشطه راح تعجبكم	بنات فلسطين	װ..مطبخ بنات فلسطين]●ะ<	8	08-02-2013 11:10 AM
بعض الطرق لجعلك تتعلم اللغه الأنجليزية بسهل	بنات فلسطين	Section Language English	3	07-30-2013 01:29 AM
حركآتْ لا إرَادية .. لكنْ لَهآ معآني نفْسية	تشيرمي	التنمية البشرية والذاتية	4	07-27-2013 12:41 AM
كَلِمآت لَهآ إيقاعٌ في الْــقَلب ~	مشآعر أنثى	زوايا عامة	13	07-17-2013 12:07 PM

اسهل واروع طرق عمل الحلويات للعيد بطرق جميله ورائعه

= 500) this.width = 500; return false;" /> كل سنة وكل الأمة العربية والإسلامية بخير