العرس الغزاوي
1-رقصة السلو : بقومو التنين زيي زينغو ورينغو وببلشوا يعملو حالهم بحبو بعض ! والناس بتتامل بدهم يعرفو شو بيحكو ! عاد هو بيكون بيحكيلها خدي النقوط من امك بلاش تهفه .

2-الرقص الشرقي : العريس ببلش يكشّ دبان بـ اديه و، مع الحرص بالابتعاد أكبر مسافة عن العروس عشان ما يشمطها كف بالغلط يخربلها شعراتها يلي حاطط حق تزبيطهم هديگ الحسبة، والعروس بتحمل الخيمة عفوا الفستان وبتبلش تهوّي الحضور فيه، معها حق بكون شوب.
3-أول العرس بيطلعوا الصبايا بيرقصوا طبيعي، و بس توصل الكاميرا لعندهم بتقلب الوحدة منهم شاكيرا أو جينيفر لوبيز...
وطبعاً لازم يكون في وحدة عم تشرح الأغنية بـ اديها كأنو الحضور صم بكم أو من ذوي الاحتياجات الخاصة.
4- فقرة التلبيسة اللي بيعمل حالو العريس فيها عاهه بعرفش يلبس الذهب وبدو مساعدة
5-فقرة تقطيع الكاتو : وقتها بفكر العريس حالو (داي الشجاع ) وببلش يلولح بالسيف مع وجود العروس جنبه يعني بأي لحظه ممكن يقطعلها راسها و هيك بكون انتهى العرس .