|
ضيفي الان هو الوطن والغربة ليش اطلق عليك لقب الغامض ؟ دائما نقاشك قوي وجريئ وكلمتك متل حد السيف انت شو دراستك ؟ كمان جنسيتك وعمرك واسمك ههههههه تحقيق اه ؟ كم مرة ندمت بحياتك علي شئ عملته ؟ الاهل بحياتك شو بمثلوا لك ؟ الكينج صف نفسك ؟ غلطان في حقي لمين تقولها ؟ انت اجمل اخ لمين تهديها؟ لو رجع الزمان للوراء شو كان غيرت بحياتك ؟ اختار لنا عضو نشيط عضو ذوق عضو غامض عضو مواضيعه تعجبك عضو قلمه يعجبك عضو دمه خفيف عضو تهديه وردة عضو تقله الله يسامحك كمان اختار لنا اجمل موضوع اجمل خاطرة اجمل نقاش |
رغم انوا اسأله عاديه لي عوده انشاء الله بس اخ منك ياريما هيك احرجتيني ههههه الوطن والغربه |
رجعت ستي حليمه لعادتها القديمه بالنسبه للاعجابات انا مش بخيل ههههه لكن ما عمتزبط معي انشاء الله امير القلوب بشوف الها حل الوطن والغربه |
ليش اطلق عليك لقب الغامض ؟ هيك بقولوا الغامض او المحاور العنيد ههههههه دائما نقاشك قوي وجريئ وكلمتك متل حد السيف انت شو دراستك ؟ انا ذكرت سابقا بعده مواضيع واقسمت بالله العظيم لا امتلك شهادات مدرسيه ابدا انا متعلم لصف الخامس ابتدائي فقط بمدارس الانروا لكن الله اعطاني الموهبه وتحسنت كتابه اللغه العربيه من منتدى بنات فلسطين القديم وهنا الجديد وبعض الاحيان بكتب بعض الكلمات مكسره وهذا بنظري ليس عيبا كمان جنسيتك وعمرك واسمك ههههههه تحقيق اه ؟ الجنسيه فلسطيني من اراضي 48 العمر 34 سنه الاسم خليه الوطن والغربه ههههه لاني مفكر حالي عند المخارات العباسيه برام الله كم مرة ندمت بحياتك علي شئ عملته ؟ ما بهمني لماضي وما بندم ابدا بهمني الحاضر والمستقبل الاهل بحياتك شو بمثلوا لك ؟ الوالدين رحمها الله اما اخوتي الباقون انا قدوه لهم وهم ايضا قدوه لي والله يعلم بذلك رغم انا مش عايش معهم صف نفسك ؟ انا انسان متواضع والبي طيب وما بحب ازعل اي حد مني بغض النظر بعض الاحيان بيحصل اختلاف بالرأي فقط وبنظري الحوار لا يفسد قضيه حوار بين الاخوه الاعضاء ويلي مش اد الحوار ما بجبروا انوا يحاورني غلطان في حقي لمين تقولها ؟ ما حد بيغلط بحقي والعكس كذلك حتى اكون من المنصفين انت اجمل اخ لمين تهديها؟ لجميع الاعضاء والاحباء لو رجع الزمان للوراء شو كان غيرت بحياتك ؟ ما بغير اي شي بالماضي لانه مضى والمكتوب على الجبين ستراه العين وهذا يعود لقدر الله سبحانه وتعالى عضو غامض ....ما عندي انا عضو غامض لان الجميع تحت مراقبتي هههه عضو مواضيعه تعجبك حبيب العمر ريما غزه رفيقه القمر والرحال عضو قلمه يعجبك امير القلوب قلمه مميز حبيب العمر قلمه يتفهم الامور البريئه قلمها منصف الملاك البريء قلمها جميل رفيقه القمر قلمها يتسع للجميع عضو دمه خفيف حبيب العمر ، ريما غزه رفيقه القمر ، الملاك البريء عضو تهديه وردة ....ساهديها هنا لجميع الاعضاء عضو تقله الله يسامحك في ثلاث اعضاء كان على رؤوسهم ريش ولم يكونوا اوفياء للامانه لصاحب المنتدى امير القلوب ولا لبعض الاعضاء ايضا وابل ما يرحلوا بفتره قصيره ظلموا اعضاء اخرين ما بسامحهم ومصيرهم مزبله تاريخ المنتديات كمان اختار لنا اجمل المواضيع معظم المواضيع قيمه ورائعه بالفتره الاخيره يلي بيعجبني مواضيع القسم العام اجمل خاطرة ....خواطر البريئة حبيب العمر الكينج اجمل نقاش ...انا ما بناقش الا بالمواضيع الحساسه وبالنهايه وليس بيننا نهايه بأقلامنا الجميله وحبرها النقي والرائع اشكر العضوه المميزه ريما غزه وهي من اهل الكرامه والعزه على الموضوع ودمت بخير ولنا جوله بمواضيع أخرى ولقاء اخر الوطن والغربه |
فكرة حلوة |
حلو كتير والاسئلة حلوة يعطيكي العافية رمرومة |
اقتباس:
بصراحة كتير سعيدة بتشريفك هون ومبسوطة لانك قبلت دعوتي رغم معرفتي انك ما بتحب الاسئلة يلي بتخص الاعضاء ودائم التجنب انت لكن انا ريما هههههههههه تبا للغرور اجابا راقية متل حضورك وماشاءالله عنك لبق بالخديث ومتفهم وناضج الفكر واقولك شغلة مش كل يلي حاملين شهادات متعلمين الا من رحم ربي العلم بالراس والفكر مش بالشهادة تشرفت فيك وشكرا جزيلا لذكر اسمي ولوجودك الحلو نورت ياراقي ودي |
اقتباس:
نورتي |
اقتباس:
يسعدك حبيبتي الاحلا وجودك نورتي ياقمر ودي |
مؤيد بعد الزواج اكيد اشياء تغيرت بحياتك يلا تعال هون وجاوب ضيفي هلا عريس بنات فلسطين حبيب العمر مليون مرحبا فيك هههههه شو يلي تغير فيك قبل وبعد الزواج؟ بتنصح الشباب يتزوجوا ولا لا ؟ شو السن المناسب للزواج ؟ هل ستسمح لزوجتك بالعمل ولا حتكون ربة بيت ؟ حدا غايب ومشتاق اليه كتير كم مرة ندمت بحياتك علي شئ عملته ؟ الاهل بحياتك شو بمثلوا لك ؟ حبيب العمر صف نفسك ؟ غلطان في حقي لمين تقولها ؟ انت اجمل اخ لمين تهديها؟ لو رجع الزمان للوراء شو كان غيرت بحياتك ؟ اختار لنا عضو نشيط عضو ذوق عضو غامض عضو مواضيعه تعجبك عضو قلمه يعجبك عضو دمه خفيف عضو تهديه وردة عضو تقله الله يسامحك عضو زعلان منه عضو حابب تقله شئ مهم كمان اختار لنا اجمل موضوع اجمل خاطرة اجمل نقاش اجمل حصري |
| الساعة الآن 07:11 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.