|
https://encrypted-tbn3.gstatic.com/i...tizxhwSQrrZ-Zy نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي !!! |
https://encrypted-tbn3.gstatic.com/i...tizxhwSQrrZ-Zy إنشد يا قلبي غنوتك للجمــــــــــــــــــال و ارقص في صدري من اليمين للشمال ما هوش بعيد تفضل لبكره سعيــــــــــد ده كل يوم فيه الف الف احتمـــــــــــــال عجبي !! |
https://encrypted-tbn3.gstatic.com/i...tizxhwSQrrZ-Zy عيد و العيال اتنططوا ع القبـــــــور لعبوا استغمايه .. و لعبوا بابــــــور و باللونات و نايلونات شفتشـــــــي و الحزن ح يروح فين جنب السرور عجبي !! |
https://encrypted-tbn3.gstatic.com/i...tizxhwSQrrZ-Zy أنا قلبي كوكب و انطلق في المدار حواليكي يا محبوبتي يا نور ونـــار يلف مهمــــا يلف ما بيكتفــــــفيش وتمللي نصه ليل و نصه نهــــــــار عجبي !! |
https://encrypted-tbn3.gstatic.com/i...tizxhwSQrrZ-Zy - الدنيا من غير الربيع ميّته ورقة شجر ضعفانه ومفتفته - لأ يا جدع غلطان تأمّل وشوف زهر الشتا طالع في عز الشتا عجبي !! |
https://encrypted-tbn3.gstatic.com/i...tizxhwSQrrZ-Zy مركب ورق من نفخة تتطـــــــــوح ركبتها و الكل بيــــــــــــــــلوح سوحت فيها اتنين و خمسين سنــــه للآن ..... و لا بتغرق و لا تـــــروح عجبي!! |
https://encrypted-tbn3.gstatic.com/i...tizxhwSQrrZ-Zy قطي العزيز راقد على الكنبــــــات في نوم لذيذ .. و بيلحس الشنبات و انا كل عين فنجان مدلدق قلــق صدق اللي قال إن الحياة منابات عجبي !! |
https://encrypted-tbn3.gstatic.com/i...tizxhwSQrrZ-Zy أهوى الهوى و همس الهوى في العيون وبسمة المغرم ودمعه الحنـــــــــــــــون و زلزلات الحب نهد الصبـــــــــــــــــــــا أكون انا المحبوب أو لا أكــــــــــــــــون عجبي !!! |
https://encrypted-tbn3.gstatic.com/i...tizxhwSQrrZ-Zyعجبي على العجب العجيب العجاب لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب عجبي !!! |
https://encrypted-tbn3.gstatic.com/i...tizxhwSQrrZ-Zy اوقات أفوق و يحل عني غبــــــــــايا واشعر كأني فهمت كل الخبايـــــــــــا و افتح شفايفي علشــــــان اقول الدرر ما أقولش غير حبة غزل في الصبايــــا عجبي !!! |
| الساعة الآن 10:27 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.