يا زلمة خوفتني
 

يا زلمة خوفتني

https://fbcdn-sphotos-e-a.akamaihd.n...fd139fff2a6b74

اللي بشوفك بقول صارت مصيبة!
شو صار !!
رحت عالمدرسة ورجعت ما لقيت بيتك؟
بسيطة يا زلمة!
اللي بشوفك بقول فاطمة ماتت بالمسلسل،
ولا مهند اعتزل التمثيل!
ولا رونالدو انصاب ولا ميسي اعتزل ..
يا زلمة فكرتك خسران PES من صاحبك
أو خسران بوكر ولا كاندي كرااش .. !
شو يعني رح تنام بالشارع والدنيا موت وبرد؟
شو يعني دموع أمك نازلة ومحروق قلبها
وانت مش قادر تعمل اشي؟
شو يعني ذكرياتك وكتبك ودفاترك؟
ولا هالقرشين اللي محوشهم ؟
أختك الصغيرة أعطتك عمرها صح !
اللي انتا كنت بتفديها بروحك؟
عفكرة، إحنا مش راجعين ،
ولا جايين ننصرك ...
ولا رح نحرر موطنآ المغتصب
مالك انت؟ انجنيت؟ ....
في ورانا عنصرية وطائفية بدنا نولعها،
روق يا معلم روق
مش هسآ وقتك .. !!
لأنو ضمائرنا واحساسنا ماتوا زمان ..
وصلاح الدين وعمربن الخطاب صاروا قدام
بتعرف انه العالم بطل يضحك علينا ..
لأنه العالم نسينا من أصله
أصلا صرختك مش ولا بد،
عادي يعني،
ما رنت بداني أبدا
ما حسيتها طالعة من حرقتك ع عرضك ..
روح امسح دمعة أمك يا بطل وخلينا بتفاهتنا
كيف نحرر وطنا فلسطين

لاسف مات الضمير ومات الاحساس صرخة طفل او حتى تشوفو ميت ما عادت تأثر
مركزين بالتفاهات وعايشين ع التفاهات
مشاعرنا اتبلدت وانسانيتنا انعدمت




كلمات جدا مؤلمة لواقع عم نعيشو
ولكن الامل بالله كبير


يسلمو حبيب العمر


تحياتي

كلمات كتير مؤثرة
ومثل ما حكو الضمير مات

وزم القوايا واصحاب الحق والضمير راحو وصارو قدامو
مثل عمر بن الخطاب وغيرة

الله يعين هالشعب المكلوم .
و عالفاضي لا وطن عربي معنا ولا حتى نحنا مع بعضنا
.
الله يغير الحال لحال افضل
.
يسلمو ع الكلمات المؤثرةة
.
عوافي ~

للاسف ما في كلام
مات حتي النخوة فينا
مشكور مؤيد
ودي

لا تعليييييييق بصراحه امر معدوم منو ومتل ما حكيت

لو مات مهند اوي شي تاني لقامت الدنيا وماقعدت


حسبنا الله ونعم الوكيل
الشكوى لغير الله مزله


اشكرك اخي لهاد الطرح المميز اشكرك

متذكره صورة هالطفل لما رجع من المدرسه ولقى بيتهم مهدوم
كلام جدا مؤثر وواقع مؤلم
الله يفرجها يا رب
ادراج مميز مؤيد
شكرا لك

بجد كلام مؤثر
بس مين يسمع هالحكى
حسبى الله ونعمل وكيل
بجد موضوعك كتيرر حلو
وما فيا احكى غير الله يحسن هالحال
يعطيك العافية اخى
تحياااتي