الهباش:"عاصفة الحزم" يجب ان تمتد لغزة ولا حوار مع "الانقلابيين"
 

إن جاز للتحالف العسكري العربي بقيادة المملكة العربية السعودية تسمية العملية العسكرية المشتركة ضد الحوثيين في اليمن بعاصفة الحزم فأن خطبة الجمعة من مسجد الضريح في مقر المقاطعة كانت بنظر المراقبين أقرب ما تكون إلى خطبة الحسم.

فقد طالب الدكتور محمود الهباش قاضي قضاة فلسطين ومستشار الرئيس للشؤون الدينية والإسلامية، الأمة العربية بأن تضرب بيد من حديد أي جهة تخرج عن الشرعية في أي قُطر عربي، كما يجري الآن في اليمن.

وقال الهباش وهو المستشار الأقرب للرئيس محمود عباس "إن حماية الشرعية في أي قطر عربي هي واجب في أعناق كل زعماء العرب (جامعة الدول العربية) والذين عليهم أن يأخذوا زمام المبادرة وأن يضربوا الخارجين على الشرعية بيد من حديد بغض النظر عن الزمان والمكان والحال، بدءاً من فلسطين".

وأضاف قائلا : " ما جرى في غزة إنقلاب وليس إنقسام ويجب التعاطي معه بالحزم والحسم فلا حوار مع الانقلابيين والذين يجب أن يضربوا بيد من حديد".

وقال الهباش في خطبة الجمعة بمسجد الضريح بمقر المقاطعة في رام الله، : "إن الأمة اليوم تتعرض لأزمات كبيرة وشديدة القسوة، وان ما يجري الآن من عملية عربية ضد المتمردين على الشرعية في اليمن ربما ينقذها من الدمار ويحافظ عليها من التفتت. ومن غزو الناتو واستحداث فتاوي تستنجد بالناتو وتقول ، كذباً على رسول الله، كما حدث وقال أحدهم "لو أن رسول الله حياً بيننا لوضع يده في يد الناتو".

وأوضح، أن الأمة لو أنها مسكت زمام المبادرة في بداية الأزمة الليبية لما وصل حال ليبيا إلى ما هو عليه الان من انقسام واقتتال وتشرذم. وأصبح ساحة مفتوحة للشرق والغرب. وكذلك الحال في سوريا، والعراق منذ خطيئة غزو الكويت.

وأكد على أن التدخل العربي في اليمن، ربما يكون قد قطع الطريق على تدخل غربي أو دولي، وربما بداية لاستعادة اليمن وإنقاذها وشعبها، لذلك لا نجد عربيا لا يؤيد هذه العملية، لأنها جاءت درءاً للفتن والأخطار وحماية للشرعية في قُطر عربي.

وقال، أن هناك حالات في الأمة يجب أن تعالج بنفس طريقة اليمن. وإلا سيدفع الجميع ثمناً باهظا.

وكشفت مصادر عن لقاء جمع ولي العهد السعودي الأمير مقرن والشيخ محمود الهباش لبحث موضوع مساعدة التحالف العسكري العربي الرئيس ابو مازن لاستعادة شرعيته في غزة .

هههههههه هاي اسمها مسخرة



الله يعينهم ع حالهم


يروحوا يتحالفوا ع اليهود ليرجعوا فلسطين ،




فعلا زمن عجايب

فعلا انا بردو بقول هيك

هو مختلف مع حماس ماشي
وانا مختلف معها من ساسها لراسها
لكن يدعو لضرب غزة لانها خارج شرعيه سلطته
ومن ع منبر محمد
طيب يدعو لضرب اليهود
يازلمه بديش اقولها بلاش تحكي شوارعجي
مشكور

ع فكره ي مؤمن انا بردو فتحاوي وبفتخر طبعا

بس م بقبل هلكلام التافه بعد م وصلنا لدرجه كبيره من انهاء الانقسام هادا بدو يفوعها تاني


