| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
| | LinkBack | أدوات الموضوع | انواع عرض الموضوع |
02-12-2015
| #11 | |
 حنين لرائحة زمن مضى ツ 
 |  ايمن aiman ايمن شب بسيط كتير، ومتواضع كتير، بحب يعيش حياته بعيد عن النكد بس للاسف النكد دايما موجود حوليه، بحاول دايما يطلع من الضغوطات اللي بكون فيها، ايمن دايما ع طبيعته، وبحب يحكي اللي بئلبه، بحسه دايما مستعجل ومبغوت، ما بعرف يمكن لإنه بكون في براسه الف شغله، ايمن بحب الناس اللي بتضحك، لإنه طبيعته بشوش وبحب الصحبه والمشاوير، بظن عنده معارف كتير ومحبوب كتير من الناس وصحابه، وبظن دايما في حوليه صبايا معجبات حابينو .. مانو راضي عن حياته كتير بس دايما بحاول يزبط اموره .. بتمناله حياة سعيده بالمستئبل  ..تولين تولين بنت كتير طيبه ومحترمه، دايما بحالها بتتدخلش بحدا، بحسها بتحبش تئرب من الناس النكده لإنه اللي فيها مكفيها على ما اظن مش مبسوطه كتير بحياتها، بتحاول دايما تتغلب ع الصعوبات وتتفائل رغم كل اشي، تولين بنت مُريحه كتير، ما بتحسها اتيكيت لدرجه انك فيك تاخد وتعطي معها بدون ما تفكر ئبل ما تحكي، وهاي صفه بتجنن وايجابيه كتير .. تولين بنت كتومه لإنه ما بتثق بأي حدا بسهوله وانا بهنيها ع تفكيرها بهالطريئه لإنه اليوم ما عاد في امان، خلي الواحد اسراره لنفسه بكون افضل .. بحسها بتحب المنتدى وبتحب تفوت لانها بتحس بتغيير جو وبتنبسط هون ومن ناحه تانيه لحتى تطلع من واقعها المُر "نوعا ما" .. تولين بتحب الضحك والمزح كتير، بعتئد انها بشوشه بالواقع، ومتأكده كمان إنه رفئتها بالواقع بتجنن لإنه ئلبها طيب ومش مغروره وبسيطه وما في احلى من رفئة هيك اشخاص بهالطبع، بتمنالها كل التوفيئ بحياتها وع طول تشوف السعاده ..الوطن والغربه انسان محترم، بقمة التواضع، ما بعرفه بالمره بس دايما معجبه بشخصيته واسلوبه، بحسه انسان "حقّاني"، دايما بيحكي المنطق بعيد عن المجاملات وكترة اللئلئه، انسان عنده خبره بالحياة، وبحس شخصيته قويه ما بيسكت عن حقه لو شو ما صار، بحسه انسان وطني، كتير بيعنيله وطنه ودايما بيذكره وين ما كان ان كان بالنت او بالواقع، بحسه انسان بيعرف كيف يحافظ ع علاقاته مع ائرب الناس إلو، يمكن ما بحب كترة المعارف، بس بعرف كيف يكون اجتماعي لمن يكون بين معارف كتير بالمجتمع .. بتمناله النجاح والسعاده بحياته ..ظِل ظل بنت محترمه، قمة الزوء، هاديه كتير، بحسها دايما رايئه، متأكده إنها بنت بتحب الضحك والفرفشه بس ئليل ما بتبين هالاشي ما بعرف ليش، بتحب كل اشي مميز ومختلف، بس زوئها صعب يعني لمن بدها تختار بتتعب لحتى تلاقي، لإنها بتحب تكون مقتنعه بالنهايه باللي بتختاره، بغض النظر ان كان صور او حتى اشخاص او اشياء من حياتها الخاصه او شو ما كان .. دايما بتهتم بالشغلات اللي بتعكس شخصيتها ودايما بتحافظ ع وجود هالشغلات، لإنه ما بتصدء وتلائي شغلات بتشبهها .. ظل في جواتها قصه، ما بعرف شو طبيعة هالقصه يمكن حلوه او بشعه ما بعرف، بس لاحظت هالاشي من كتاباتها يللي بتعكس قصتها، بس اكيد بتدئئش ولا بتحكي كل اشي بالتفصيل لإنها ميّاله للغموض .. بعتئد يللي بيفكر يصاحب ظِل رح يكون مبسوط لإنها عائله وراكزه وحاسيتها امينه للاسرار .. وبعتئد كمان إنها بتحب الاناقه .. بتمنالها حياة ناجحه ودايما تشوف الاشياء الحلوه بحياتها ..وهالاشخاص برضه ما في معرفه ئويه، حكيت رايي فيون من خلال مشاركاتون واسلوبن هون .. | |
 |
| الكلمات الدلالية (Tags) |
| اختار عضو |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اخر اخبار بورش 911 | سفير القلعة | عالم السيارات والمحركات | 6 | 09-14-2016 02:39 PM |
| ضع نفسك مكان( حبيب العمر ) واحكي رايك بصراحة | ملك روحي | استراحة الألعاب | 56 | 12-31-2014 03:59 PM |
| اخر اخبار مؤتمر آبل. | سفير القلعة | التقنيات و علوم التكنولوجيا | 5 | 10-17-2014 10:33 PM |
| انثى بكل ما اختار | عشق ! | حـواء وأنـاقتها | 14 | 08-18-2014 08:29 PM |
الساعة الآن 09:45 PM
