|
مساكين البنات بسرعه بنضحك عليهم وتستمر المعاناه شب ماخد رقم بنت من صاحبه بدو يزبط بنت عن طريق التلفون http://www.bntpal.com/vb/img/bntpal_1431614140_886.gif الشب : السلام عليكم مرحبا اختي هاد تلفون أبو عوض البنت : لا النمره غلط الشب: عاد بدي ياه ضروري واعطوني هادا الرقم البنت : يا اخي والله الرقم غلط مو مصدق الشب : خلص صدقتك عفكره صوتك حلو والحمد لله إنه ربنا خلاني أغلط بالرقم عشان اسمع هاد الصوت الحلو البنت: ليش بتخفف دمك ومين أعطاك رقمي الشب : والله إني غلطان بالرقم وتخربطت بآخر رقم البنت: طيب خلص شو بدك الشب : مالك معصبه ياستي آسف إني غلطان بحقك وما حرن عليكي مره تانيه بس عكل حال أنا كتير متضايق ومش لاقي عروس عاد مش ناقصني إشي وكل البنات ما بصمدو معي وأول ما أسكر الخط بدي أنتحر ومش لاقي حد يسمعني وكنت بتمنى إنك تسمعيني بس ياخساره يلا باي اهئ اهئ البنت : استنى استنى انته شو اسمك الشب : اسمي رامي ومهندس بشركة نفط بالخليج وجاي هون شهر إجازه >> ملاحزه للعلم بس ( بكون اسمه عواد وعنده كشك سجاير في البلد ) البنت : شو برجك؟؟؟( هاد أكتر سؤال بسئلوه البنات) الشب برجي الجوزاء . البنت : كيف شكلك ؟؟ الشب : طويل وعيوني خضر وبلعب حديد بس صارلي تارك فتره عشان هيك نصحان شوي بس راجع ألعب( عاد بكون شبه شعبان عبد الرحيم) البنت : مش مهم الشكل انا ما بهمني بالشب شكله المهم عقله يكون كبير الشب : لا ما تخافي من هاي الناحيه كل أصحابي بحكو معي عشان احللهم مشاكلهم ولله الحمد أنا زلمه راكز وقد حالي وكل الحاره ابتحسبلي مليون حساب ( عاد بكون هو مشييب أصحابه وسبب مشاكلهم ) البنت : لا مبين عليك قد حالك وطيوب بس ليش ولا بنت بتصمد معك الشب : كل بنت بحكي معها ابتتجوز أو ابتخطب وكل ما أحب بنت بتخوني وبتغدر فيه عشان أنا قلبي طيب ومخلص ( بكون هو حالق لكل البنات وعمرو ما أخلص لحد) البنت : ياحرااااااام الشب : ما قلتيلي انتي مرتبطه أو مصاحبه البنت : لا عمري ما حبيت ولا حكيت مع شباب الشب : اهاااااا ( وببعد السماعه عن دانه وبصير يضحك عشان بكون قاعد معه أصحاب البنت الأربعه الي صاحبتهم من قبل ) الشب : طيب أنا لازم اروح هلأ عشان سيارتي البي إم صافه بنص الشارع وبرجع أحكي معك ( عاد بكون رصيده خلص وراح يفصل الخط ومعوش حق سيجاره) وهيك بتستمر هاي المكالمات لبين ما يخلص الشب من البنت بحكيلها إنها خلصت إجازته ولازم يرجع يسافر وبعدين بيعطي رقمها لصاحبه الثاني وهكذا تستمر المهزله والمعاناه مين هلا الاهبل البنت ولا الشب :33: :34: |
بتعرف انها بايخة شو قصتك مع البياخة اليوم كنك شارب شي هههههههههههه يعطيك العافية |
طنجرةة و ليقيت غطاتهاآ هههههه الشب مش منيح اوك بس البنت عندهاآ اصحآب 4 ههههههه حلوةة مؤيد يسعدك |
ليك مؤيد انت طرحت الموضوع بشكل نكته ونهفة بس فعلا الموضوع يستحق النقاش البنت منا هبله وﻻ الشب كمان التنين عم يستهبلو ع بعض هو وهي عم يكزبو وكل واحد فيهم عارف انو التاني كزاب بس الموضوع كيف وتسليه مو اكتر تعرف شو السبب ؟! الفراغ العاطفي / بطاله الشباب والفراغ الي عايشينو الملل الي عم يدفعهم لهيك شغلات كل واحد فينا مر بهيك تجربه وكزب وانكزب عليه بس بيجي وئت والواحد بوعى ع حالو بعمرو ما كان الجوال والنت وسيله للتسليه العالم ببعض بس صدقا احنا جيل وانا منهم وما راح استثني حالي كتير فاضي يلا مضطرة اروح سيارتي الشبح صافة باب المول هع مساك ورد مؤيد |
بعرفك انس بتحب البياخه عشان هيك بحب ازيدك بياخه وزناخه هههههههههه نورت يا معلم تضرب شو غليز :t152: نشوف الرد الي بعده |
صح ميناس بس ما عرفنا شو نوع الطناجر ضغط بريستو ولا المنيوم ههههههههههه :18::18: نورتِ مينو |
اقتباس:
من شان الله لا تقلبيها دراما ههههههههههههه انا ما بدي جيب اشي ببكي بدي الناس تضحك وكمان تتعلم انه لا تعطي الثقه بكل سهوله لكن للامانه كلامك وجعني لانه جبتيها عالجرح ما بعرف الحق عالبنت ولا الشب ولا الاهل ولا الحكومه ييييييي بلاش الحكومه نورتي اسمى |
اقتباس:
بتعرف هاي القصة صارت مع شب صاحبي قدامي وسمعت الحكي على الجوال الاتنين كل واحد ركب قشاط الكذب وصار يكذب على التاني نفس نمط القصة وهم يكذبو على بعض حسيت اني قاعد مع دون جوان والاميرة ديانا ههههه |
كتير بخلا صايرين ولا تقييم مع انه الموضوع بايخ وبستاهل ههههههههههههههه |
هههههها والله هالشي بصير كثير مو شوي وقت وصلنا ل الو الله يهديناا بسس طرق غبيةة وتافها ل التسليةة والوصول ل اغراض تافها بسس برضو ضحكت ههههههها ع فكرةة مو كل الطير بيتااكل لحمو ^^ |
| الساعة الآن 04:13 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.