قلت الوداع
 

قلت الوداع وجاوبت دمعة العين
تجرح بساتين الخدود النديه
واغضت , وشفت بعينها الحزن حزنين
وصاحت , على الفرقا أنا مو قوية
وجاوبتها أرجوك تكفين , تكفين
والله دمعك يشعل النار فيه
وقالت , تعاهدني عهاد المحبين ?
الله يخون اللي يخون بخويه
قلت أبشري , واللي خلقك لا تظنين
حرام ماغيرك عشقت آدميه
وقصت شعرها , وقلت أنا وش تسوين ?
قالت أبي من غرتي لك هديه
ونادتني الغربة على الهم والبين
أحسب الأيام روحة وجية
وفي كل ليلة ترتسم بين رمشين
خيالها بين الرموش الشقية
غربة سنة , في ذمتي غربة سنين
متى على الله يلتقي الحي حية
خلاص هانت ما بقى غير يومين
خلاص قفت غربة جرهدية
ورجعت وشوقي في خفوقي براكين
ورجعت أنا كلي لها جاذبية
وسألت ماردوا وأنا أصيح هي وين
وكلٍ نثر من داخل العين ميه
وفي معمعة حزني تلقيت رمحين
قالوا توفت غافلتها المنيه
وفي غرغرتها ما ذكرت غير حرفين
تشهدت باسمك شفاة البنية
وتزاحمت في داخلي ألف سكين
والحزن يطويني ثمانين طية
صدمة وجاوبتني على الأرض نصفين
وشلون راحت دون ذنب وخطية ?
تكفون دلوني على القبر هالحين
ما عاد فيني للصبر مقدريه
ووقفت أطالع قبرها بين نصبين
جلست أضم اغلى النصايب عليه
واصيح وش بك ياغلا ماتردين ?
اشتقت همس اشفاهك النرجسية
وش فيك جيت من السفر ماتهلين
ماهي بلك عادة ولا انتي ردية
وحاولت في لحظة جنون اجرح الدين
وازيح تربة قبرها في يديه
وبالغصب شالوني حشا تقل مسكين
وأصرخ بهم وأقول والله , والله حيه
اقفت وتاهت بي جميع العناوين
والحزن يلعب داخلي سامرية
ورجعت لدروب الشقا قبل عامين
مدري من اللي صار فينا ضحية ?
مدري من اللي صار فينا ضحية ?

وسسسسسلامتكم
عجبني الشعر في مقطع فيديو
حبيت أكتبةة لكم وعسى يعجبكم :71:

رق لي طرحك

رغم الكلمات المؤلمة بين السطور


ما ننحرم جدبدك


الياسمين لروحك

كلمات راقت لي
سلمت يداكي

تسسلم ع التواجد الجمييل
نورت

تسسلمي حبيبتي رقة
أسعدني تواجدك
نورتي

الله يسلمك أختي ملكة
نورتي