منتديات بنات فلسطين - جبر الخواطر على الله ،

جبر الخواطر على الله ،

كتير مواقف بالحياة بتواجه كل واحد فينا ، ممكن نتعرض لموقف محرج ونجامل ، او موقف انساني ونجامل من مبدأ جبر الخواطر على الله وما بدنا نجرح حدا او نكسر خاطر حدا ،بس في ناس بتلاقيها مصابة بمرض المجاملة أو الاصح مرض التملق ، بتلاقيهم على طول بجاملوا بالكبيرة والصغيرة حتى لو حساب الحق !!
هلأ موقف بسيط عشته بواقعي ، وقت كان اخي توجيهي وهو من المميزين بس بتوجيهي ما جاب هالمعدل الحلو مع انو توقعت يجيب اكتر مني ، المهم وقتها ناس اجوا يباركوا منهم حسيت النقاق والكذب بعيونهم قال فرحانين وانو قال شو معدله حلو على النقيض ناس حكت الحق صح معدله مش منيح بس هو احسن من غيره وبكره بعوضها بالجامعة " وهو فعلا حقق ذاته بالجامعة واصبح شخصية.محبوبة معروفة "
هاد مثال بسيط جدا عشته بحياتي ، عارفين وين المشكلة الاكبر انو نجامل حالنا او نصدق مجاملتنا لغيرنا !!!!
وعلى فكرة الصراحة مش وقاحة ومش لازم نكون جارحين حتى نكون صريحين ، الصراحة جميلة بأدب ولما نحكيها دون قصد التجريح ، الصراحة كمان اريح ، هلأ بزبط عروسة يوم عرسها يلي هو فرحة عمرها تسألك عن شكلها وانت تجامل فيه !! ولا يزبط واحد رايح على مقابلة شغل رسمية بلبس ما بليق وانت تحكيله لا والله حلو ، طيب لحظة انت هون ما نفعته قد ما ضريته ، لازم نكون واقعين وما نجرح بصراحتنا ولا نضيع بمجاملتنا ،
عارفين في ناس ربي يحميها اسلوبها عفوي ورائع لابعد حد فيها تنتقدك الف نقد وانت بتضحك ومبسوط ، ما اجمل ولا اروع هالناس بتحسهم بلسم وفيهم يغيروك وينصحوك وانت مش واعي من كتر روعة اسلوبهم ،
يعني بالاخير انا مقتنعة بشي انو لو بدي جامل لاصل لشغلة بلا منها الشغلة وخليني بمكاني ومقتنعة كمان انو الصراحة بتخليك تحس بارتياح داخلي ، قد نجامل احيانا ولكن مش بالامور الحساسة او الهامة