بس الي انتو م بتعرفوه انو الهباش كان احد ابرز قاده حماس

وبتقدر تقرأ سيرتو من النت ولو م لقيت انا بعطيك الرابط

لا أكيد هذا الشئ ما بيصير وغير مقبول

يعني إذا حماس في غزة قادت إنقلاب وقتلت 300 شخص في القطاع من اجل السيطرة على غزة


لا يصح ان تقوم السلطة بفعل مماثل


رد الخطأ بخطئ مثله أكيد شئ غير مقبول




مشكور لإدراجك

عجبتني مؤمن



هدول م بتشاطروا الا ع غزة

عارف انه كان من قيادات حماس
بس شو اقول لو اجيب اصغر طفل بالشارع بيفهم اكثر منو

عن أبي هريرة رضي الله عنه قال: قال رسول الله صلى الله عليه وسلم:
((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))، قيل وما الرويبضة يا رسول الله ؟ .. قال: «الرجل التافه يتكلم في أمر العامة»

أكيد احمد هلشي مش مقبول نهائيا

وما ظنيت انو سياده الرئيس ابو مازن موافق على هيك تصريح

صحيح مؤمن

هدول تجار دين

كل واحد بيخلي خطبه الجمعه لاطماعو السياسيه

طيب اسئل رئيسك
شوفو موافق او لا :146:

مين هو الهباش هادا
شو بشتغل وشو عنده مؤهلات
وشو وزنه يحكي باسم الشعب
بحكي عن حاله مسؤول ديني
شو دخله بالسياسه
احنا ضد اي انقلاب
والسيسي لازم كمان يطيروه
ويرجعو شرعيه الرئيس مرسي
لانه اجا بانتخابات شرعيه وعن طريق الصندوق
واخر شي هادا الهباش ضربو فيوزاته
هادا الرجال طلق زوجته
وتزوج بفتاه فرنسية عمرها 22 عام
وتدعى هيلين كريميجين
واعطاها خمسة ملايين دولار أمريكي
مقابل القبول بزواجها منه
ومن ضمن المبلغ المذكور
شقة في احدى ضواحي باريس

http://www.bntpal.com/vb/img/bntpal_1427470721_331.jpg

ما بدي فوت واتخانق



بس م في حدا بنقلب ع حاله ،

رد الدكتور اسماعيل الاشقر القيادي البارز في حركة حماس بعنف على تصريحات قاضي قضاة فلسطين د. محمود الهباش التي أدلى بها اليوم في خطبة الجمعة ودعا فيها لامتداد عاصفة الحزم التي تقودها السعودية لضرب معاقل الحوثيين في اليمن إلى قطاع غزة لاسترداده من حركة حماس.

وقال الأشقر في تصريحات خاصة لدنيا الوطن :" إن الهباش رجل مشبوه أمني وشخص توتيري يسعى لتأليب العالم على شعبه ويتعامل مع الاحتلال ضد شعبه الفلسطيني" محملا الرئيس محمود عباس المسؤولية الكاملة عما صدر عن الهباش من تصريحات".

وأشار الأشقر إلى أن تلك التصريحات بالغة الخطورة سواء صدرت عن الهباش كمستشار للرئيس أو غيره من السلطة الفلسطينية مؤكدا في نفس الوقت أن الشعب الفلسطيني سيعاقب كل من يحرض عليه ويتعامل مع الاحتلال الاسرائيلي".

وشدد الأشقر على أن الهباش لا علاقة له بحركة فتح ومن غير المستغرب عليه توتير الأجواء التفاؤلية خاصة بعد زيارة رئيس الوزراء الدكتور رامي الحمد الله الى غزة وتشكيل لجنة "الحل النهائي" المتعلقة بمعالجة أزمة موظفي قطاع غزة.

وفي معرض رده عن امكانية عرض ما طرحه الهباش في خطة الجمعة على القمة العربية المنعقدة في شرم الشيخ، قال الأشقر:" أن هذا الأمر لا يمكن أن يحصل ومن الصعب التحريض على الشعب الفلسطيني بهذه الطريقة التي وصفها بالسفيهة".

ونوه الأشقر لخطورة تصريحات الهباش محذرا من تبني الرئاسة الفلسطينية لما يصدر عنه من أقوال داعيا إلى لجمه لأنه لا يعقل أن يتحدث بهذه الطريقة عن أبناء شعبنا الفلسطيني".



