|
حماس تهدد بأشعال الحرب من جديد http://www.bntpal.com/vb/img/bntpal_1423160562_770.jpg أكد المتحدث باسم حركة حماس سامي أبو زهري أن استمرار الحصار على قطاع غزة قد يدفع الحركة إلى أعمال قد توصف بـالمجنونة من الاحتلال الإسرائيلي. وقال أبو زهري خلال مسيرة نظمتها حماس في رفح جنوب قطاع غزة ، رفضا للقرار المصري بحق ذراعها العسكرية كتائب القسام: " لن نرضخ للاحتلال الإسرائيلي، وستنفجر غزة في أي لحظة نتيجة هذا الحصار الغاشم". وعن الإعلاميين المصريين ومحكمة القضاء، وصفهم أبو زهري قائلًا: " هذه مجموعة متصهينة جاهلة، متآمرة على أهل المقاومة جعلوا الاحتلال صديق لهم" بحد وصفه وأكد المتحدث باسم حماس أن كتائب القسام لا يمكن أن تتأثر بقرار محكمة مصرية بحظرها واعتبارها "جماعة ارهابية"، قائلًا: "هذا القرار هزيل ولن ينال من عظمة القسام". وكانت محكمة الأمور المستعجلة بالقاهرة قررت يوم السبت (31-1)، حظر كتائب القسام وإدراجها كـ "جماعة إرهابية"، بذريعة تورطها في الهجمات على الجيش المصري في سيناء. |
حرب حرب اصلا احنا مش عايشين بالناقص من هيك عيشه واكيد القسام مش هيتأثر بقرار قضاء فاسد طلع مبارك براءة من احداث 25 يناير عنجد زمن مقلوبه موازيه بعقدوا سلام مع اسرائيل واحنا صرنا إرهابية عوافي مؤمن ل النقل |
الله يهدي البال ... الناس كمان زهئت وتعبت من الحروب . يسلمو ع النقل |
يعني شو الواحد بدو يحكي بس الله يكون بعون اهل غزة الحرب بس بتيجي على راس الشعب وحماس شو مفرقة معها ان عملوها منظمة ارهابية حسبي الله ونعم الوكيل يسلمو مؤمن على الموضوع تحياتي الك |
اذا كان هذا الحل الوحيد فليكن ... شكرا لك اخي مؤمن لنقلك |
أخشى أننا وقعنا بين فكي كماشة لا أحد يقبل بالوضع الراهن في غزة ، حصار شديد وخانق ، لا إعمار ولا يوجد حلول لأصحاب البيوت المدمرة أزمات متتالية سواء أزمة كهرباء او غيرها من الأزمات المعروفة ، إضافة إلى أزمة رواتب باتت غزة لا تملك سوى الهواء الذى تتنفسه فقط الوضع سيء جداً ولا يُطاق ومن جهة أخرى لا يمكن أن ندخل في حرب غير متكافئة أبداً ولا يمكن أن نتحمل أي نتائج عليها فالشعب الغزي منهار ولا يطيق نحن بين أمران أحلاهما مر مشكور مؤمن على نقلك |
المشكلة ليست في الحرب غزة متعودة على الحرب لكن المشكلة في ما يتلو الحرب الحرب إلي فاتت إحنا إلي خسرنا لأنه لم يتم تنفيذ شيء من مطالب غزة وبتمنا الحرب القادمة ما تكون هيك كمان شكراً لكَ |
بالنهايه الشعب هو الخسران بكل الاحوال سواء حرب او سلم يسلمو مؤمن للنقل تحياتي |
حسبنا الله ونعم الوكيل دائما حرووووووب حتى نحنا ملينا من هي الكلمة الله يكون بيعونكم يا اخوانا في غزة |
بالنهآآيه رح تنزل على رآآس هالشعب المظلووم حسبي الله ونعم الوكييل ربي يكوون بعوون أهل غزة يعطيك العافيه أخوي مؤمن ع النقل إحترآآمي |
الله ينصر كتائب القسام على الكلاب الصهاينه اللحين اللي يدافع عن وطنه صار إرهابي الشكوى لله مشكور يالغالي |
مابتوقع تصير حرب ماشي بهددو وهيكاا بس من القهر والوضع اللي بنعيشه مش اكتر ربناا يفرجهاا شو طالع بايدنا يسلمو مؤمن ع النقل |
متعودين عليها احنا الي ماكلينها مثل ما بحكو حسبي الله ونعم الوكيل والله يستر من الجاي والحمد لله على كل حال |
وشو بيفرق معهم هما لما تصير حرب بيقعدو بهلانفاق ولى عفلق بيعرف وين هما بيطلعو شويه الشباب الغلبانه بيستشهدو وطبعا الاف16 بتنزل قصف بغزه وبأهلها وبنهدمو نفسهم رفح خانيونس الشجاعيه بيت حانون بيت لاهيا مع شويه مناطق متفرقه وبرجع الحال كما هو بعد م تخلص بس بكون استشهد شي 2000 واحد وبيقولو انتصرنا كيف انتصرنا م بتعرف بس انتصرنا 2500 شهيد مش مشكله المهم انتصرنا كمان انتصار متل هادا مش هتلاقي حدا بحتفل فيه بس الغريب انو احنا الي بنهدد بحرب ولما تصير بنصير نقول ليه الدول مش واقفه معانا وسيبينا بلحرب مشكور مؤمن ع النقل |
الحرب كانت وقفها بشروط ما تنفذ منها شئ اليهود لاعهد ولا كلام لهيك كل شئ معهم جايز الله ينتقم منهم مشكور مؤمن |
| الساعة الآن 10:26 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.