نظرية الخمس معتقدات
 

ما الذي يجعل الإنسان يظن أن لا مخرج له إلا بالعنف ؟؟

اللي يوصل إنسان انو لا يرى الا العنف حل للمشكلة الخاصة فيه هو أمر يحتاج إلى تأمل عميق
في نظرية بعلم النفس إسمها " الخمس معتقدات "
في 5 معتقدات لو تكونو بداخل انسان او أفراد معينين في بمجموعة
بيوصلو للعنف كالحل الوحيد لمشاكلون

الشعور بالأفضلية

أول معتقد هو الشعور بالأفضلية " نحنا أفضل من غيرنا "
" نحن أفضل " قد تكون باسم الدين أو اللادين

كمثال على الأفضلية باسم اللادين " هتلر "
هتلر كان شايف إنو الجنس الآري "Aryans" يعني الجنس الإلماني الأصلي هو الجنس الأفضل
فهو كان فعلا مؤمن بالأفضلية ولاحظتو أفعال هتلر بسبب إيمانو بالأفضلية

وممكن تجي كمان من خطوات ابليس باسم الدين
انو مجموعة معينة باسم الدين شايفة نفسها أفضل من جميع المجموعات الأخرى

أنا مظلوم

ثاني معتقد لازم يتكون داخل نفس الإنسان انو " أنا انظلمت بشدة "
وعلى فكرة هذا المعتقد ممكن يكون سليم أو مش سليم ما رح تفرق حتى التطرف يحصل
يعني ممكن يتوهم انو انظلم و ممكن يكون انظلم عنجد و بالحاللتين بيحصل التطرف
ونحنا هون لازم ننتبه لفكرة خطيرة : انو رد الفعل للتطرف أحيانا بكون متطرف ف منصير متل اللي عم يطفي نار بالبنزين
فلو كان رد فعلي للظلم ظالم .. بهالحالة مندخل بحلقة فارغة جميعا ك مجتمع

أفكاري و رؤيتي مهددة

ثالث معتقد لازم يتكون بنفس الإنسان
هو شعور بإنو فكرتي و الشي اللي عايش أنا مشانو بالمرحلة هي من الزمن هاد و العصر هاد ممكن تنتهي يمكن يقضى عليها
ف هو حاسس بشعور بالتهديد مستمر لفكرتو أو لنوعو أو لجنسو أو حتى بفكرو المنحرف بلاقي في خطر على " دينو "
مفكر حالو نبي .. انت مش نبي , فببلش يتصور انو كمجموعة لو هو انقرض انقرض الدين
فيرى في حماية مجموعتو و أفكارها حماية للدين من أولو لآخرو
لو بدأو أفراد هي المجموعة يحسو انو هم تحت تهديد حقيقي مستمر بكون تكون بنفوسون 3 من اصل 5 معتقدات
" الشعور بالتهديد + الشعور بالأفضلية + الشعور بالظلم " بكون ناقصون معتقدين فقط

انعدام الثقة

المعتقد الرابع هو انعدام الثقة بينو و بين المجموعة الأخرى
بينو وبين المجموعة الخارجية .. انعدمت الثقة بمعنى :
انت الإصلاح الوحيد اللي بيني و بينك انك تنضم لمجموعتي
يعني من فضلك فوت عالمصنع و طلاع نسخة مني بالزبط
بفكري و طريقة تفكيري بشكل نسخ مكررة من البشر
بالتالي ما عندو اي اسلوب للتعارف مع الشعوب المختلفة و الأفكار و الألوان و الأجناس الأخرى

لا أمل

اخر معتقد لازم يتكون بنفس الإنسان اضافة الى المعتقدات الاربعة المذكور وهي

" الشعور بالأفضلية + الشعور بالظلم + الشعور بالتهديد للمجموعة كلها او للفكرة + الشعور بانعدام الثقة تماما " هي
انو المجموعة الخارجية تغلط غلط خطير بحيث انو ما تعطيهون مخرج ليخرجو من هالفكر
بالتالي بتتكون الفكرة الخامسة " ما في أمل " ما الي مخرج

اذا بيجتمعوا هال 5 أفكار بنفوس البشر بمجموعة وحدة بتتحول هالمجموعة لمجموعة إرهابية

.
.

عذرا على الإطالة
:136:

طمتني مو رح أكون إرهـآإبيةة هههه ولـآ عنيفةة ") !

يسلمو كمآني المزآجي حبيت التحليل :$

ورده

ههههههه

لا أكيد مانك إرهابية انت لطيفة
نورتي :136:

اذا بيجتمعوا هال 5 أفكار بنفوس البشر بمجموعة وحدة بتتحول هالمجموعة لمجموعة إرهابية




ع فكرة الجماعات الاهاربية بس تيجي تجند عناصر بتشتغل ع العامل النفسي ،


وبحسسوا العناصر انهم ولا شي بالمجتمع وبلعبوا بعقلهم




عجبني موضوعك كتير


نجومي وتقييمي

يسلمو لللنقل والنظريه

الحمدلله وسيم لسا انا بخير ههههه
يسلمو ياراقي
ودي

شكرا زملاء على المرور الجميل
ملكة الحرف الموضوع غير منقول

نورتو :136:

تحليل مقنع و اعجبني جدا جدا

يسلمو كتير