|
قصة الملك وبناته.. كان يا ما كان في قديم الزمان، ملك عنده ثلاث بنات . حب في يوم من الايام انه يختبر حبهم اله. جاب الكبيرة وقالها : يابا يا حبيبتي قديش بتحبي ابوك الملك . البنت من غير تفكير : بحبك قد ما السمك بحب البحر . الملك فكر وقال في باله : ايهو السمكبقدر يعيش بدون بحر . هاي البنت بتحبني كتير . وقال الها : انا كنت عارف انك بتحبيني بس مش لهدرجة وقام اعطاها قصر كبير ومجوهرات . جاب البنت التانية وسألها نفس السؤال . فقالتله : بحبك قد ما الطير بحب السما انبسط الزلمة وكيف . واعطاها قصر جنب اختها ومجوهرات . بعدين جاب البنت الصغيرة ( اخر العنقود اللي بموت فيها ) وسألها نفس السؤال . قامت جاوبته : بحبك قد ما الدقة ( يعني زعتر ) بتحب الشطة . الزلمة زعل وعصب وقام لفحها كف. ومسكها من شعرها وزتها برة القصر. وما رضي يسمع منها ولا نص كلمة . البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة . ودارت الايام ومرت الايام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة دور على المرافقين . ولا هم هون . طب الحرس . فص ملح وداب ؟؟؟ . ضل الملك يمشي ويمشي لغاية ما لقي هالكوخ لصغير . قال بفوت برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة . مرته مش خافي عليها الصوت . قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا ؟؟ واضحة بنت الملك الصغيرة . بدت تشتغل بالجاجات وخطر على بالها فكرة . نادت جوزها وقالتله خود شوية الدقة ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله : اتفضل يا عمي على بين ما يجهز الاكل . الملك ميتجوع وهو بحب الدقة ( كمان يعني زعتر ) كتير . ما بلع اول لقمة ولا صار بده يستفرغ . وصاح بالزلمة : ولك شو هاد دقة من غير شطة ؟؟؟ كيف بتاكلوها هاي ؟؟؟؟ وفجأة اتذكر بنته الصغيرة وصار يعيط . قاله الزلمة :. شو مالك يا زلمة انت العاقل . كل هاد مشان شوية دقة ( زعتر يا جماعة ) هسة الجاج بخلص. راح الملك حكى للزلمة القصة . وهو خلص من هون نطت البنت وقالت : بخ كيفك بابا ؟ عرفت اديش بحبك ؟ وهيك عرف الملك قديش بتحبه بنته . وجابتله دقة بشطة . طبعا ما اكل منها ولا لقمة لانه نزل بالجاج جرد , واعطاها قصرين ومجوهرات . وأنتم قديش بتحبوني...هههههه |
قصه رائعه وا ممتعهتحياتي لك |
هههههههههههههههههه دحكتيني وانا زعلانة زكرتيني بقصة متلها قراتها وانا صغيرة بس هاي القصة نهفة يسلمو ايديك يا عسل عالقصة الحلوة |
ههههههههه حلوةة گثير وأنا بحبگ قد حبي للقمر https://encrypted-tbn3.gstatic.com/i...EMTGKewrXiUxTy يعطيگي العافيةةة |
يسلمو للقصه |
ههه لا عاد هادا اعلان للدقة والشطةة ههه يسلموو ع القصةة |
اقتباس:
إن شاء الله استمتعت بقراءتها.. |
اقتباس:
ربي يسلمك هذا من ذوقك يا عسل.. كوني بخير.. |
اقتباس:
وأنا كمان بحبك عسولة.. كل الشكر لمرورك الحلو .. وتسلميلي ع الوردات.. كوني بخير.. |
اقتباس:
ربنا يسلمك حبيبتي.. كل الشكر لمرورك الحلو.. |
اقتباس:
دوم ضحكتك دقة قلب.. كل الشكر لمرورك حبيبتي.. ع فكرة اسمك حلو عجبني.. |
يااااا حبيبتيييييي .. ههههه والله هالقصة حلوووة خيتيي يسعدِك ربيي ..~ |
اقتباس:
مرورك الأجمل يا قمر.. ايه هالقصة ذكريات زمان.. ربي يسعدك.. |
ههههههههههههه انآ بحبك َ ئد النملة هههههههههههههه لآ لآ بحبك كتيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييير كتيييييييييييير :) قصصَة َ رآئعة َ ,’ ي عسسولةةَ بآنتظآرَ الجديدَ ., عسى َ مآ ننحرمَ من تآلقككَ اللهَ يسعدكَ |
😠قد النملة هههههه.. اها قولي هالكلام .. وأنا بحبك قد البحر عسولة .. كل الشكر لمرورك الحلو 😘 |
| الساعة الآن 11:27 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.