منتديات بنات فلسطين - قِطَتِي , شِتَآءَآ أَتَيِتْ وَ شِتَآءَآ رَحَلتْ ..

منتديات بنات فلسطين (http://www.bntpal.com/vb/)

- عالم الحيوان والنبات (http://www.bntpal.com/vb/f58/)

قِطَتِي , شِتَآءَآ أَتَيِتْ وَ شِتَآءَآ رَحَلتْ ..

"نعنع"

قبل 6 سنوات .
في فصل الشتا .
ب ليلة ماطرة جدا
كانت بداية قصته .

بعد ما سمعت موآء ل قطة صغيرة .
طلعت مواجه زخات المطر باحث عن مكان الصوت .
بحثت بوسط العتمة .
لحتى لاقيت قطة صغيرة عمرها لا يتجاوز الاسبوعين ..

اخذتها .
حملتها .
شربتها مي .
دفيتها .
قلت انها ما رح تعيش لتاني يوم .
صحيت تاني يوم .
و مازالت هالقطة عايشة .

من يومها ,
وبدأت حكآية "نعنع" .

اخذته للبيت .
عالجته .
شربته الحليب ب"اسفنجة"
حممته .
و اعتنيت فيه ..

صار جزء من حياتي .
كبرته .
عاصرته .
من لما كان يشرب الحليب ب "اسفنجة"
لحتى صار يصطاد اكله لوحده .

كبرته .
حممته وكان حجمه قريب من كف اليد ..
حممته و صار حجمه قريب من نصف اليد ..
كان ينهي استحمامه ويتخبى تحت ملابسي ..
صار ينهي استحمامه ويتخبى فوق حضني ..

ربيته .
كإبن , كانسان يفهم .
غلبني مرات , وتعاون معي مرآت .
يطلع يلعب مع القطط الاخرى ويتوسخ .
أأنبه و أحرمه من الطلعة يوم لانه وسخ حاله ..
خفت عليه من أي بسة تضربه ..

كبر .
ومآزآل بيجريلي اول ما يشوفني .
مستخدم تلك النبرة في مناداته عليا .
ما تغيرت .
حتى لما كبر .
يجي جنبي .
ويحسس ع رجلي
ويبعث فيا السعادة لباقي يومي .

كبر .
و كان متهور .
انكسرت رجله .
مرض امرآض كتيرة .
و كل مرة يشفى منها بعد معاناه طويلة .
بعد سهر طويل .
بعد اعتناء و دوا و تدفئة .

كان .
يمشي بمكان ما امشي .
يبعد عني باقي القطط لاني انا ملك اله .
يفرح لما ينظر الي .
يشوف الامل والراحة .
ينبسط .
ويضعفني ببعض الحركات الي تخليني قاعد معه .

واجهت المطر معه مرة .
واجهت العتمة معه مرة .
واجهت معه الحروب .
واجهت معه الخوف .

كبر نعنع .
وصار كل شيء بدآخلي .

كبر نعنع .
و مآت ...

مات نعنع ..

بعد 6 سنوات
من الفرح .
و التعب .
والتربية .
واللعب .
والابتسامة .
والضحك .
والتعاون .

بعد 6 سنوات من المحبة .
لكآئن "وفي" جدا ..

مات نعنع .

بأول يوم اله حملته بفصل الشتا بصندوق لحتى انقذه من الموت .
بآخر يوم اله حملته بفصل الشتا بصندوق لحتى اوديه لقبره .
عاش على حضني .
ومات على حضني .

و بنفس تلك الملابس ..
بنفس الملابس الي جبته فيها .
بنفس الملابس الي حممته فيها .
والي تخبا تحتي فيا .
والي ترك عليها آثار بلل جسده و قوة مخالبه .
بنفس الملابس الي حملته فيه للحياة .
وضعته للموت .

موجع .
ب اني انتشلته من الحياة .
و اني دفنته من الحياة .

نعنع ..
كآن ك إبن .
ك صديق .
و رفيق .
و حبيب .
و اخ .
و سر ..

نعنع كان هيك ..
https://igcdn-photos-d-a.akamaihd.ne...50106747_n.jpg

https://igcdn-photos-a-a.akamaihd.ne...51501989_n.jpg

https://igcdn-photos-f-a.akamaihd.ne...13323067_n.jpg

https://igcdn-photos-a-a.akamaihd.ne...82038317_n.jpg

نعنع رحل .
آخذ معه كل شيء جميل ..

الله يرحمو نعنع ^^

و الله هآد نعنع ممكن أوفي من بعض البششر

يسلمو آخي ع القصةة حبيتهآآ !!

بس لو ككآنت النهآيةة مآ بمموت

ورده

شكرا عى الموضوع

تباً

قرأته وكأني انا يلي مع نعنع..
الله يرحمه..
مهما كان انسان طير قط.. بيعز ع الشخص يلي عاش معه

6 سنينَ عمر قصير .,
وهيو ترك الك ذكريآت منيحة وحلوة فيها

يلآ ابقى اتذكرو بالخير .,~

نعنع

على قد ما كنت اسمع عنو على قد ما حبيتو وكان نفسي اشوفو
الله يرحمه
6 سنين فتره طويله تربيه وتعتني فيه
بعين الله
تركلك زكريات حلوه
ضلك اتزكرو

والله بَكيتْ عً حكيكْ عنو
مشش عارفًةة بسسْ الحيوااناتْ كثيرْ أوقااتْ بتكونْ أوفى وأفضلْ منْ البشًرْ
،
إنْ ششاءْ الله م بتفقدْ غاالي ،
الإشيا الحِلوةة اللي تركهآ أكييدْ هتخليكْ تتزكرو عً طوولْ
ممم مشش عارفًةة ، بسس بعرفْ قديشو غالي عليكٍ
وغيابو هيكونْ مأثرْ فييك،

اقتباس:

المشاركة الأصلية كتبت بواسطة smile nnoush (المشاركة 1226355)

اوفى بكتير من بعض البشر .
هاي القصة هي قصتي معه .
هي هيك نهايته .

يسلمو خيتو ع المرور
منورة :)

اقتباس:

المشاركة الأصلية كتبت بواسطة حنان (المشاركة 1226365)

شكرا عى الموضوع

يسلمو خيتو
منورة :)

اقتباس:

المشاركة الأصلية كتبت بواسطة الصياد (المشاركة 1226655)

6 سنينَ عمر قصير .,
وهيو ترك الك ذكريآت منيحة وحلوة فيها

يلآ ابقى اتذكرو بالخير .,~

بالنسبة لقطة ول تربية مو قصير .
ترك ذكريات كبيرة جدا جدا ..
منور خيو
ربي يسعدك
:)