منتديات بنات فلسطين

منتديات بنات فلسطين (http://www.bntpal.com/vb/)
-   ابداعات أعضاء بنات فلسطين الشعرية والنثرية (http://www.bntpal.com/vb/f72/)
-   -   هلأ ليش الدموع ما عم يخلصوا (http://www.bntpal.com/vb/t35777/)

رفيقة ٱلقمر 02-22-2015 08:51 AM

هلأ ليش الدموع ما عم يخلصوا
 
http://www.bntpal.com/vb/img/bntpal_1424587903_185.jpg

قعدت بغرفتها لحالها وكانت عم تبكي كتير , مش قادرة تحكي ولا شئ بس عم تبكي ودموعها عم تنزل ,
غرقت المكان بدموعها , وكانت عم تكتم صوت البكى حتى ما حدا يسمعها ويسألها شو فيكي؟؟
حطت وجهها بمخدتها والمخدة غرقت من دموعها , وشفقت على حالها , ضلتها عم تبكي وتسأل حالها : " ليش الدموع ما عم يخلصوا ؟؟ "
قامت وطلعت عى السطوح طلت على القمر البعيد , وعيونها كلهم دموع , اطلعت عليه وقعدت تحاكيه ..
أنت يا بعيد يلي كنت شايف كل قصتنا , يلي على طول كنت احكي الك كل شئ , شايف شو صار !!
احنا خلص افترقنا , طلع ما بحبني بيوم وكان بس عم يتسلى , جرح قلبي وكسرني وراح , تركني لحالي وهو عارف كتير منيح اني تعلقت فيه وما في بلاه ..
راح يا قمر وخلص ما عاد يرجع بسس ليش الدموع ما عم يخلصوا متل ما خلصت حكايتنا !!
معقول راح ضل ابكي هيك طول الوقت وكل ما اتذكره احس بالخنقة والغصة يلي بتقتل قلبي !!
معقول هداك يلي كان سبب ضحكتي وفرحتي هلأ صار هو سبب وجعي وغصة قلبي !!
طيب ليش ما بياخد قلبي ويريحني ما القلب صار اله ومستحيل حدا يعبي مطرحه وما في ابدا حب بعده حدا , شو لزوم القلب يضل معي يا قمر !!
انا يا قمر حبيت حاله مشانه وهلأ راح يا قمر وما ضل الا الدموع ..
هلأ انت راح تمل مني من كتر ما راح ابكي وانا بحاكيك , راح تمل وانت بتسمع وجعي , بسس ما عاد غيرك رفيقي يسمعني ..
يا قمر يا بعيد بدي دموعي تخلص عاد , تعبت انا من البكى , وعيوني تعبوا من السهر , تعبت وانا اتذكر كل شئ , وعم توجعني هديك القصة كتير ..
عم بسأل حالي طيب هو حاسس بوجعي !! ليش عمل في هيك ؟؟ وهو يلي وعدني ما يكسرني ليشش ؟
وليش الدموع ما عم يخلصوا ليشش ؟؟
دخيلك يا قمر خدني لعنده مشتاقة اله كتير , مشتاقة حاكيه وشاكسه , مشتاقة لكلماته لكل شئ ..
بسس كل شئ خلص يا قمر الا الدموع ما عم تخلص انت كمان راح تكرهني وتروح وضل لحالي انا والدموع ..
راح ضل اسهر الليل لحالي اتطلع بالسماء والنجوم وشوف وجهه بين الغيوم واسمع صدى صوته من بعيد وارجع ابكي من جديد


بسس يا قمر ما بدي امي تحس بوجعي , انا صرت انطوائية كتير بطلت هديك البنت الصغيرة المشاكسة , صرت حدا هادئ كتير , ادعي يا قمر ما حدا يحس بوجعي , ادعي انو هالقلب ما عاد ينبض بالصبح الجديد , لانو شكلو راح يخلص كل شئ الا الدموع ما عم يخلصوا










كتاابةة اللحظة وتعبر عن نفسسي ^^

ملكة الحرف 02-22-2015 09:35 AM

كلمات نايس
والدموع متنفس ومفيده
واكيد كل شي بخلص الا الدموع

لانه ربنا خلقها لهدف ولحمايه البشر

حنان 02-22-2015 09:44 AM

كلمات رائعة
يسلموووووو

رفيقة ٱلقمر 02-22-2015 09:54 AM

اقتباس:

المشاركة الأصلية كتبت بواسطة ملكة الحرف (المشاركة 1195444)
كلمات نايس
والدموع متنفس ومفيده
واكيد كل شي بخلص الا الدموع

لانه ربنا خلقها لهدف ولحمايه البشر

اهلا وسهلا فيكي


نورتي ^^

رفيقة ٱلقمر 02-22-2015 09:54 AM

اقتباس:

المشاركة الأصلية كتبت بواسطة حنان (المشاركة 1195496)
كلمات رائعة
يسلموووووو

اهلا وسهلا فيكي


نورتي ^^

وسام الملك 02-22-2015 11:16 AM

ما بعرف بس حوار مليان تسائلات

ومليان بالتردد ما بين وبين

الحاله توحي بوضع لو وما سينتج بعدها

حوار يلامس الوجدان هكذا نصوص تعبر عن الاحاسيس المتراكمه والتي تكون خائفه من

امر م بنفس الوقت

الصمت أبلغ من الكلام رغم أنه مخفي بين السطور

لكن يوحي النص بوجود صمت لعدم القدرة

الدموع لا تنتهي لكن الصمت يرافقها بكاء من غير صوت

وهذا هيه الحاله بشكل عام اختناق مؤلم

نبض احسنتي النثر

كلمات جذاب للقارء رغم ثقل حزنها وصمتها
ودي

رفيقة ٱلقمر 02-22-2015 05:36 PM

يمكن لأنو كنت عم بكتب ودموعي بنزلوا
يمكن لأنو هاي اول مره أكتب عن شي انا حاسه فيه
بعرف النص مخربط بس هاي مجرد فضفضة

سعيدة ب حضورك

ل روحك الراحة

ريما غزة 02-22-2015 06:50 PM

غاليتي نبض
احيانا الدموع تريح صاحبها
لكن حذاري من دموع القلب لايمكن التغلب عليها
راقتني جدا
وردة يا انيقة
ودي

رفيقة ٱلقمر 02-22-2015 07:18 PM

ومآ أشد دموع القلب

أنرتي ريمآ

عَابِثْ‎ 02-22-2015 07:26 PM

يمكن هالدموع الي ما عم تخلص . . تصحيها ع حالها . .
كلماتك جميلةة ونابعةة من قلبك .


الساعة الآن 12:08 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.