مؤمن هادا رد حماس على الهباش

وبلسانهم حكو انو م ألو علاقه بحركه التحرير الوطني الفلسطيني فتح

ومره بيحمل سياده الرئيس المسؤوليه ومره م بيحملوه وطبعا بما انو د.رامي الحمد الله حل مشكله موظفين غزه
فهلاء اعترفو فيه كرئيس وزراء



وع فكره بفتخر فيه رئيسي ورئيس كل الشعب الفلسطيني سواء كان كويس ولى عاطل

هو الرئيس الشرعي للسلطه الفلسطينيه

ههههههه شو هاداالكل بتشاطر عشان يضربوا غزة ..ضريهم البين

ان اعتبرنا حماس مش شرعية فعباس مش شرعي لانو انتهت ولايته ،

مؤيد الي عمري م شفتك بموضوع لالي

كويس انو الموضوع عجبك ونورتنا بتعليقك

ع هيك دايما هنزل مواضيع سياسيه بلكي نورتنا تاني

بس شو دخل مرسي والسيسي بلموضوع

ع العموم شرفت

يسلمووووووووو

للخبر

وليه نتخانق ي نبض

اختلاف النظر لا يفسد للود قضيه



وبلنسبه للنقطه الي حكيتي فيها

بتعرفي شي عن دستور الدوله والمواد الموجوده فيه؟

م بعرف وما بدي اعرف



لانو الانتخابات يلي صارت حددت گل شي ،

شو دخل الانتخابات بلمووضوع

انا بحكيلك عن الدستور مش عن الانتخابات

ولو مش حابه تعرفي ليه فتي ع الموضوع وتناقشتي ؟

ع العموم براحتك

مين حكالك انه عجبني
انه عم بضحك عليه للهباش
لانه استغل منصبه ومنبر رسول الله
لينفث سمه على نصف الشعب الفلسطيني
مش هو طلب يحررو غزه من الانقلاب
متل ما بدهم يحررو اليمن من الانقلاب
كمان يحررو مصر من الانقلاب
انا عم رد عكلامه مش كلامك
انت ناقل للخبر فقط مش متهم معه
وبعيدا عن فتح وحماس الي هما اكبر فصيلين
ما حدا برضى هادا الكلام التافه من رجال اتفه
ولا حتى عباس برضى الكلام هادا
ولا حتى اصغر طفل فتحاوي شريف
سيبنا منه خليه يهوي متل ما بده
هو حكى وهو بسمع
في الاخر رح تضل فتح مسيطره عالضفه
وحماس على غزه حتى يتم الاتفاق
بانهاء الانقسام ويعود كل اخ لحضن اخيه
وتخرس كل الالسنه التي تغرد خارج السرب
الشعب واحد والدم واحد ومصيرنا واحد
لازم هادا الرجال يتعاقب وينضرب
متل ما ضربوه بالاحذيه من سنه
في المسجد الاقصى وطردوه منه
شكرا اخي خالد

^^ الهبآش هذا مخربهآ مرةة ٌ

ههههههههه ههههههه


متاكدينُ انو دكتورٌ ^^


يسلموٌ ايزلٌ علىُ الموضوعٌ

بتفق معاك مؤيد



غرور مو كل الدكاتره بفهمو

ياما ناس شيلين اهم شهادات وما بيفهمو منها شي

هههههههه حبيتها منگ




قوية

ولكٌ حتىٌ المجنونٌ مابيرضى شئ نفس كذآآ

فمآ بالكٌ بمتعلمٌ

متل م زكر مؤمن

عن أبي هريرة رضي الله عنه قال: قال رسول الله صلى الله عليه وسلم:
((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))، قيل وما الرويبضة يا رسول الله ؟ .. قال: «الرجل التافه يتكلم في أمر العامة»

الحقد معبي قلوبهم




،

هدول مثل الي بكذب الكذبة وبصدقهآ .,
حماس فازت بالانتخابات ولانه قدرت تحمي سلطتها وحكمهآ صارت انقلآب ,
وهذا شكلو مثل عكاشة الي دايما بده يضرب غزة , كآنه حماس العدو وبده العرب يستردوهآ منها
مآ كان حود شوي وطلب انه يرجعوا الاراضي الفلسطينية المحتلة ,

ﻻ حول وﻻ قوة الا بالله

وبنحكي عن مصالحة وتوافق سياسي ال


ازا نسينا العدو الاصلي وعم نحارب ببعض !


بجد ما ضل خير بالدنيا


انا ضفاويه وضد ما عملتو حماس بغزة


ولكن ارفض ما يدعو اليه الهباش


وبحكيلو بربك صف ع جنب ي دكتور يا امام مسجد المقاطعة .. يا شيخخخخخ


عندك كلمة خير تصلح بين الاخوة وتحنن الدم ع بعض احكيها




ما عندك اسكت واكفينا شرك


بجد انا مصدومه