ورد ، قصةة قصيرةة
 

كنت بتصفح نت وقت ما رن جوالي ، طلعت لاشوف مين واستغربت بس شفت رقمه حكيت لحالي شو ذكره في وشو بده مني !!
قررت ما رد لانو رجع على بالي كل شي قديم ، كيف حبيته بجنون وكيف خذلني وتركني بلحظة ، كيف تخلى عني وقت ما كنت محتاحة اله ، راهنت عليه كتير وبالاخر خسرت ، يا الله شو كنت غبية وقت تجاهلت كل عيوبه ، وقت تنازلت عن كتير شغلات لاكون اله ، وبالاخر شو راح ، رن الجوال من جديد وصحاني من ذكرياته ، لساته عم برن ، معقول صاير معه شي !! ما بعرف ليش قلبي حس بخوف عليه مع انو هو يلي كسر قلبي ، قررت ارد وانا جواتي بعرف هالشي غلط بس ما قدرت امنع حنيني لصوته ،
الو ،
مرحبا ورد كيفك !
الحمد لله بخير ، خير لشو عم تتصل ابراهيم
لك احكي كيفك بالاول ،
ما بدي احكي ، ان في شي مهم احكي
اشتقتلك كتير ورد اكتر ما فيكي تتخيلي
ابراهيم اسكت لا عاد تكذب خلص
ولك والله ما بكذب انا والله ندمان وبدي عوضك عن كل شي
يلي بخون مرة بخون مرة تانية
ورد سامحيني
ما في
وسكرت الخط وبلشت ابكي وابكي ، كيف جاي بعد تلات سنين يطلب السماح ، كيف بدي انسى كل سنين هالعذاب والوجع ودموعي ووجعي ، تلات سنين ما ضحكت فيهم من قلبي ،
بهالوقت بعتلي ابراهيم مسج " والله بحبك ورد والله ، انا اسف حبيبتي عن كل شي "
ههههه حبيبتي !! شو عم يحكي هاد طفيت ل الجوال وقمت فتحت اللاب وفتحت اخر محادثة الي معه وبلشت اقراها للمرة المليون يمكن ، كيف قلي روحي ما عاد بحبك وانا متل الهبلة قله انا بحبك وما بتركك وكيف كنت اترجاه ليجي ويحط سكينه بقلبي ويقلي انا بحب الاء وهي بتحبني وهي اصلا احلى منك ،
بتحب الاء!! وهي بتحبك ، اعز رفيقة لالي بتحبك وبتحبها يلي اعتبرتها متل ظلي خانتني مشان شب !! لك انت اكيد بتكذب ،
وقتها لهلأ بتذكر ضحكتها بس حاكيتها وانا ببكي وبترجاها تقلي انه كذاب بس هي ما قالت هيك هي غلطت في !!
لك فيكو تتخيلوا وجع قلبي وقتها ، خيانتين بنفس الوقت ، خسارتين كسروني ، وهلأ جاي بده سامحه !!
بعد شو بدي سامح بعد ما كرهت حالي وفقدت ثقتي بكل هالدنيا ،
جمعت قوتي وفتحت الجوال ورنيت عليه ،
اه ابراهيم ،
حبيبتي عارف ما راح يهون عليكي حبنا ،
ابراهيم ،
نعم يا روح ابراهيم ،
لك اسكت واسمع ،
شو احكي ،
انت بدك نرجع صح ،
صح ..
انا موافقة بس بشرط ،
لك انا بعملك اي شي ،
برجعلك ان بترجع دموع عيوني بالسنين يلي راحت ، برجعلك ان بتحمي غصة قلبي ووجعه ،
ورد ..
اسكتت انا مستحيل ارجعلك اطلع من حياتي ولا عاد ترجع انت بالنسبة الي ميت والميت ما برجع للحياة ،
سكرت الخط وقلبي حاسس براحة ومتاكدة انو ربي انتقم الي واخد بحقي منهم ، قمت على سريري ولاول مرة من تلات سنين بنام والضحكة على وجهي

حبيت القصة وحبيت اسلوبكَ فيهــآ والزلمة جاي يحس بالندم ويعتذر بعد 3 سنينَ
ومنتظر يلاقي منهآ شيء , حبيت النهاية وانهآ كانت اقوى
من وجعها وحبهآ الو وتركته , بكل صدق القصة
جميلة وبشدةةَ .،/

اي بالاخر لازم نتغلب على كل شي جواتنا وما نتنازل باسم الحب



حبيتو ل حضورگ


نورت ،^^

حبيت النهايه جدا

قصة بمنتهى الجمال


التسلسل بالاحداث والعقدة وحتى التشخيص


كلو كان رائع ومتقن


والاهم انو ورد اخدت حئها


ابدعتي نبض


تقييمي

لازم الوآحد يقويي قلبو شوي ..

حبيتها للقصة نبوضة
ونهايتها كانت بتجنن رغم ألمها للصبيية
بس هييك بترتاح

يعطيك العافيية حبيبتييي

وردآتييي إلك ..~~

قصة معبرة جدا
الحفاظ علي الكبرياء
واخد القرار بوقته صح
يسلمو نبض عجبتني
ودي

يا هلا ملك مبسسوطة انها عجبتك وحبيتها


يسسعدلي اياكي ربي


نورتي

محلآهـآ القصةة ")


شطورة بس !! كنت عم آستنـآ النهآيةة


فكرت بدهآ ترجعلو كنت عم طول المسدس هيهيهي ")

يسلمو عسولة بجد حبيت ")

ورده

معك حق مي ، لازم نقسى على حالنا شوي




ويعافي قلبگ ميوش


ورد الكون الك