منتديات بنات فلسطين

منتديات بنات فلسطين (http://www.bntpal.com/vb/)
-   النكت والطرائف (http://www.bntpal.com/vb/f22/)
-   -   بحبك قد ما الدقة بتحب الشطة (http://www.bntpal.com/vb/t38965/)

الصياد 04-15-2015 06:31 PM

بحبك قد ما الدقة بتحب الشطة
 
كان يا ما كان في قديم الزمان، ملك عنده ثلاث بنات .

حب في يوم من الايام انه يختبر حبهم اله. جاب الكبيرة وقالها : يابا يا حبيبتي قديش بتحبي ابوك الملك .

البنت من غير تفكير : بحبك قد ما السمك بحب البحر .

الملك فكر وقال في باله : ايهو السمك بقدر يعيش بدون بحر .

هاي البنت بتحبني كتير . وقال الها : انا كنت عارف انك بتحبيني بس مش لهدرجة وقام اعطاها قصر كبير ومجوهرات .

جاب البنت التانية وسألها نفس السؤال . فقالتله : بحبك قد ما الطير بحب السما انبسط الزلمة وكيف . واعطاها قصر جنب اختها ومجوهرات .

بعدين جاب البنت الصغيرة ( اخر العنقود اللي بموت فيها ) وسألها نفس السؤال .
قامت جاوبته : بحبك قد ما الدقة ( يعني زعتر ) بتحب الشطة .
الزلمة زعل وعصب وقام لفحها كف. ومسكها من شعرها وزتها برة القصر.
وما رضي يسمع منها ولا نص كلمة .

البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة .

ودارت الايام ومرت الايام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة دور على المرافقين .

ولا هم هون . طب الحرس . فص ملح وداب ؟؟؟ . ضل الملك يمشي ويمشي لغاية ما لقي هالكوخ لصغير . قال بفوت برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة . مرته مش خافي عليها الصوت . قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا ؟؟ واضحة بنت الملك الصغيرة .

بدت تشتغل بالجاجات وخطر على بالها فكرة . نادت جوزها وقالتله خود شوية الدقة ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله : اتفضل يا عمي على بين ما يجهز الاكل . الملك ميت جوع وهو بحب الدقة ( كمان يعني زعتر ) كتير . ما بلع اول لقمة ولا صار بده يستفرغ . وصاح بالزلمة : ولك شو هاد دقة من غير شطة ؟؟؟ كيف بتاكلوها هاي ؟؟؟؟

وفجأة اتذكر بنته الصغيرة وصار يعيط . قاله الزلمة :. شو مالك يا زلمة انت العاقل . كل هاد مشان شوية دقة ( زعتر يا جماعة ) هسة الجاج بخلص. راح الملك حكى للزلمة القصة . وهو خلص من هون نطت البنت وقالت : بخ كيفك بابا ؟ عرفت اديش بحبك ؟

وهيك عرف الملك قديش بتحبه بنته . وجابتله دقة بشطة . طبعا ما اكل منها ولا لقمة لانه نزل بالجاج جرد , واعطاها قصرين ومجوهرات .

حٍكُاٌيٌـةُ قْلِـبّـ 04-15-2015 06:38 PM

هههههههههههههههه


بجد قصه حلوة

يسلمووو دياتك

ملك روحي 04-15-2015 06:38 PM

وتوتة توتة خلصت الحدوته

حلوة وﻻ ملتوتة ؟ههههههه


هي ملتوتة بعئل ههههههه


سبحان الله بهالئصص الحلول سهله وع طول النهايات سعيدة


ال الملك طرد بنتو لانو حكت بتحبو ئد الزعتر بالشطة ههههه


ملك ضاوي هاد خخخخ


يسلمو بابا الصياد للئصة


بس ما تعيدها هههههههه

الصياد 04-15-2015 06:59 PM

اقتباس:

المشاركة الأصلية كتبت بواسطة خـآطـڤـ قـلْـﭔﮗ (المشاركة 1321601)
هههههههههههههههه


بجد قصه حلوة

يسلمووو دياتك



عطولَ الضحكَ ي رب ,
ومآ يحرمكَ شيء منهاَ , ..

حبيب العمر 04-15-2015 07:01 PM

شو هـ الملك هادا
متوتش
عئلاته صغار
ال بطرد بنته عشان زعتر
بسشو عجبتني هاي الجمله اكتر شي


وجابتله دقة بشطة .
طبعا ما اكل منها ولا لقمة لانه نزل بالجاج جرد ,
واعطاها قصرين ومجوهرات .
جرد الجاج جرد
ونسي القصه
هههههههههه
عجبتي اضحك الله ايامك

الصياد 04-15-2015 07:02 PM

اقتباس:

المشاركة الأصلية كتبت بواسطة ملك روحي (المشاركة 1321603)
وتوتة توتة خلصت الحدوته

حلوة وﻻ ملتوتة ؟ههههههه


هي ملتوتة بعئل ههههههه


سبحان الله بهالئصص الحلول سهله وع طول النهايات سعيدة


ال الملك طرد بنتو لانو حكت بتحبو ئد الزعتر بالشطة ههههه


ملك ضاوي هاد خخخخ


يسلمو بابا الصياد للئصة


بس ما تعيدها هههههههه



ههههه

ع فكرة انا لسه مش عآرف

معنى ملتوتة ايش بالزبطَ هههه

بس الملكَ مش فاضي هو ما كانش يعرف انوو الزعتر بحب الشطة كل هدا الحب

ههههههه

بس الحمدالله سامحها بالاخر

وعرف انو غلطآن

هههههه

الصياد 04-15-2015 07:04 PM

اقتباس:

المشاركة الأصلية كتبت بواسطة حبيب العمر (المشاركة 1321649)
شو هـ الملك هادا
متوتش
عئلاته صغار
ال بطرد بنته عشان زعتر
بسشو عجبتني هاي الجمله اكتر شي


وجابتله دقة بشطة .
طبعا ما اكل منها ولا لقمة لانه نزل بالجاج جرد ,
واعطاها قصرين ومجوهرات .
جرد الجاج جرد
ونسي القصه
هههههههههه
عجبتي اضحك الله ايامك



لاآ

مش عشان الزعتر لآنو فكرها

بتحبو شوي مآ كانش مفكر انو الزعتر والشطة

ما باستغنوش عن بعض هيكآ ههههه

المهم بالآخير جرد الجاجاتَ

ونسي القصة كلها

وسامح بنتو ههههه

ملك روحي 04-15-2015 07:05 PM

ملتوتة عكس حلوة



وفهمك كفايه هههههههه

همسه احساس 04-15-2015 07:10 PM

هههههههههههههه
يقطع شرك على هالقصة متل ما حكتلك ملك ملتوته^^
يسلمو الصياد على النهفة
تحياتي

شتآتْღ 04-15-2015 07:14 PM

جميلةة والملك عقلاتو ضاربين :64: .
عوافي ~


الساعة الآن 08:35 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.