فضفضة ع الماشي ،"

#1 06-02-2015

بحياتك ما تتنازل مشان حدا مين من كان هالحدا صدقني محدش بستاهل تتنازل مشانه ولو تنازلت مره هتعيدها أكتر من مره ، خليك قد حالك ولا شي بيأثر فيك لا تهتم شو هاد حكى و شو هاد هاد عمل وكون أنت ، كون مختلف عن الكل بفكرك بعقلك بكل شي ، أوعك تقلد حدا أو تحاول تكون نسخة من حدا خليك نسخة جديدة نسخة الكل يحكي بدي كون زيها ، كون قدوة واوعك تكون تابع لحدا ، لا تسمح لحدا يفرض عليك شو بدك ، أنت بنفسك أختار و قرر كيف حياتك لازم تكون ، ولا تسمح لحدا يدخل فيك عيش بعفويتك متل ما أنت ولا تتكلف لحتى تعجب حدا او يحبك حدا ، يلي بده يحبك لازم يحبك متل ما أنت يحبك لأنك أنت ، أوعك بيوم تغير من حالك عشان حدا أنت هيك حلو ليش تسمح لغيرك بحياتك يتحكم ،وأهم شي أوعك تشغل نفسك بناس ما بتسوى بناس باعتك وعنك تخلت ، يلي باعك بيعه واوعك لحدا تستنى او تبكي لأنو حدا خانك او طلع م بستاهلك بالعكس أضحك بوجهو وقله الله معك خود الباب بإيدك وأوعك أشوفك تاني ، خليك بحب حالك وسعادتك أناني شو ما صار لازم تكون مبسوط وبتضحك ، وأوعك حدا يشوف دمعك عيط بس ما حدا يشوف ضعفك ، لا تخلي الناس يشوفوا منك إلا قوتك ولا تسمح لحدا فيك يتشمت ، أقنع حالك أنك بتستاهل كل شي حلو وأنو الحزن ما لازم يزورك ، أضحك من قلبك يا كبير و لنفسك أضرب تعظيم سلام و للناس خليك مطنش عالدوام ، تذكر ع طول انو ما في شي بيدوم ولو بيوم زعلت فزعلك مش هيطول ، متفكرش كتير بشغلات بدايقك ومتسمحش لشي يعكر مزاجك خلي الضحكه ع طول ع وجهك وخلي مبدأك أنا و ع الباقي السلام لو هيسرقوا الفرحه من جواتي

المصدر: منتديات بنات فلسطين - من قسم: ابداعات أعضاء بنات فلسطين الشعرية والنثرية

tqtqm u hglhad K"

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فضفضة أنثى .. بقلمي ..!	أيلول ،	ابداعات أعضاء بنات فلسطين الشعرية والنثرية	11	03-11-2017 04:01 PM
فضفضة مسائية ،	رفيقة ٱلقمر	ابداعات أعضاء بنات فلسطين الشعرية والنثرية	13	07-08-2015 02:39 PM
احم احم...نكت ع الماشي	ملك روحي	النكت والطرائف	14	04-06-2015 08:49 PM
فضفضة قلب -المساحة التي تفيض بما ينزفه قلمي	قصي	ابداعات أعضاء بنات فلسطين الشعرية والنثرية	73	03-19-2014 07:02 AM
نكت ع الماشي	لمشتاقة لروحي	النكت والطرائف	6	08-25-2013 01:07 AM